shakl-e-ādam ke sivā aur na bhāyā naqsha

saare aalam meñ ye iz.hār hai allāh allāh

shakl-e-adam ke siwa aur na bhaya naqsha

sare aalam mein ye izhaar hai allah allah

ā.īna hai ā.īna-rūyoñ kā husn

bīnish us kī apne andar aur hai

aaina hai aaina-ruyon ka husn

binish us ki apne andar aur hai

jab tumhīñ tum ho har adā merī

phir bhalā mujh se kab judā ho tum

jab tumhin tum ho har ada meri

phir bhala mujh se kab juda ho tum

hai lutf zindagī kā ba.ad-az-fanā usī meñ

nām-e-ḳhudā jo apne sab tan-badan se nikle

hai lutf zindagi ka baad-az-fana usi mein

nam-e-KHuda jo apne sab tan-badan se nikle

qabr par merī agar fātiha paḌhne ke liye

vo jo aa jaa.eñ to tharrā uThe turbat merī

qabr par meri agar fatiha paDhne ke liye

wo jo aa jaen to tharra uThe turbat meri

aarzū ham nāḳhudā kī kyuuñ kareñ

apnī kashtī kā to afsar aur hai

aarzu hum naKHuda ki kyun karen

apnī kashti ka to afsar aur hai

aarzū ham nāḳhudā kī kyuuñ kareñ

apnī kashtī kā to afsar aur hai

aarzu hum naKHuda ki kyun karen

apnī kashti ka to afsar aur hai

hājiyoñ ko ho mubārak haj-e-īd

āshiqoñ kā haj-e-akbar aur hai

hajiyon ko ho mubarak haj-e-id

aashiqon ka haj-e-akbar aur hai

aane do us gul-badan ko mujh meñ puure husn se

andalīb-e-dil huuñ aalam mujh par nālāñ to sahī

aane do us gul-badan ko mujh mein pure husn se

andalib-e-dil hun aalam mujh par nalan to sahi

baiThe baiThe vo kiyā karte haiñ har gul pe nazar

dil-e-āshiq hai magar sair kā gulshan un kā

baiThe baiThe wo kiya karte hain har gul pe nazar

dil-e-ashiq hai magar sair ka gulshan un ka

vahshat na qabr meñ ho tum sāmne hī rahnā

dast-e-junūñ na merā bāhar kafan se nikle

wahshat na qabr mein ho tum samne hi rahna

dast-e-junun na mera bahar kafan se nikle

'Mardāñ' jo koī Duube dariyā-e-ishq meñ vo

chhūTe ḳhudī se apne hubb-e-vatan se nikle

'Mardan' jo koi Dube dariya-e-ishq mein wo

chhuTe KHudi se apne hubb-e-watan se nikle

mil ga.e bāham ḳhudā ke fazl se ba.ad az fanā

us ko achchhā kyā kaheñ ham sar-basar achchhā huā

mil gae baham KHuda ke fazl se baad az fana

us ko achchha kya kahen hum sar-basar achchha hua

go hue furqat kabhī to kyā jamāl-e-yār se

dam-ba-dam un kī mohabbat dil meñ ghar paatī rahī

go hue furqat kabhi to kya jamal-e-yar se

dam-ba-dam un ki mohabbat dil mein ghar pati rahi

merā jism aur mirī jaañ hai vahī jaañ bilkul

maiñ kahūñ kyā ki maiñ huuñ yaar hai allāh allāh

mera jism aur meri jaan hai wahi jaan bilkul

main kahun kya ki main hun yar hai allah allah

dekhte haiñ sarv-qaddoñ ko jo ham

is meñ gul-gasht-e-sanobar aur hai

dekhte hain sarw-qaddon ko jo hum

is mein gul-gasht-e-sanobar aur hai

har jagah jab tumhīñ ho ġhair nahīñ

donoñ-ālam meñ barmalā ho tum

har jagah jab tumhin ho ghair nahin

donon-alam mein barmala ho tum

baiThe baiThe vo kiyā karte haiñ har gul pe nazar

dil-e-āshiq hai magar sair kā gulshan un kā

baiThe baiThe wo kiya karte hain har gul pe nazar

dil-e-ashiq hai magar sair ka gulshan un ka

kaam ka.aba se na hai ne der se

dīn-o-īmān yaañ birādar aur hai

kaam kaba se na hai ne der se

din-o-iman yan biradar aur hai

bedārī ho yā ḳhvāb ho har haal meñ hai vasl

jo sāhab-e-nisbat haiñ magar ahl-e-yaqīñ haiñ

bedari ho ya KHwab ho har haal mein hai wasl

jo sahab-e-nisbat hain magar ahl-e-yaqin hain

vo rahe ḳhush ham se 'mardāñ' aur kabhī nā-ḳhush rahe

dil meñ ham ko har adā un kī magar bhātī rahī

wo rahe KHush hum se 'mardan' aur kabhi na-KHush rahe

dil mein hum ko har ada un ki magar bhati rahi

jilāyā maar kar qātil ne mañ is qatl ke qurbāñ

huā dāḳhil vo ḳhud mujh meñ maiñ aise daḳhl ke qurbāñ

jilaya mar kar qatil ne man is qatl ke qurban

hua daKHil wo KHud mujh mein main aise daKHl ke qurban

phir na aayā phir ke gar vo nāma-bar achchhā huā

ḳhat kitābat uTh ga.ī ai sīm-bar achchhā huā

phir na aaya phir ke gar wo nama-bar achchha hua

KHat kitabat uTh gai ai sim-bar achchha hua