سمندر کی گہرائیوں میں بے شمار خزانے چھپے ہیں مگر اگر تمہیں حفاظت چاہیے تو وہ کنارے پر ہے۔

میں خدا سے ڈرتا ہوں اور اس شخص سے ڈرتا ہوں جو خدا سے نہیں ڈرتا۔

یہ جاہلوں کا طریقہ ہے کہ جب کوئی دلیل مقابل کے آگے نہ چل سکے تو لڑنا شروع کر دیتے ہیں۔

بدوں کے ساتھ نیکی کرنا اتنا ہی برا ہے جتنا نیکیوں کے ساتھ بدی کرنا۔

جو شخص طاقت کے دنوں میں نیکی نہیں کرتا ضعف کے دنوں میں تکلیف اٹھاتا ہے۔

بے نماز کو قرض مت دو خواہ فاقہ سے اس کا منہ کھلا ہوا ہو اس لیے کہ جو خدا کا قرض ادا نہیں کرتا اسے تیرے قرض کی فکر بھی نہ ہوگی۔

سارے انسان ایک جسم کے مانند ہیں، ایک عضو کو دکھ ہوتا ہے تو سارے اعضا پر اس کا اثر پڑتا ہے۔

دنیا بے وفا اور انتہائی ناقابل اعتبار ہے اس سے فائدہ وہی شخص اٹھاتا ہے جو اسے مخلوق خدا کی اصلاح اور فلاح میں لگا دیتا ہے۔

استاد کی سختی باپ کے پیار سے بہتر ہے۔

جس کو ایک مدت کے لیے دوست بنا مناسب نہیں کہ اس کو ایک لمحہ میں رنجیدہ کر دیں، اس سے لا تعلقی بھی آہستہ آہستہ ہونی چاہیے یک دم نہیں۔

کوئی شخص روزی اپنی لیاقت اور طاقت سے نہیں حاصل کرتا، خدا سب کا رازق ہے۔

جو نصیحت نہیں سنتا وہ ملامت سننے کا عادی ہوتا ہے۔

آہستہ آہستہ مگر مسلسل چلنا کامیابی کی علامت ہے۔

اگر کسی فقیر کے پاس ایک روٹی ہوتی ہے تو وہ آدھی روٹی خود کھاتا ہے اور آدھی کسی غریب کو دے دیتا ہے لیکن اگر کسی بادشاہ کے پاس ایک ملک ہوتا ہے تو وہ ایک ملک اور چاہتا ہے۔

جو شخص غرور اور دکھاوے کے لیے اپنی گردن اونچی کرتا ہے، وہ خود منہ کے بل گر جاتا ہے۔

دوڑنا ضروری نہیں بر وقت چل پڑنا چاہیے۔

اگر کسی فقیر کے پاس ایک روٹی ہوتی ہے تو وہ آدھی روٹی خود کھاتا ہے اور آدھی کسی غریب کو دے دیتا ہے لیکن اگر کسی بادشاہ کے پاس ایک ملک ہوتا ہے تو وہ ایک اور ملک چاہتا ہے۔

اس کی ہمت پر قربان جو نیک کام اخلاص سے کرتا ہے۔

اچھی عادات کی مالکہ عورت اگر فقیر کے گھر بھی ہو تو اسے بادشاہ بنا دیتی ہے۔

مذہب صرف لوگوں کی خدمت میں ہے، تسبیح اور مصلیٰ میں نہیں۔

بھوک اور مسکینی میں زندگی گزارنا کسی کمینے کے سامنے دست سوال کرنے سے بہتر ہے۔

اگر کوئی مانگنے والا عاجزی سے تجھ سے مانگے تو اس کو دے دے ورنہ کوئی ظالم زور سے لے لے گا۔

بسیار خور ہمیشہ ذلیل ہوتا ہے۔

اگر تم چاہتے ہو کے تمہارا نام زندہ رہے تو اولاد کو اچھے اخلاق سکھلاؤ۔

کمزوروں پر رحم نہ کھانے والا طاقتوروں سے مارکھاتا ہے۔

جو نصیحت نہیں سنتا اسے ملامت سننے کا شوق ہے۔

ظالم حکمران کو وہ ہی نصیحت کرسکتا ہے جسے نہ بیم سر ہو نہ امیدِ زر۔

دوست وہی ہے جو دوست کی پریشان حالی اور عاجزی کو دیکھ کر مدد کرے۔

تین چیزوں کی بقا نہیں ہے، مال کو تجارت کے بغیر، علم کو بحث کے بغیر اور مالک کو تدبیر کے بغیر۔

جو نصیحت غرض سے خالی ہو کڑوی دوا کی طرح مرض کی دافع ہے۔

لوگوں کے چھپے عیب ظاہر نہ کر کیوں کہ تو ان کو ذلیل کرے گا اور خود کو بھروسے کے نا قابل بنائے گا۔

جو نصیحت نہیں سنتا وہ ملامت سننے کا شوق رکھتا ہے۔

بادشاہوں کو وہی شخص نصیحت کر سکتا ہے جس کو نہ سر کا خوف ہو نہ زر کی تمنا اور لالچ یعنی بے خوف و خطر آدمی۔

اگر تو کسی ایک شخص کی بھی تکلیف دور کرے تو یہ زیادہ بہتر کام ہے، بہ نسبت اس کے کہ تو حج کو جائے اور راستہ کے ہر پڑاؤ پر ایک ہزار رکوع نماز پڑھتا جائے۔

جو بزرگوں سے لڑتا ہے وہ خودا پنا خون گراتا ہے۔

جو شخص بچپن میں ادب کرنا نہیں سیکھتا بڑی عمر میں اس سے بھلائی کی کوئی امید نہیں۔

آدمی کے علم کا اندازہ تو ایک دن میں ہوجاتا ہے لیکن اس کے نفس کی خباثت کا برسوں نہیں چلتا ہے۔

جب تو خدا سے مغفرت و عطا کا طالب ہے تو جن لوگوں کی امیدیں تیری ذات سے وابستہ ہیں تو انہیں بھی محروم و مایوس نہ کر۔

نیک نیت کی وجہ سے کام نیک اور بری نیت کی بدولت برا ہو جاتا ہے۔

مصیبت کو پوشیدہ رکھنا جواں مردی ہے۔

اگر کام زر سے نکل سکے تو جان کو خطرے میں نہ ڈالو۔

جو گناہ گار دعا کے لیے خدا کے حضور میں دست دعا بلند کرتا ہے، وہ مغرور عبادت گزار سے بہت اچھا ہے، توبہ کر لینا بہتر ہے۔

جو زندگی میں لوگوں کو روٹی نہیں کھلاتا جب وہ مر جاتا ہے تو لوگ اس کا نام بھی نہیں لیتے۔

اگر چہ کوئی بے موت نہ مرے گا لیکن تو خود اژدہوں کے منہ میں نہ جانا یعنی مصیبت کو خود دعوت نہ دینا۔

وہ شخص سچ مچ عقلمند ہے جو غصہ کی حالت میں بھی بری بات منہ سے نہیں نکالتا۔

جو زیادہ پیسے والا ہے وہی زیادہ محتاج ہے۔

جو تیرے سامنے اوروں کی برائی کرتا ہے وہ اوروں کے سامنے تیری برائی کرے گا۔

جو شخص اپنے سے زیادہ طاقتور انسان سے زور آزمائی کرتا ہے وہ اپنے آپ کو تباہ کرنے میں مدد کرتا ہے۔

الجھن سے گھبراؤ مت اور دل چھوٹا نہ کرو کیوں کہ زندگی کی بہار اندھیروں میں چھپی ہے۔

جو شخص بروں کی صحبت میں بیٹھتا ہے وہ بھی سکھ نہیں پاتا۔