خواجہ معین الدین چشتی فرماتے ہیں کہ

’’جس شخص میں یہ تین خصلتیں جمع ہو جائیں گی تو یوں سمجھنا چاہیے کہ حقیقت میں خدا اسے دوست رکھتا ہے‘‘۔

(۱) دریا جیسی سخاوت

(۲) آفتاب کی سی شفقت

(۳) زمین کی مانند تواضع

آپ یہ بھی فرمایا کرتے تھے کہ

’’قیامت کے دن خدا فرشتوں کو حکم دے گا کہ دوزخ کو سلگاؤ، جب وہ سلگانا شروع کر دیں گے تو دوزخ ایک ایسا سانس لے گا جس سے تمام میدانِ محشر غبار آلود اور دھواں دھار ہو جائے گا، لوگوں کا دم گھٹنے لگے گا اور سخت مصیبت کا سامنا کرنا پڑے گا، جو شخص اس روز کی مصیبت سے محفوظ رہنا چاہے وہ خدا کی ایسی بندگی بجا لائے، جو اس کے نزدیک تمام طاعتوں سے بہتو ہو‘‘

حاضرین نے دریافت کیا کہ

’’حضرت! اور کون سی طاعت ہے‘‘

آپ نے فرمایا کہ

’’مظلوموں اور عاجزوں کی فریاد کو پوچھنا، ضعیفوں اور بیچاروں کی حاجت روائی کرنا، بھوکوں کا پیٹ بھرنا‘‘۔

جس نے جو نعمت پائی سخاوت کی وجہ سے پائی اور گذشتہ لوگوں نے جو عزت و کرامت حاصل کی باطن کی صفائی سے حاصل کی۔

اس راہ میں دو چیزوں کی بدولت انسان کو قرار و استقامت نصیب ہوسکتی ہے، ادب عبودیت کی وجہ سے خدا کی تعظیم و توقیر کے باعث ہے۔

خدا کو پہچاننے کی علامت یہ ہے کہ بندہ مخلوق سے ہمیشہ بھاگتا رہے اور معرفت میں ہمیشہ خاموش رہے۔