sher

ik raaz hai ai 'muztar' turbat kaa a.ndheraa bhii
aa.ii hai paye maatam ka.abe kii siyah-poshii

Muztar Khairabadi

sher

a.ndheraa qabr kaa dekhaa to phir yaad aa ga.e gesuu
mai.n samjhaa thaa ki ab mai.n tere kaakul se nikal aayaa

Muztar Khairabadi

Kalaam

kabhii to chhaTegaa fazaa se a.ndheraa kabhii to madhur chaa.ndnii raat hogii
kabhii to jale.nge charaaG-e-mohabbat usii roz un se mulaaqaat hogii

sher

is paap kii nagrii me.n har or a.ndheraa hai
ujiyaar me.n bas vo hai jo tujh ko piyaa chaahe

Abdul Hadi Kavish

sher

chaaro.n-samt a.ndheraa phailaa aise me.n kyaa rasta suujhe
parbat sar par TuuT rahe hai.n paa.nv me.n dariyaa bahtaa hai

Wasif Ali Wasif

sher

jiivan kii uljhii raaho.n me.n jab ghor a.ndheraa aataa hai
haatho.n me.n liye raushan mash.al to guru hamaare milte hai.n

Abdul Hadi Kavish

Ghazal

ab a.ndheraa hii a.ndheraa hai zamaane bhar me.n
kyaa hu.aa ye tirii mahfil me.n charaaGaa.n ho kar

Maikash Akbarabadi

Ghazal

a.ndheraa hii a.ndheraa hai kahaa.n jaa۔uu.n kise Dhuu.nDuu.n
na lagtii aag siine me.n na hotaa ye dhu.aa.n paidaa

Rauf Kakorvi

Kalaam

ba-sad naaz-o-adaa gesuu bikhero
a.ndheraa har taraf chhaa.e tumhe.n kyaa

Pir Naseeruddin Naseer

Ghazal

qafas har taraf se a.ndheraa kiye hai
nasheman ko phir bhii nazar dekhtii hai

Fazl Naqvi

Ghazal

ziyaada der a.ndheraa na rakh sakegii ghaTaa
mire yaqiin kaa ye aasmaa.n boltaa hai

Qasim Fakhri Niazi

Ghazal

nafaaq-o-buGz-o-ta.assub kaa vo a.ndheraa hai
ba-sad talaash ko.ii raushnii nahii.n miltii

Jaleel Fatehgarhi

Ghazal

chaa.ndnii chaa.nd sii suurat kii ghanii zulf kii chhaa.nv
phir a.ndheraa nazar aayaa na ujaalaa dekhaa

Zaheen Shah Taji

Ghazal

ik raaz hai ai 'muztar' turbat kaa a.ndheraa bhii
aa.ii hai paye maatam ka.abe kii siyah-poshii

Muztar Khairabadi

Naat-o-Manqabat

har samt a.ndheraa hai har samt udaasii hai
raushan merii duniyaa ko aa-kar to banaa jaanaa

Syed Amjad Hussain

Ghazal

hu.ii.n jab band aa.nkhe.n khul gayaa har raaz pinhaanii
a.ndhere me.n ujaalaa hai ujaale me.n a.ndheraa hai

Arsh Gayavi