un butoñ ke liye ḳhudā na kare

dīn-o-dil yuuñ koī bhī khotā hai

un buton ke liye KHuda na kare

din-o-dil yun koi bhi khota hai

ḳhafā us se kyuuñ tū mirī jaan hai

'asar' tū koī dam kā mehmān hai

KHafa us se kyun tu meri jaan hai

'asar' tu koi dam ka mehman hai

jannat hai us baġhair jahannam se bhī zubūñ

dozaḳh bahisht haigī agar yaar saath hai

jannat hai us baġhair jahannam se bhī zubūñ

dozaḳh bahisht haigī agar yar sath hai

na lagā le ga.e jahāñ dil ko

aah le jā.iye kahāñ dil ko

na laga le gae jahan dil ko

aah le jaiye kahan dil ko

yuuñ aañkh se aañkh meñ milā hai

itnā to mirā dil-o-jigar hai

yun aankh se aankh mein mila hai

itna to mera dil-o-jigar hai

sarf-e-ġham ham ne naujavānī kī

vaah kyā ḳhuub zindagānī kī

sarf-e-gham hum ne naujawani ki

wah kya KHub zindagani ki

har-dam aatī hai garche aah par aah

par koī kārgar nahīñ aatī

har-dam aati hai garche aah par aah

par koi kargar nahin aati

ġham tirā dil se koī nikle hai

aah har-chand maiñ nikāl rahā

gham tera dil se koi nikle hai

aah har-chand main nikal raha

nahīñ hai ye qātil taġhāful kā vaqt

ḳhabar le ki baaqī abhī jaan hai

nahin hai ye qatil taghaful ka waqt

KHabar le ki baqi abhi jaan hai

jān-o-dil se bhī guzar jā.eñge

agar aisā hī ḳhafā kījiyegā

jaan-o-dil se bhi guzar jāeñge

agar aisa hi KHafa kijiyega

kyā karūñ aah maiñ 'asar' kā ilaaj

is ghaḌī us kā jī hī jaatā hai

kya karun aah main 'asar' ka ilaj

is ghaDi us ka ji hi jata hai

kidhar kī ḳhushī kahāñ kī shādī

jab dil se havas hī sab uḌā dī

kidhar ki KHushi kahan ki shadi

jab dil se hawas hi sab uDa di

kaun rahtā hai tere ġham ke sivā

is dil-e-ḳhānumāñ-ḳharāb ke beach

kaun rahta hai tere gham ke siwa

is dil-e-KHanuman-KHarab ke beach

naala karnā ki aah karnā

dil meñ 'asar' us ke raah karnā

nala karna ki aah karna

dil mein 'asar' us ke rah karna

guloñ kī tarah chaak kā ai bahār

muhayyā har ik yaañ garebān ha

gulon ki tarah chaak ka ai bahaar

muhayya har ek yan gareban ha

tum jaur-o-jafā kaaro jo chāho

in bātoñ pe kab mujhe nazar hai

tum jaur-o-jafa karo jo chaho

in baaton pe kab mujhe nazar hai

tere va.adoñ kā e'tibār kise

go ki ho tāb-e-intizār kise

tere wadon ka e'tibar kise

go ki ho tab-e-intizar kise

go ziist se haiñ ham aap bezār

itnā pe na jaan se ḳhafā kar

go zist se hain hum aap bezar

itna pe na jaan se KHafa kar

naale bulbul ne go hazār ka.e

ek bhī gul ne par sunā hī nahīñ

nale bulbul ne go hazar kae

ek bhi gul ne par suna hi nahin

ġham tirā dil se koī nikle hai

aah har-chand maiñ nikāl rahā

gham tera dil se koi nikle hai

aah har-chand main nikal raha

kis tarah dikhā.ūñ aah tujh ko

maiñ apnī ye ḳharāb-hālī

kis tarah dikhaun aah tujh ko

main apni ye KHarab-haali

but-e-kāfir kī be-muravvatiyāñ

ye hameñ sab ḳhudā dikhātā hai

but-e-kafir ki be-murawwatiyan

ye hamein sab KHuda dikhata hai

abhī to lag na chalnā thā 'asar' us gul-badan ke saath

koī din dekhnā thā zaḳhm-e-dil be-tarh aalā thā

abhi to lag na chalna tha 'asar' us gul-badan ke sath

koi din dekhna tha zaKHm-e-dil be-tarh aala tha

mānūs na thā vo but kaso se

Tuk raam kiyā ḳhudā-ḳhudā kar

manus na tha wo but kaso se

Tuk ram kiya KHuda-KHuda kar

na rahā intizār bhī ai yaas

ham umīd-e-visāl rakhte the

na raha intizar bhi ai yas

hum umid-e-visal rakhte the

dil-o-ġham meñ aur sīna-o-dāġh meñ

rifāqat kā yaañ ahd-o-paimān hai

dil-o-gham mein aur sina-o-dagh mein

rifaqat ka yan ahd-o-paiman hai

kyā kahūñ tujh se ab ke maiñ tujh ko

kis tarah dekhtā huuñ ḳhvāb ke beach

kya kahun tujh se ab ke main tujh ko

kis tarah dekhta hun KHwab ke beach

tere mukhḌe ko yuuñ take hai dil

chāñd ke joñ rahe chakor lagā

tere mukhDe ko yun take hai dil

chand ke jon rahe chakor laga

kahūñ kyā ḳhudā jāntā hai sanam

mohabbat tirī apnā īmān hai

kahun kya KHuda jaanta hai sanam

mohabbat teri apna iman hai

mushkil hai tā ki hastī hai jāvai ḳhudī kā shirk

tār-e-nafas nahīñ hai ye zunnār saath hai

mushkil hai ta ki hasti hai jawai KHudi ka shirk

tar-e-nafas nahin hai ye zunnar sath hai

jī ab ke bachchā ḳhudā-ḳhudā kar

phir aur butoñ kī chaah karnā

ji ab ke bachcha KHuda-KHuda kar

phir aur buton ki chah karna

kyā kahe vo ki sab huvaidā hai

shaan terī tirī kitāb ke beach

kya kahe wo ki sab huwaida hai

shan teri teri kitab ke beach

yaañ taġhāful meñ apnā kaam huā

tere nazdīk ye jafā hī nahīñ

yan taghaful mein apna kaam hua

tere nazdik ye jafa hi nahin

yuuñ ḳhudā kī ḳhudā.ī bar-haq hai

par 'asar' kī hameñ to aas nahīñ

yun KHuda ki KHudai bar-haq hai

par 'asar' ki hamein to aas nahin

ġham ko bā-ġham baham na kiije

gar ġham hai to ġham kā ġham na kiije

gham ko ba-gham baham na kije

gar gham hai to gham ka gham na kije

din intizār kā to kaTā jis tarah kaTā

lekin kiso tarah na kaTī raat rah ga.ī

din intizar ka to kaTa jis tarah kaTa

lekin kiso tarah na kaTi raat rah gai

joñ gul tū hañse hai khil-khilā kar

shabnam kī tarah mujhe rulā kar

jon gul tu hanse hai khil-khila kar

shabnam ki tarah mujhe rula kar

tū nigah kī na kī ḳhudā jaane

ham to Dar se kabho nigāh na kī

tu nigah ki na ki KHuda jaane

hum to Dar se kabho nigah na ki

kar ke dil ko shikār āñkhoñ meñ

ghar kare hai to yaar āñkhoñ meñ

kar ke dil ko shikar aankhon mein

ghar kare hai to yar aankhon mein

huuñ tīr-e-balā kā maiñ nishāna

shamshīr-e-jafā kā maiñ sipar huuñ

hun tir-e-bala ka main nishana

shamshir-e-jafa ka main sipar hun

kahūñ kyā ḳhudā jāntā hai sanam

mohabbat tirī apnā īmān hai

kahun kya KHuda jaanta hai sanam

mohabbat teri apna iman hai

roz-o-shab kis tarah basar maiñ karūñ

ġham tirā ab to jī hī khātā hai

roz-o-shab kis tarah basar main karun

gham tera ab to ji hi khata hai

dam-ba-dam yuuñ jo bad-gumānī hai

kuchh to āshiq kī tujh ko chaah paḌī

dam-ba-dam yun jo bad-gumani hai

kuchh to aashiq ki tujh ko chah paDi

'asar' in sulūkoñ pe kyā lutf hai

phir us be-muravvat ke ghar jā.iye

'asar' in sulukon pe kya lutf hai

phir us be-murawwat ke ghar jaiye

ab ġhair se bhī terī mulāqāt rah ga.ī

sach hai ki vaqt jaatā rahā baat rah ga.ī

ab ghair se bhi teri mulaqat rah gai

sach hai ki waqt jata raha baat rah gai