Kalaam

va.ade pe nahii.n aataa sach hai par yaad to us ko aatii hai
us jaan-e-mohabbat kaa va.ada baatil bhii hai aur baatil bhii nahii.n

Mahirul Qadri

Ghazal

sa.ng-bosii kii haram me.n shaiKH ne to hai savaab
ham agar bosa buto.n kaa le.n to isyaa.n ho gayaa

Aughat Shah Warsi

Kalaam

tuu nazar me.n ho to tuufaa.n kyaa hai mauj-e-bahr kyaa
qa.ar-e-dariyaa me.n bhii tuu hii hai sar-e-saahil bhii tuu

Maikash Akbarabadi

Ghazal

majaazii se 'jigar' kah do are o aqal ke dushman
muqir ho yaa ko.ii munkir KHudaa yuu.n bhii hai aur yuu.n bhii

Jigar Moradabadi

Ghazal

kabhii aisaa bhii hotaa hai ki aa.nkho.n se rahe ojhal
kabhii dil me.n ho vo KHalvat-nashii.n aisaa bhii hotaa hai

Qais Gayavi

Ghazal

parde me.n chaahtaa hai ki ha.ngaama ho bapaa
ai aaftaab-e-hashr numuudaar bhii to ho

Ameer Minai

Kalaam

biinaa bhii na ho aa.nkh to dekhe.nge piir tujh ko
pahluu me.n dil hai jab tak chaahe.nge piir tujh ko

Ghulam Rasool Naaib

sher

ai qayaamat aa bhii teraa ho rahaa hai intizaar
un ke dar par laash ik rakhii hai kafnaa.ii hu.ii

Riyaz Khairabadi

Ghazal

biga.D ke mujh se vo mere liye udaas bhii hai
vo zuud-ranj to hai par vafaa-shanaas bhii hai

Ahmad Nadeem Qasmi

sher

ghar ghar tajalliyaa.n hai.n talabgaar bhii to ho
muusaa saa ko.ii taalib-e-diidaar bhii to ho

Ameer Minai

Ghazal

mujhe to ab safar me.n bhii ghuTan mahsuus hotii hai
mujhe apne nagar me.n bhii ghuTan mahsuus hotii hai

Naqibul Rahman Hasni

Ghazal

ghaTaa uThii hai tuu bhii khol zulf-e-’ambarii.n saaqii
tire hote falak se kyuu.n ho sharminda zamii.n saaqii

Khwaja Azizul Hasan Majzoob

Ghazal

ye raaz kii baate.n hai.n is ko samjhe to ko.ii kyuu.nkar samjhe
insaan hai putlaa hairat kaa majbuur bhii hai muKHtaar bhii hai

Ahqar Bihari

Kalaam

rasaa.ii sahv kyuu.n kar ho merii suurat gadaa.ii kii
mizaaj-e-yaar shaahaana jo aage thaa vo ab bhii hai

Agha Muhammad Daud

sher

abhii tak to Gubaar-aaluud hai aa.iina-e-hastii
jo chaahe.n aap to ye aa.iina aa.iina ban jaa.e

Sadiq Dehlvi

Ghazal

chaara-gar bhii ab kahtaa hai ki mushkil hai
aisii biimaarii kaa bhii kabhii hal rahaa hai

Sheikh Subhan Gul

sher

ye ishq kii hai sarkaar 'ahqar' Gussa bhii yahaa.n hai pyaar bhii hai
har zaKHm-e-jigar ke phaahe me.n kaafuur bhii hai za.ngaar bhii hai

Ahqar Bihari

Ghazal

majnuu.n to phiraa ja.ngal ja.ngal farhaad ne chiiraa koh-e-dilaa
mai.n aah rahaa be-dast-o-paa ye bhii na hu.aa vo bhii na hu.aa

Shah Naseer

Bait

jab se mashhur ho gaya hai wo

jab se mash.huur ho gayaa hai vo
kitnaa maGruur ho gayaa hai vo

Naseer Seraji