voī maare anal-haq dam kare iz.hār sirr baham

koī bāñdhai kamar mohkam jo āpe-āp suuñ laḌnā

woi mare anal-haq dam kare izhaar sirr baham

koi bandhai kamar mohkam jo aape-ap sun laDna

nahīñ banda haqīqat meñ samajh asrār ma.anī kā

ḳhudī kā vahm barham zan pichhe be-ḳhud ḳhudā.ī kar

nahin banda haqiqat mein samajh asrar mani ka

KHudi ka wahm barham zan pichhe be-KHud KHudai kar

joī avval soī āḳhir joī zāhir soī bātin

ḳhudī ke tark meñ jaldī se maḳhfī sab ayaañ hogā

joi awwal soi aaKHir joi zahir soi baatin

KHudi ke tark mein jaldi se maKHfi sab ayan hoga

tere nain-e-pur-ḳhumār kuuñ sarmast-e-bāda-nāz

yā be-ḳhudī kā jaam yā sahar-e-balā kahūñ

tere nain-e-pur-KHumar kun sarmast-e-baada-naz

ya be-KHudi ka jam ya sahar-e-bala kahun

jag meñ samajh ki ġhair-e-ḳhudā aur kuchh nahīñ

vohī dukān-dār ḳharīdār aur vohī matā.a

jag mein samajh ki ghair-e-KHuda aur kuchh nahin

wohi dukan-dar KHaridar aur wohi mataa

ma.ashūq-e-be-parvāh aage garche abas hai iltijā

ushshāq ko behtar nahīñ ziiñ sheva-kār-e-digar

mashuq-e-be-parwah aage garche abas hai iltija

ushshaq ko behtar nahin zin shewa-kar-e-digar

andhāre meñ paḌā huuñ kasrat ke vahm se

vahdāniyat kā lutf suuñ raushan charāġh baḳhsh

andhaare mein paDa hun kasrat ke wahm se

wahdaniyat ka lutf sun raushan charagh baKHsh

'attār'-e-man ḳhudā kā nakārā bajāyā ḳhuub

aarif aise suḳhan meñ hai be-iḳhtiyār mahz

'attar'-e-man KHuda ka nakara bajaya KHub

aarif aise suKHan mein hai be-iKHtiyar mahz

andhāre meñ paḌā huuñ kasrat ke vahm se

vahdāniyat kā lutf suuñ raushan charāġh baḳhsh

andhaare mein paDa hun kasrat ke wahm se

wahdaniyat ka lutf sun raushan charagh baKHsh

vo hai lailā-o-majnūñ vahī hai bulbul-o-gul

vahī hai shakkar-o-magas lā-ilāha-illā-hū

wo hai laila-o-majnun wahi hai bulbul-o-gul

wahi hai shakkar-o-magas la-ilaha-illa-hu

bulbul sifat ai gul-badan is baaġh meñ har sub.h

terī bahāristān kā dīvāna huuñ dīvāna huuñ

bulbul sifat ai gul-badan is bagh mein har subh

teri bahaaristan ka diwana hun diwana hun

divālī ToḌ kasrat kī jism se ab judā.ī kar

tajallā dekh vahdat kā ghar apne roshnā.ī kar

diwali ToD kasrat ki jism se ab judai kar

tajalla dekh wahdat ka ghar apne roshnai kar

roz-e-azal alast kā mazkūr ho chukā

sāheb-dilāñ kī kaan par āvāz hai hanūz

roz-e-azal alast ka mazkur ho chuka

saheb-dilan ki kan par aawaz hai hanuz

abr tumhāre kuuñ jo hai ba-shakl hilāl-e-īd

mehrāb-e-sajda tā.at-e-ahl-e-safā kahūñ

abr tumhaare kun jo hai ba-shakl hilal-e-id

mehrab-e-sajda taat-e-ahl-e-safa kahun

ai gul-badan merā tuuñ chaman se na jā na jā

ruuhī fidāka ya.anī vatan se na jā na jā

ai gul-badan mera tun chaman se na ja na ja

ruhi fidaka yani watan se na ja na ja

tere husn kī dekh tajallī ai rashk-e-hūr

sūraj kahūñ ki chāñd ki nūr-e-ḳhudā kahūñ

tere husn ki dekh tajalli ai rashk-e-hur

suraj kahun ki chand ki nur-e-KHuda kahun