masnad-e-kimḳhvāb shāhāñ ko kahāñ hāsil ye qadr

manzilat tere gadāon kī jo ḳhākastar meñ hai

masnad-e-kimKHwab shahan ko kahan hasil ye qadr

manzilat tere gadaon ki jo KHakastar mein hai

qaidī-e-zulf kabhī gaah asīr-e-gesū

hamne is dil ko isī tarah kā saudā dekhā

qaidi-e-zulf kabhi gah asir-e-gesu

hamne is dil ko isi tarah ka sauda dekha

ārzū-e-dīn-o-duniyā ab nahīñ ‘bahrām’ kuchh

per mirā nikle ummīd-e-rahmat-e-yazdāñ meñ dam

aarzu-e-din-o-duniya ab nahin ‘bahram’ kuchh

per mera nikle ummid-e-rahmat-e-yazdan mein dam

sarv-e-gulshan ho sanober ho ki ho fitna-e-hashr

sach to ye hia ki ġhazab vo qad-e-bālā dekhā

sarw-e-gulshan ho sanober ho ki ho fitna-e-hashr

sach to ye hia ki ghazab wo qad-e-baala dekha

us ke nazzāre kī ho kaise dil-e-insāñ ko taab

jalva-e-zāt-e-ḳhudā tere ruḳh-e-anvar meñ hai

us ke nazzare ki ho kaise dil-e-insan ko tab

jalwa-e-zat-e-KHuda tere ruKH-e-anwar mein hai

haiñ ḳhajil qaus-o-hilāl-o-ḳhanjar-o-teġh-e-sitam

qātil-e-ālam hai terī abrū-e-pur-ḳham nahīñ

hain KHajil qaus-o-hilal-o-KHanjar-o-tegh-e-sitam

qatil-e-alam hai teri abru-e-pur-KHam nahin

khīñchtā huuñ maiñ tasavvur se ba-dil tasvīr-e-yār

āftāb-e-subh saañ mahbūb mere bar meñ hai

khinchta hun main tasawwur se ba-dil taswir-e-yar

aaftab-e-subh san mahbub mere bar mein hai