ضمیر الحق عمادی خلف الصدق مولانا سید شاہ حسام الحق کی پیدائش 5 ذیقعدہ 1328ھ کو اپنے وطن پھلواری شریف میں ہوئی۔ اردو، فارسی، عربی اور درسیات کی تکمیل اپنے چچا زاد بھائی تمنا عمادی پھلواروی سے کی۔ انگریزی تعلیم کے لئے کلکتہ گئے وہاں رہ کر انٹرمیڈیٹ پاس کیا۔ ضروریات زندگی کو پورا کرنے کے لئے کسٹم میں نوکری کرلی۔ تقسیم ہند کے بعد ڈھاکہ چلے گئے۔ ضمیر پھلواروی کو بچپن ہی سے شعر گوئی سے دلچسپی رہی اور تمنا عمادی کے شاگرد ہوئے۔ اردو کی خدمت انجام دینے کے لئےڈھاکہ میں تمنا عمادی کے زیر صدارت بزم تلامیذ الرحمٰن قائم کی۔