iid se bhī kahīñ baḌh kar hai ḳhushī aalam meñ

jab se mash.hūr huī hai ḳhabar-e-āmad-e-yār

id se bhi kahin baDh kar hai KHushi aalam mein

jab se mashhur hui hai KHabar-e-amad-e-yar

jahān-e-be-ḳhudī meñ mastī-e-vahdat jo le jaaye

farishte leñ qadam mere vo huuñ maiñ riñd-e-mastāna

jahan-e-be-KHudi mein masti-e-wahdat jo le jaye

farishte len qadam mere wo hun main rind-e-mastana

shā.erān-e-dahr ko ab hai pareshānī nasīb

karte haiñ ustād 'akmal' jam.a dīvāñ in dinoñ

shaeran-e-dahr ko ab hai pareshani nasib

karte hain ustad 'akmal' jama diwan in dinon

vafā kī ho kisī ko tujh se kyā ummīd o zālim

ki ik aalam hai kushta terī tarz-e-bevafā.ī kā

wafa ki ho kisi ko tujh se kya ummid o zalim

ki ek aalam hai kushta teri tarz-e-bewafai ka

ḳhat-e-tovām kī tarah un se lipaT jā.eñge

ham na māneñge kabhī laakh kareñ vo inkār

KHat-e-towam ki tarah un se lipaT jaenge

hum na manenge kabhī lakh karen wo inkar

iid se bhī kahīñ baḌh kar hai ḳhushī aalam meñ

jab se mash.hūr huī hai ḳhabar-e-āmad-e-yār

id se bhi kahin baDh kar hai KHushi aalam mein

jab se mashhur hui hai KHabar-e-amad-e-yar

murīd-e-pīr-e-mai-ḳhāna hue qismat se ai nāseh

na jhāḌeñ shauq meñ palkoñ se ham kyuuñ sahn-e-mai-ḳhāna

murid-e-pir-e-mai-KHana hue qismat se ai naseh

na jhaDen shauq mein palkon se hum kyun sahn-e-mai-KHana

iid se bhī kahīñ baḌh kar hai ḳhushī aalam meñ

jab se mash.hūr huī hai ḳhabar-e-āmad-e-yār

id se bhi kahin baDh kar hai KHushi aalam mein

jab se mashhur hui hai KHabar-e-amad-e-yar

sajda-e-ushshāq kai gardad adā

juz ba-mehrāb-e-ḳham-e-abrū-e-tū

sajda-e-ushshaq kai gardad ada

juz ba-mehrab-e-KHam-e-abru-e-tu

zaḳhm-e-ḳhandāñ shukr meñ masrūf hai ai chāragar

jab se phāhā tū ne rakhā siina ke nāsūr par

zaKHm-e-KHandan shukr mein masruf hai ai chaaragar

jab se phaha tu ne rakha sina ke nasur par

kahtā huuñ ye un ke tasavvur se ai dushman-e-hastī-e-vahmī

jab Thahrā maiñ ik mauj-e-ravāñ ḳhat-e-mauj kī tarah miTā de mujhe

kahta hun ye un ke tasawwur se ai dushman-e-hasti-e-wahmi

jab Thahra main ek mauj-e-rawan KHat-e-mauj ki tarah miTa de mujhe

ġhairoñ meñ na maiñ arz-e-tamannā se rukuñgā

iġhmāz kare vo sar-e-mahfil ki ḳhafā ho

ghairon mein na main arz-e-tamanna se rukunga

ighmaz kare wo sar-e-mahfil ki KHafa ho

dil hai vahī dil jis meñ bharā nūr-e-ḳhudā ho

sar hai vahī jo ka.aba-e-taslīm-o-razā ho

dil hai wahi dil jis mein bhara nur-e-KHuda ho

sar hai wahi jo kaba-e-taslim-o-raza ho

dil hai vahī dil jis meñ bharā nūr-e-ḳhudā ho

sar hai vahī jo ka.aba-e-taslīm-o-razā ho

dil hai wahi dil jis mein bhara nur-e-KHuda ho

sar hai wahi jo kaba-e-taslim-o-raza ho