duniyā ke har ik ġham se behtar hai ġham-e-jānāñ

sau sham.a bujhā kar ham ik sham.a jalā leñge

duniya ke har ek gham se behtar hai gham-e-jaanan

sau shama bujha kar hum ek shama jala lenge

ham gulshan-e-fitrat se jiine kī adā leñge

shāḳhoñ se lachak leñge kāñToñ se anā leñge

hum gulshan-e-fitrat se jine ki ada lenge

shaKHon se lachak lenge kanTon se ana lenge

rah jaaye chand rose jo bīmār-e-ġham ke paas

ḳhud apnā dil dabā.e hue chāragar phire

rah jaye chand rose jo bimar-e-gham ke pas

KHud apna dil dabae hue chaaragar phire

zabt-e-ġham kī ye qīmat milī

bevafā.ī kī tohmat milī

zabt-e-gham ki ye qimat mili

bewafai ki tohmat mili

un ko gul kā muqaddar milā

mujh ko shabnam kī qismat milī

un ko gul ka muqaddar mila

mujh ko shabnam ki qismat mili

ġham se nāzuk zabt-e-ġham kī baat hai

ye bhī dariyā hai magar Thahrā huā

gham se nazuk zabt-e-gham ki baat hai

ye bhi dariya hai magar Thahra hua

ghar huā gulshan huā sahrā huā

har jagah merā junūñ rusvā huā

ghar hua gulshan hua sahra hua

har jagah mera junun ruswa hua

shāyad ki yahī aañsū kaam aa.eñ mohabbat meñ

ham apnī matā-e-ġham barbād nahīñ karte

shayad ki yahī aansu kaam aaen mohabbat mein

hum apni mata-e-gham barbaad nahin karte

un ko gul kā muqaddar milā

mujh ko shabnam kī qismat milī

un ko gul ka muqaddar mila

mujh ko shabnam ki qismat mili

ai 'fanā' terī taqdīr meñ

saarī duniyā ke ġham rah ga.e

ai 'fana' teri taqdir mein

sari duniya ke gham rah gae

dil ishq meñ hotā hai mā.il-ba-fuġhāñ pahle

jab aag sulagtī hai uThtā hai dhuāñ pahle

dil ishq mein hota hai mail-ba-fughan pahle

jab aag sulagti hai uThta hai dhuan pahle

kuchh dard kī shiddat hai kuchh pās-e-mohabbat hai

ham aah to karte haiñ fariyād nahīñ karte

kuchh dard ki shiddat hai kuchh pas-e-mohabbat hai

hum aah to karte hain fariyaad nahin karte

ban jā.egā allāh kā ghar ḳhud hī kisī din

filhāl 'fanā' ko sanam-ḳhāna kaheñge

ban jaega allah ka ghar KHud hi kisi din

filhaal 'fana' ko sanam-KHana kahenge

shāyad ki yahī aañsū kaam aa.eñ mohabbat meñ

ham apnī matā-e-ġham barbād nahīñ karte

shayad ki yahī aansu kaam aaen mohabbat mein

hum apni mata-e-gham barbaad nahin karte

jab bhī ḳhat likhne baiThe unheñ

sirf le kar qalam rah ga.e

jab bhi KHat likhne baiThe unhen

sirf le kar qalam rah gae

koī samjhegā kyā rāz-e-gulshan

jab tak uljhe na kāñToñ se dāman

koi samjhega kya raaz-e-gulshan

jab tak uljhe na kanTon se daman

ghar huā gulshan huā sahrā huā

har jagah merā junūñ rusvā huā

ghar hua gulshan hua sahra hua

har jagah mera junun ruswa hua

gul to gul ḳhaar tak chun liye haiñ

phir bhī ḳhālī hai gulchīñ kā dāman

gul to gul KHar tak chun liye hain

phir bhi KHali hai gulchin ka daman

ham gulshan-e-fitrat se jiine kī adā leñge

shāḳhoñ se lachak leñge kāñToñ se anā leñge

hum gulshan-e-fitrat se jine ki ada lenge

shaKHon se lachak lenge kanTon se ana lenge

raftār yaar kā agar andāz bhuul jaaye

gulshan meñ ḳhaak uḌātī nasīm-e-sahar phire

raftar yar ka agar andaz bhul jaye

gulshan mein KHak uDati nasim-e-sahar phire