مرید کو چاہیے کہ کبھی کسی حال میں پیر کے راستہ کو نہ چھوڑے۔

کام کے بجا لانے میں ہرگز غفلت نہ کرنی چاہیے جس قدر ہوسکے ضرور کام کیے جانا چاہیے کہ کام کرنے ہی سے کام نکلتا ہے اور ایسا کبھی خیال نہ کرنا چاہیے کہ کام کرنے سے کچھ نظر نہ آیا۔

شریعت کی مثال دودھ کی ہے اور طریقت کی مثال دہی کی اور معرفت کی مثال مکھن کی اور حقیقت کی مثال روغن خالص کی۔

اگر بندہ ہونا چاہو تو ذکر کرو اگر خدا ہونا چاہو تو فکر کرو۔

بندہ جب تک اپنے سے گُم نہیں ہوتا ہرگز خدا کو نہیں پہنچتا۔

جس قدر لوگوں سے اختلاط کم کرو گے اور پیر کا تصور رکھو گے، گھبراہٹ کم ہوگی اور اس کے عکس میں بیشی ہوگی۔

تصور ہی تو اصل ہے تصور کو یہاں تک ترقی دینا چاہیے کہ سوائے صورتِ پیر کے اور کوئی صورت نظر نہ آوے۔

پیر پر کوئی حال مرید کا پوشیدہ نہیں۔