دنیا سایہ کے مانند ہے اور آخرت آفتاب کے مانند ہے، اگر کوئی سائے کی طرف جائے تو اس کو ہرگز نہیں پکڑ سکتا اور جب کوئی آفتاب کی طرف جائے گا تو سایہ خودبخود اس کے ساتھ ہو جائے گا۔

اگر کوئی مقامِ قطیبت میں پہنچے تو بھی قرآن کی تلاوت ترک نہ کرے کم از کم یک سپارہ ہر روز پڑھے۔

اہل صفا یعنی صوفیہ، چہار ترکی سے اس لیے متصف گردانے جاتے ہیں کہ وہ ان چار چیزوں کو ترک کرتے ہیں۔

حضرت آدم کو صفی اللہ اس معنی کر کہتے ہیں کہ عالم علوی میں انہوں نے مذہب تصوف کو قبول کیا۔

درویش کے پاس چار چیزیں ہونی چاہیں، دو ثابت اور دو شکستہ، دین اور یقین ثابت ہونا چاہیے اور پیر اور دل شکستہ۔