مرید کی تعلیم کا آغاز صفائے قلب سے شروع ہوتا ہے۔

تسلیم و رضا یہ ہے کہ خدا کی طرف سے کوئی نعمت ملے تو وہ خوش ہو اور اگر مصیبت آئے تو غمگین نہ ہو۔

جو شخص ریاضت و مجاہدہ نہ کرے اس کو دولتِ مشاہدہ نہیں حاصل ہو سکتی۔

صوفی کے لیے ضروری ہے کہ وہ عالمِ باعمل ہو، اس کے افعال و حرکات پسندیدہ ہوں اور شریعت و طریقت کے مطابق ہوں، اس میں لطافتِ زبان حسنِ احلاق، شگفتگی، فیاضی اور بے غرضی ہو، وہ اوصافِ ذمیمہ کی پستی سے نکل کر اوصافِ حمیدہ کی بلندی پر پہنچ گیا ہو، خدا کے علاوہ ہر چیز سے بے نیاز ہوچکا ہو یہی اس کی پہچان ہے۔

کوئی درویش سلاطین و امرا سے حظِّ نفسانی اور لذتِ شہوانی کی غرض سے ملتا ہے تو وہ درویش نہیں۔