چتربھج نام ہے اس کا کہ جس کو واسدیو کہتے

چھبیلی چھب او دامودر کی تربھنگی پیاری ہے

گنہ کچھ ہور بھی کرنا تو کر لے آرزو مت رکھ

نہیں تیرے گناہاں کوں تو کچا حد و شمار آخر

مصر سیں لے کر خبر یوسف کی جو قاصد گیا

دیدۂ یعقوب روشن بوئے پیراہن کیا

بے وفائی ان سیہ چشماں کی دیکھا جب ستی

مثل آئینہ ہو حیراں دل ہے سرگرداں مرا

تب ہوا اظہار اعجاز عصائے موسوی

جب او چوب نا تراشیدہ کے تئیں سوہن کیا

اسیر کاکل خم دار ہوں میں

گرفتار کمند یار ہوں میں

خوش نہیں افشائے راز دلربا پیش عموم

ہاتف غیبی مجھے اظہار کہتا ہے کہ بول

نہیں یارو خدا ہرگز تمہارے سوں جدا ہے گا

جدھر دیکھے ادھر مملو سدا نور خدا ہے گا

ترابؔ ہوتا ہے اشک باراں اپس میں توں بول راز داراں

ہر ایک گلشن میں نو بہاراں گھڑی میں کچھ ہور گھڑی میں کچھ ہیں

کیا جو مجھ طرف گل رو نظر آہستہ آہستہ

او پہنچی بلبل دل کوں خبر آہستہ آہستہ

ترابؔ عاشق گیسو درازے

اسیر رشتۂ زنار ہے گا

ارے دل مثل بلبل چپ ہمیشہ نالہ زن ہے توں

کہیں گل پیرہن گل رو کی پایا کچھ خبر ہے رے

دیکھے جو یک بیک گل رو تمہاری بے حجابی ہم

مثال بلبل شیدا کئے اپنی خرابی ہم

کر گریباں چاک‌ اپنا گل نمط بہیں پر گرا

درد دل بلبل سوں سن کر او گل خنداں مرا

چلا آتا ہے جو صیاد ظالم دام گیسو لے

کہ شاید آہوئے دل کوں کرے گا او شکار آخر

ہمیشہ دامن گل مثل شبنم

ہوا مسکن مرے طفل نین کا

نہ آیا کیا سبب اب الگ رہا دل انتظار آخر

جہاں ہووے وہاں جا کر مجھنے ہونا نثار آخر

ارے دل کیوں ہوا ہے رے عبث توں وحشیٔ دشتی

کسی آہو نگاہاں کی تجے اچھر کا چھر ہے رے

دیدۂ بینا و نابینا کے تئیں روشن کیا

یک نگہ میں گلخن ویراں کوں او گلشن کیا

نالۂ بلبل ہوا ناقوس دیر

گل کیا جس وقت گلزار بتاں

اے ترابؔ جب گل بدن کے درد سوں گریاں کیا

دامن گل پر مرا ہر اشک دردانہ ہوا

باند کر گلنار چیرا گل بدن جاتا ہے باغ

آج خاطر میں ترے بلبل کی مسماری ہے کیا

نہیں یارو خدا ہرگز تمہارے سوں جدا ہے گا

جدھر دیکھے ادھر مملو سدا نور خدا ہے گا