yahī īmān hai apnā yahī apnā amal 'kāvish'

sanam ke ik ishāre par har ik shai ko luTā denā

yahi iman hai apna yahi apna amal 'kawish'

sanam ke ek ishaare par har ek shai ko luTa dena

jism kā resha resha machle dard-e-mohabbat faash kare

ishaq meñ 'kāvish' ḳhāmoshī to suḳhanvarī se mushkil hai

jism ka resha resha machle dard-e-mohabbat fash kare

ishaq mein 'kawish' KHamoshi to suKHanwari se mushkil hai

asīr-e-gesū-e-pur-ḳham banā.e pahle āshiq ko

nikāle phir vo pech-o-ḳham kabhī kuchh hai kabhī kuchh hai

asir-e-gesu-e-pur-KHam banae pahle aashiq ko

nikale phir wo pech-o-KHam kabhi kuchh hai kabhi kuchh hai

chāñd sā mukhḌā us ne dikhā kar phir naināñ ke baan chalā kar

sa.variyā ne bīch-bajariyā luuT liyo bas nirdhan ko

chand sa mukhDa us ne dikha kar phir nainan ke ban chala kar

sawariya ne bich-bajariya luT liyo bas nirdhan ko

to-ko batā.ūñ sun re sakhī-rī murshid piyā kī sūrat kis kī

yahī hai sūrat sher-e-ḳhudā kī bāñkī chitvan kaarī akhiyāñ

to-ko bataun sun re sakhi-ri murshid piya ki surat kis ki

yahi hai surat sher-e-KHuda ki banki chitwan kari akhiyan

ye ādāb-e-mohabbat hai tire qadmoñ pe sar rakh duuñ

ye terī ik adā hai pher kar muñh muskurā denā

ye aadab-e-mohabbat hai tere qadmon pe sar rakh dun

ye teri ek ada hai pher kar munh muskura dena

tū laakh kare inkār magar bātoñ meñ tirī kaun aatā hai

īmān mirā ye merā yaqīñ tū aur nahīñ maiñ aur nahīñ

tu lakh kare inkar magar baaton mein teri kaun aata hai

iman mera ye mera yaqin tu aur nahin main aur nahin

apne hāthoñ mehñdī lagā.ī maañg bhī maiñ ne dekho sajā.ī

aa.e piyā ghar rim-jhim barse jaao batā do sāvan ko

apne hathon mehndi lagai mang bhi main ne dekho sajai

aae piya ghar rim-jhim barse jao bata do sawan ko

uTh ke añdherī rātoñ meñ ham tujh ko pukārā karte haiñ

har chiiz se nafrat ham ko huī ham jannat-e-fardā bhuul ga.e

uTh ke andheri raaton mein hum tujh ko pukara karte hain

har chiz se nafrat hum ko hui hum jannat-e-farda bhul gae

aag lagī vo ishaq kī sar se maiñ paañv tak jalā

fart-e-ḳhushī se dil mirā kahne lagā jo ho so ho

aag lagi wo ishaq ki sar se main panw tak jala

fart-e-KHushi se dil mera kahne laga jo ho so ho

dīn-o-īmāñ kyā aur kyā hai dharm khol diyā ab to nām-e-ḳhudā ne bharam

chashm-e-murshid ne kī aisī jādūgarī kuchh bhī mujh ko na bhaa.e to maiñ kyā karūñ

din-o-iman kya aur kya hai dharm khol diya ab to nam-e-KHuda ne bharam

chashm-e-murshid ne ki aisi jadugari kuchh bhi mujh ko na bhae to main kya karun

sāġhar sharāb-e-ishq kā pī hī liyā jo ho so ho

sar ab kaTe yā ghar luTe fikr hī kyā jo ho so ho

saghar sharab-e-ishq ka pi hi liya jo ho so ho

sar ab kaTe ya ghar luTe fikr hi kya jo ho so ho

chāñd sā mukhḌā us ne dikhā kar phir naināñ ke baan chalā kar

sa.variyā ne bīch-bajariyā luuT liyo is nirdhan ko

chand sa mukhDa us ne dikha kar phir nainan ke ban chala kar

sawariya ne bich-bajariya luT liyo is nirdhan ko

uTh ke añdherī rātoñ meñ ham tujh ko pukārā karte haiñ

har chiiz se nafrat ham ko huī ham jannat-e-fardā bhuul ga.e

uTh ke añdherī rātoñ meñ hum tujh ko pukārā karte haiñ

har chiz se nafrat hum ko huī hum jannat-e-fardā bhul gae

ākāsh kī jagmag rātoñ meñ jab chāñd sitāre milte haiñ

dil de de sanam ko tū bhī ye qudrat ke ishāre milte haiñ

aakash ki jagmag raaton mein jab chand sitare milte hain

dil de de sanam ko tu bhi ye qudrat ke ishaare milte hain

jaako koī pakḌe to kaise kaam karat hai nazar na aa.e

chupke chupke sendh lagāve din hove yā añdherī ratiyāñ

jako koi pakDe to kaise kaam karat hai nazar na aae

chupke chupke sendh lagawe din howe ya andheri ratiyan

ilm aur fazl ke dīn-o-īmān ke aql par merī 'kāvish' the parde paḌe

saare parde uThā kar koī ab mujhe apnā jalva dikhā.e to maiñ kyā karūñ

ilm aur fazl ke din-o-iman ke aql par meri 'kawish' the parde paDe

sare parde uTha kar koi ab mujhe apna jalwa dikhae to main kya karun

mil gayā raah meñ mujh ko jab vo sanam laakh dil ko sambhālā kiyā zabt-e-ġham

dil meñ hasrat liye chand aañsū magar daf.atan muskurā.e to maiñ kyā karūñ

mil gaya rah mein mujh ko jab wo sanam lakh dil ko sambhaala kiya zabt-e-gham

dil mein hasrat liye chand aansu magar dafatan muskurae to main kya karun

chalo aao 'kāvish' ki kāñdhā lagā.eñ

alī kī ḳhudā ne uThā.ī hai Dolī

chalo aao 'kawish' ki kandha lagaen

ali ki KHuda ne uThai hai Doli

surūr-o-kaif kā naġhma ġham-o-andoh kā nauha

tilism-e-zīst kī sargam kabhī kuchh hai kabhī kuchh hai

surur-o-kaif ka naghma gham-o-andoh ka nauha

tilism-e-zist ki sargam kabhi kuchh hai kabhi kuchh hai

alī to-ko jānūñ ḳhudā to-ko jānūñ

maiñ rakhtī huuñ jag se tabī.at nyāri

ali to-ko jaanun KHuda to-ko jaanun

main rakhti hun jag se tabiat nyari

kūche meñ tire ai jān-e-ġhazal ye raaz khulā ham par aa kar

ġham bhī to ināyat hai terī ham ġham kā mudāvā bhuul ga.e

kuche mein tere ai jaan-e-ghazal ye raaz khula hum par aa kar

gham bhi to inayat hai teri hum gham ka mudawa bhul gae

jīvan kī uljhī rāhoñ meñ jab ghor añdherā aatā hai

hāthoñ meñ liye raushan mash.al to guru hamāre milte haiñ

jiwan ki uljhi rahon mein jab ghor andhera aata hai

hathon mein liye raushan mashal to guru hamare milte hain

is paap kī nagrī meñ har or añdherā hai

ujiyār meñ bas vo hai jo tujh ko piyā chāhe

is pap ki nagri mein har or andhera hai

ujiyar mein bas wo hai jo tujh ko piya chahe

jā ko koī pakḌe to kaise kaam karat hai nazar na aa.e

chupke chupke sendh lagāve din hove yā añdherī ratiyāñ

ja ko koi pakDe to kaise kaam karat hai nazar na aae

chupke chupke sendh lagawe din howe ya andheri ratiyan