vo bahr-e-husn shāyad baaġh meñ āvegā ai 'ehsā۔n'

ki favvāra ḳhushī se aaj do-do gaz uchhaltā hai

wo bahr-e-husn shayad bagh mein aawega ai 'ehsa۔n'

ki fawwara KHushi se aaj do-do gaz uchhalta hai

vahī insān hai 'ehsā۔n' ki jise 'ilm hai kuchh

haq ye hai baap se afzūñ rahe ustād kā haq

wahi insan hai 'ehsa۔n' ki jise 'ilm hai kuchh

haq ye hai bap se afzun rahe ustad ka haq

jalā huuñ ātish-e-furqat se maiñ ai sho.ala-rū yaañ tak

charāġh-e-ḳhāna mujh ko dekh kar har shaam jaltā hai

jala hun aatish-e-furqat se main ai shoala-ru yan tak

charagh-e-KHana mujh ko dekh kar har sham jalta hai

be-ḳhudī gar ho ḳhud to aa ke mile

ai ḳhudā be-ḳhudī 'ajab shai hai

be-KHudi gar ho KHud to aa ke mile

ai KHuda be-KHudi 'ajab shai hai

mahfil-e-'ishq meñ jo yaar uThe aur baiThe

hai vo malka ki subuk-bār uThe aur baiThe

mahfil-e-'ishq mein jo yar uThe aur baiThe

hai wo malka ki subuk-bar uThe aur baiThe

nāseho gar na sunūñ maiñ mirī qismat kā qusūr

tum ne irshād kiyā jo ki hai irshād kā haq

naseho gar na sunun main meri qismat ka qusur

tum ne irshad kiya jo ki hai irshad ka haq

vahī insān hai 'ehsā۔n' ki jise 'ilm hai kuchh

haq ye hai baap se afzūñ rahe ustād kā haq

wahi insan hai 'ehsa۔n' ki jise 'ilm hai kuchh

haq ye hai bap se afzun rahe ustad ka haq

kisī kā saath sonā yaad aatā hai to rotā huuñ

mire ashkoñ kī shiddat se sadā gul-takiya galtā hai

kisi ka sath sona yaad aata hai to rota hun

mere ashkon ki shiddat se sada gul-takiya galta hai

ai ġham mujhe yaañ ahl-e-ta’ayyush ne hai gherā

is bhiiḌ meñ tu ai mire ġham-ḳhvār kahāñ hai

ai gham mujhe yan ahl-e-ta’ayyush ne hai ghera

is bhiD mein tu ai mere gham-KHwar kahan hai

be-ḳhudī gar ho ḳhud to aa ke mile

ai ḳhudā be-ḳhudī 'ajab shai hai

be-KHudi gar ho KHud to aa ke mile

ai KHuda be-KHudi 'ajab shai hai

nau-ḳhat to hazāroñ haiñ gulistān-e-jahāñ meñ

hai saaf to yuuñ tujh-sā numūdār kahāñ hai

nau-KHat to hazaron hain gulistan-e-jahan mein

hai saf to yun tujh-sa numudar kahan hai

nahīñ suntā nahīñ aatā nahīñ bas merā chaltā hai

nikal ai jaan tū hī vo nahīñ ghar se nikaltā hai

nahin sunta nahin aata nahin bas mera chalta hai

nikal ai jaan tu hi wo nahin ghar se nikalta hai

sadā hī merī qismat juuñ sadā-e-halqa-e-dar hai

agar maiñ ghar meñ jaatā huuñ to vo bāhar nikaltā hai

sada hi meri qismat jun sada-e-halqa-e-dar hai

agar main ghar mein jata hun to wo bahar nikalta hai

aap kī majlis-e-’ālī meñ ’alarraġhm raqīb

ba-ijāzat ye gunahgār uThe aur baiThe

aap ki majlis-e-’ali mein ’alarraghm raqib

ba-ijazat ye gunahgar uThe aur baiThe

ḳhauf-e-badnāmī se tujh paas na aa.e varna

ham ka.ī baar sun ai yaar uThe aur baiThe

KHauf-e-badnami se tujh pas na aae warna

hum kai bar sun ai yar uThe aur baiThe

jin se ki ho marbūt vahī tum ko hai maimūn

insān kī sohbat tumheñ darkār kahāñ hai

jin se ki ho marbut wahi tum ko hai maimun

insan ki sohbat tumhein darkar kahan hai