nikaltī hai sadā.eñ marhabā har zaḳhm se qātil

hameñ lazzat milī kyā jaane kyā shauq-e-shahādat meñ

nikalti hai sadaen marhaba har zaKHm se qatil

hamein lazzat mili kya jaane kya shauq-e-shahadat mein

vasl meñ jhagḌā bakheḌā rāt-bhar un se rahā

saahī kā kāñTā adū ne zer-e-bistar rakh diyā

wasl mein jhagDa bakheDa raat-bhar un se raha

sahi ka kanTa adu ne zer-e-bistar rakh diya

ḳhushī se paañv phailāte haiñ kyā kyā kunj-e-turbat meñ

ajab lazzat hai tire haath se qātil shahādat meñ

KHushi se panw phailate hain kya kya kunj-e-turbat mein

ajab lazzat hai tere hath se qatil shahadat mein

ḳhūn-e-ushshāq se qātil ne na khelī holī

saf-e-maqtal meñ kabhī rañg uchhalne na diyā

KHun-e-ushshaq se qatil ne na kheli holi

saf-e-maqtal mein kabhi rang uchhalne na diya

bazm-e-ḳhalvat meñ vo sote haiñ dupaTTa taane

jalva-e-husn-e-ḳhudā-dād hai andar-bāhar

bazm-e-KHalwat mein wo sote hain dupaTTa tane

jalwa-e-husn-e-KHuda-dad hai andar-bahar

kis ko sunā.ūñ kis se kahūñ mājrā-e-ġham

gūñge kā ḳhvāb hai ye mirī dāstāñ nahīñ

kis ko sunaun kis se kahun majra-e-gham

gunge ka KHwab hai ye meri dastan nahin

adā-o-nāz-e-qātil huuñ kabhī andāz-e-bismil huuñ

kahīñ maiñ ḳhanda-e-gul huuñ kahīñ soz-e-anādil huuñ

ada-o-naz-e-qatil hun kabhi andaz-e-bismil hun

kahin main KHanda-e-gul hun kahin soz-e-anadil hun

ahl-e-ālam kahte haiñ jas kau shahanshāh-e-suḳhan

maiñ bhī huuñ shāgird 'kausar' as jagat ustād kā

ahl-e-alam kahte hain jas kau shahanshah-e-suKHan

main bhi hun shagird 'kausar' as jagat ustad ka

kyuuñ maiñ firāq-e-yār meñ āh-o-fuġhāñ karūñ

'kausar' dil-e-hazīñ jaras-e-kārvāñ nahīñ

kyun main firaq-e-yar mein aah-o-fughan karun

'kausar' dil-e-hazin jaras-e-karwan nahin

mubārak zāhidoñ ko phir bāġh-e-ḳhuld 'kausar'

na jannat mere qābil hai na maiñ jannat ke qābil huuñ

mubārak zāhidoñ ko phir bāġh-e-ḳhuld 'kausar'

na jannat mere qābil hai na maiñ jannat ke qābil huñ

kaarī lagī jigar pe kaTārī nigāh kī

be-ḳhud huā zamīñ par girā dil se aah kī

kari lagi jigar pe kaTari nigah ki

be-KHud hua zamin par gira dil se aah ki

ma.ashūq-e-pā-bos meñ āshiq ne bichā.ī āñkheñ

farsh-e-gul par kabhī is shoḳh ko chalne na diyā

mashuq-e-pa-bos mein aashiq ne bichai aankhen

farsh-e-gul par kabhi is shoKH ko chalne na diya

bazm-e-ḳhalvat meñ agar chhup ke hayā aane lagī

baḌh ke āvāz dī shoḳhī ne ki bāhar bāhar

bazm-e-KHalwat mein agar chhup ke haya aane lagi

baDh ke aawaz di shoKHi ne ki bahar bahar

dil meñ jigar meñ āñkhoñ meñ rahiye ḳhushī se aap

phir ye na kahiyegā koī miltā makāñ nahīñ

dil mein jigar mein aankhon mein rahiye KHushi se aap

phir ye na kahiyega koi milta makan nahin

adā-o-nāz-e-qātil huuñ kabhī andāz-e-bismil huuñ

kahīñ maiñ ḳhanda-e-gul huuñ kahīñ soz-e-anādil huuñ

ada-o-naz-e-qatil hun kabhi andaz-e-bismil hun

kahin main KHanda-e-gul hun kahin soz-e-anadil hun

jafā-o-jaur ke sadqe tasadduq-bar-zabānī par

sunāte haiñ vo lākhoñ be-nuqat is be-dahānī par

jafa-o-jaur ke sadqe tasadduq-bar-zabani par

sunate hain wo lakhon be-nuqat is be-dahani par

josh-e-junūñ meñ dāġh-e-jigar mere bhare

gulchīñ hamāre baaġh ko ḳhauf-e-ḳhizāñ nahīñ

josh-e-junun mein dagh-e-jigar mere bhare

gulchin hamare bagh ko KHauf-e-KHizan nahin

kar ke da.avā ḳhūn-e-nāhaq kā bahut nādim huā

arsa-e-mahshar meñ qātil ko pareshāñ dekh kar

kar ke dawa KHun-e-nahaq ka bahut nadim hua

arsa-e-mahshar mein qatil ko pareshan dekh kar

kis ko sunā.ūñ kis se kahūñ mājrā-e-ġham

gūñge kā ḳhvāb hai ye mirī dāstāñ nahīñ

kis ko sunaun kis se kahun majra-e-gham

gunge ka KHwab hai ye meri dastan nahin

chāñd sī peshānī sindūr kā Tiikā nahīñ

bām-e-ka.aba par charāġh is ne jalā kar rakh diyā

chand si peshani sindur ka Tika nahin

baam-e-kaba par charagh is ne jala kar rakh diya

'kausar' vasl shāh-e-hasīnāñ kī aarzū

mujh ko nahīñ jahāñ meñ havas māl-o-jāh kī

'kausar' wasl shah-e-hasinan ki aarzu

mujh ko nahin jahan mein hawas mal-o-jah ki

chāñd sī peshānī sindūr kā Tiikā nahīñ

bām-e-ka.aba par charāġh is ne jalā kar rakh diyā

chand si peshani sindur ka Tika nahin

baam-e-kaba par charagh is ne jala kar rakh diya

saḳht-jānī se galā kaTtā nahīñ

e'tibār-e-ḳhanjar-e-qātil gayā

saKHt-jaani se gala kaTta nahin

e'tibar-e-KHanjar-e-qatil gaya

hai munavvar ruḳh-e-pur-nūr se sab ghar-bāhar

ek sā jalva-e-ḳhurshīd hai andar-bāhar

hai munawwar ruKH-e-pur-nur se sab ghar-bahar

ek sa jalwa-e-KHurshid hai andar-bahar

mujassam sūrat-e-ġham huuñ sarāpā hasrat-e-dil huuñ

na maiñ zindoñ meñ dāḳhil huuñ na maiñ murdoñ meñ shāmil huuñ

mujassam surat-e-gham hun sarapa hasrat-e-dil hun

na main zindon mein daKHil hun na main murdon mein shamil hun

dil ko biThā.e detī hai taklīf raah kī

kyuuñ kar koī uThā.e ye gaThrī gunāh kī

dil ko biThae deti hai taklif rah ki

kyun kar koi uThae ye gaThri gunah ki

vasl meñ gesū-e-shab-gūñ ne chhupā.ī aariz

lailatul-qadr meñ kyuuñ chāñd nikalne na diyā

wasl mein gesu-e-shab-gun ne chhupai aariz

lailatul-qadr mein kyun chand nikalne na diya

bāġh-e-ālam meñ hameñ phūlne-phalne na diyā

āsmāñ ne koī armāñ nikalne na diyā

bagh-e-alam mein hamein phulne-phalne na diya

aasman ne koi arman nikalne na diya

josh-e-junūñ meñ dāġh-e-jigar mere bhare

gulchīñ hamāre baaġh ko ḳhauf-e-ḳhizāñ nahīñ

josh-e-junun mein dagh-e-jigar mere bhare

gulchin hamare bagh ko KHauf-e-KHizan nahin

sargarm-e-qatl kab but-e-nā-mehrabāñ nahīñ

pyāsā mire lahū kā faqat āsmāñ nahīñ

sargarm-e-qatl kab but-e-na-mehraban nahin

pyasa mere lahu ka faqat aasman nahin

jo azm-e-qatl hai āñkhoñ pe paTTī bāñdh lī qātil

mabādā tujh ko rahm aa jaa.e merī nā-tavānī par

jo azm-e-qatl hai aankhon pe paTTi bandh li qatil

mabaada tujh ko rahm aa jae meri na-tawani par

ḳhudā se Dar zarā 'kausar' ki tū to kho.e baiThā hai

sarāpā dīn-o-īmān ik but-e-kāfir kī chāhat meñ

KHuda se Dar zara 'kausar' ki tu to khoe baiTha hai

sarapa din-o-iman ek but-e-kafir ki chahat mein