شعر

کہیں روشنی کہیں تیرگی جو کہیں خوشی تو کہیں غمی
تیری بزم میں ہمیں دخل کیا ترے اہتمام کی بات ہے

عزیز وارثی دہلوی

نعت و منقبت

رات کی تیرگی سے نہ مایوس ہو روشنی کا ستارہ نظر آئے گا
جب محمدؐ سفینے کے ہیں نا خدا تو بھنور میں کنارا نظر آئے گا

نا معلوم

کلام

جسے لوگ کہتے ہیں تیرگی وہی شب حجاب سحر بھی ہے
جنہیں بے خودی فنا ملی انہیں زندگی کی خبر بھی ہے

فراق گورکھپوری

نعت و منقبت

کفر و ظلمت کی چھائی ہوئی تھی گھٹا تیرگی تیرگی ہر طرف تھی عیاں
آپؐ تشریف لائے جو سوئے جہاں ذرہ ذرہ کو ہے روشنی مل گئی

جوہر نوری

نظم

شب ہستی کٹی ہے مر مر کے

تیرگی چھٹ گئی مگر واصفؔ
میہماں ہیں اجالے دم بھر کے

واصف علی واصف

کلام

اپنی زلفوں کا ڈال دو سایہ
تیرگی خوش گوار ہو جائے

فنا بلند شہری

نعت و منقبت

تیرہویں کو آپ کی رحلت ہوئی
تیرگی پر بھی صفائی کر گئے

امداد علی علوی

فارسی صوفی شاعری

گفت یکے وحشتے ایں در دماغ
تیرگی آراد چو نفس در چراغ

نظامی گنجوی

نعت و منقبت

بوریا بستر سمیٹے تیرگی رخصت ہوئی
شاہراہ عام پر ہی جہل کی درگت ہوئی

محبوب گوہر اسلام پوری

غزل

تاریکیٔ حیات سے گھبرا نہ اے ندیمؔ
تابندگی صبح اسی تیرگی میں ہے

ندیمؔ عظیم آبادی

نعت و منقبت

گھریں کفر کی تیرگی میں نہ مومن
جو اسلام ہو پر‌ ضیا کملی والے

علاؤالدین جلالی

غزل

دنیا ہے ایک دشت تو گلزار آپ ہیں
اس تیرگی میں مطلع انوار آپ ہیں

احمد ندیم قاسمی

کلام

تیرگی گیسوئے خم دار سے آگے نہ بڑھی
روشنی تابش‌ رخسار سے آگے نہ بڑھی

واصف علی واصف

غزل

خوب دیکھی ہے اندھیری شب غم کی اکبرؔ
ہم نہیں تیرگی قبر سے ڈرنے والے

شاہ اکبر داناپوری

غزل

تیرگی غم کی نہیں دل میں کہیں بھی باقی
یاد جاناں کے ستارے ہیں درخشاں اتنے

ظفر انصاری ظفر

غزل

نا قابل عبور نظر تیرگی نہ دے
یا پھر مری نگاہ میں بھی روشنی نہ دے

بسمل لکھنوی

نعت و منقبت

جلوہ فرما ہوں جو حضرت ابھی روشن ہو جائے
دم مرا تیرگی قبر سے گھبراتا ہے

امیر مینائی

نعت و منقبت

ہر ایک اپنی دھن میں گائے ہے راگ تیرا
ڈالا ہے تیرگی نے پردہ تری گلی میں

امجد حیدرآبادی

غزل

اے شب ہجر صنم کتنی ہے تجھ میں تیرگی
میری آنکھوں میں زمانے کو اندھیرا کر دیا

شاہ اکبر داناپوری