tirā ġham sahne vaale par zamāna muskurātā hai

magar har shaḳhs kī qismat meñ terā ġham nahīñ hotā

tera gham sahne wale par zamana muskuraata hai

magar har shaKHs ki qismat mein tera gham nahin hota

mirī aarzū ke charāġh par koī tabsira bhī kare to kyā

kabhī jal uThā sar-e-shām se kabhī bujh gayā sar-e-shām se

meri aarzu ke charagh par koi tabsira bhi kare to kya

kabhi jal uTha sar-e-sham se kabhi bujh gaya sar-e-sham se

ishq meñ aisā ik a.alam bhī guzar jaatā hai

zahn-o-idrāk kā ehsās bhī mar jaatā hai

ishq mein aisa ek aalam bhi guzar jata hai

zahn-o-idrak ka ehsas bhi mar jata hai

kahīñ raushnī kahīñ tīrgī jo kahīñ ḳhushī to kahīñ ġhamī

terī bazm meñ hameñ daḳhl kyā tire ehtimām kī baat hai

kahin raushni kahin tirgi jo kahin KHushi to kahin ghami

teri bazm mein hamein daKHl kya tere ehtimam ki baat hai

kahīñ ruḳh badal na le ab mirī aarzū kā dhārā

vo badal rahe haiñ nazreñ mirī zindagī badal kar

kahin ruKH badal na le ab meri aarzu ka dhaara

wo badal rahe hain nazren meri zindagi badal kar

tere mizāj meñ ek din bhī barhamī na huī

ḳhushī kī baat thī lekin mujhe ḳhushī na huī

tere mizaj mein ek din bhi barhami na hui

KHushi ki baat thi lekin mujhe KHushi na hui

vo adā-shanās-e-ḳhizāñ huuñ maiñ vo mizāj-dān-e-bahār huuñ

na hai e'tibār-e-ḳhizāñ mujhe na yaqīn fasl-e-bahār par

wo ada-shanas-e-KHizan hun main wo mizaj-dan-e-bahaar hun

na hai e'tibar-e-KHizan mujhe na yaqin fasl-e-bahaar par

vo adā-shanās-e-ḳhizāñ huuñ maiñ vo mizāj-dān-e-bahār huuñ

na hai e'tibār-e-ḳhizāñ mujhe na yaqīn fasl-e-bahār par

wo ada-shanas-e-KHizan hun main wo mizaj-dan-e-bahaar hun

na hai e'tibar-e-KHizan mujhe na yaqin fasl-e-bahaar par

hosh kī bāteñ vahī kartā hai aksar hosh meñ

ḳhud bhī jo mahbūb ho mahbūb kī āġhosh meñ

hosh ki baaten wahi karta hai aksar hosh mein

KHud bhi jo mahbub ho mahbub ki aaghosh mein

zamāna hech hai apnī nazar meñ

zamāne kī ḳhushī kyā aur ġham kyā

zamana hech hai apni nazar mein

zamane ki KHushi kya aur gham kya

zamāna hech hai apnī nazar meñ

zamāne kī ḳhushī kyā aur ġham kyā

zamana hech hai apni nazar mein

zamane ki KHushi kya aur gham kya

koī tabsira bhī kare to kyā tire pur-ḳhulūs shi.ār par

jo nasīb-e-gul hai tirā karam to nigāh-e-lutf hai ḳhaar par

koi tabsira bhi kare to kya tere pur-KHulus shiar par

jo nasib-e-gul hai tera karam to nigah-e-lutf hai KHar par

lafz-e-ulfat kī mukammal sharh ik terā vajūd

āshiqī meñ toḌ Dālīñ zāhirī saarī quyūd

lafz-e-ulfat ki mukammal sharh ek tera wajud

aashiqi mein toD Dalin zahiri sari quyud

jafā-o-jaur kyuuñ mujh ko na raas aa.eñ mohabbat meñ

jafā-o-jaur ke parde meñ pinhāñ mehrbānī hai

jafa-o-jaur kyun mujh ko na ras aaen mohabbat mein

jafa-o-jaur ke parde mein pinhan mehrbani hai

ġham-e-uqbā ġham-e-duniyā ġham-e-dil

muqaddar meñ hamāre kyā nahīñ hai

gham-e-uqba gham-e-duniya gham-e-dil

muqaddar mein hamare kya nahin hai

jo 'nūh' se nisbat rakhte haiñ lā-raib 'azīz' un kī kashtī

dam-bhar meñ idhar ho jaatī hai dam-bhar meñ udhar ho jaatī hai

jo 'nuh' se nisbat rakhte hain la-raib 'aziz' un ki kashti

dam-bhar mein idhar ho jati hai dam-bhar mein udhar ho jati hai

vo kyā hayāt hai jo tark-e-bandagī na huī

charāġh jaltā rahā aur raushnī na huī

wo kya hayat hai jo tark-e-bandagi na hui

charagh jalta raha aur raushni na hui

qadam qadam pe rahī ek yaad dāman-gīr

tumhārī bazm meñ ye mujh ko be-ḳhudī na huī

qadam qadam pe rahi ek yaad daman-gir

tumhaari bazm mein ye mujh ko be-KHudi na hui

mirī aarzū ke charāġh par koī tabsira bhī kare to kyā

kabhī jal uThā sar-e-shām se kabhī bujh gayā sar-e-shām se

meri aarzu ke charagh par koi tabsira bhi kare to kya

kabhi jal uTha sar-e-sham se kabhi bujh gaya sar-e-sham se

dī sadā ye hātif-e-ġhaibī ne hañgām-e-duā

aarzū puurī 'azīz-e-vārsī' ho jā.egī

di sada ye hatif-e-ghaibi ne hangam-e-dua

aarzu puri 'aziz-e-warsi' ho jaegi

har aañkh meñ mastī hai kahiye bhī to kyā kahiye

aur aap kī bastī hai kahiye bhī to kyā kahiye

har aankh mein masti hai kahiye bhi to kya kahiye

aur aap ki basti hai kahiye bhi to kya kahiye

mire māh-e-munavvar tere aage

charāġh-e-dair kyā sham-e-haram kyā

mere mah-e-munawwar tere aage

charagh-e-dair kya sham-e-haram kya

tū aur zarā mohkam kar le pardoñ kī mukammal bandish ko

ai dost nazar kī garmī ko ham aaj sharārā karte haiñ

tu aur zara mohkam kar le pardon ki mukammal bandish ko

ai dost nazar ki garmi ko hum aaj sharara karte hain

tirā ġham sahne vaale par zamāna muskurātā hai

magar har shaḳhs kī qismat meñ terā ġham nahīñ hotā

tera gham sahne wale par zamana muskuraata hai

magar har shaKHs ki qismat mein tera gham nahin hota

paye taskīn-nazar dīda-e-bianā ke liye

muḳhtalif ruup kā ye ek hī ā.īna haiñ

paye taskin-nazar dida-e-biana ke liye

muKHtalif rup ka ye ek hi aaina hain

agar ham se ḳhafā honā hai to ho jā.iye hazrat

hamāre ba.ad phir andāz-e-yazdāñ kaun dekhegā

agar hum se KHafa hona hai to ho jaiye hazrat

hamare baad phir andaz-e-yazdan kaun dekhega

abhī ai josh-e-girya tū ne ye sochā nahīñ shāyad

mohabbat kā chaman minnat-kash-e-shabnam nahīñ hotā

abhi ai josh-e-girya tu ne ye socha nahin shayad

mohabbat ka chaman minnat-kash-e-shabnam nahin hota