Kalaam

mahmil kii taraf 'qais' abas hai.n tirii nazre.n
lailaa kii talab hai to zaraa dil kii taraf dekh

Qais Jalandhari

Ghazal

ek haqiiqat ke do mahmil husn-o-mohabbat dono.n hai.n
KHalvat-KHalvat mahfil-mahfil husn-o-mohabbat dono.n hai.n

Zaheen Shah Taji

Kalaam

qais par bhii ye haqiiqat khul ga.ii
KHud hai lailaa mahmil-o-mahmil-fareb

Zaheen Shah Taji

Kalaam

tujh se zaahir kii tajallii tujh se baatin kaa subuut
shaahid-e-mahmil-nashii.n bhii hai tuuhii mahmil bhii tuu

Maikash Akbarabadi

Ghazal

yahī hairat kaa aalam hai to nazzaara kahaa.n majnuu.n
nikal bhii aa.e mahmil se to phir lailaa hai mahmil me.n

Ameer Minai

Kalaam

baazii-e-ishq nahii.n mahmil
jhuuTaa khele sachchaa ho

Imdad Ali Ulvi

Kalaam

hai jazba-e-kaamil ke dam tak nazzaare kii ye firdaus-garii
ai qais baguulaa sahraa kaa mahmil bhii hai aur mahmil bhii nahii.n

Mahirul Qadri

Naat-o-Manqabat

izzat hai mohabbat kii qaa.em ai qais hijaab-e-mahmil se
mahmil jo gayaa izzat bhii ga.ii Gairat bhii ga.ii lailaa bhii ga.ii

Allama Iqbal

Ghazal

kahii.n qais hai ab na laila kahii.n hai
baguule hazaaro.n hai.n mahmil hazaaro.n

Riyaz Khairabadi

Ghazal

yaad-e-lailaa me.n giraa Gash khaa ke qais
saamne se jab ko.ii mahmil gayaa

Kausar Khairabadi

Kalaam

jalva ko.ii nigaah me.n baatil nahii.n rahaa
ab imtiyaaz-e-laila-o-mahmil nahii.n rahaa

Seemab Akbarabadi

Ghazal

hai qais kaa to shauq zamaane par aashakaar
kyaa jaane ko.ii saahib-e-mahmil kii aarzuu

Dagh Dehlvi

Persian Sufi Poetry

ba-yaad-e-laila-e-mahmil-nashii.n diivaana mii-raqsad
saraapaa aarzuu.mandast-o-be-taaba mii-raqsad

Shah Akbar Danapuri

Ghazal

kabhī ham ko na Dhuu.nDhaa tuu ne ai qais
dil-e-har-zarra thaa mahmil hamaaraa

Aasi Ghazipuri

Ghazal

parda-e-mahmil-e-jaa.n kaa mazaa aataa hai
thaam kar daaman-e-kohsaar ko.ii dekhe to

Bedam Shah Warsi

Ghazal

har baguule par hu.aa vahshat me.n mahmil kaa gumaa.n
bol uThaa majnuu.n anaa laila bayaabaa.n dekh kar

Nishtar Kakvi

Nazm

Shikwa

vaadii-e-najd me.n vo shor-e-salaasil na rahaa
qais diivaana-e-nazzaara-e-mahmil na rahaa

Allama Iqbal