mahsūs ye huā mujhe ehsās-e-ġham ke saath

maiñ us ke dam ke saath huuñ vo mere dam ke saath

mahsus ye hua mujhe ehsas-e-gham ke sath

main us ke dam ke sath hun wo mere dam ke sath

b-tufail-e-dāman-e-murtazā maiñ batāūñ kiyā milā

ki ali mili to nabī mile jo nabī mile to ḳhudā milā

b-tufail-e-daman-e-murtaza main bataun kiya mila

ki ali mili to nabi mile jo nabi mile to KHuda mila

zarā Thahro mire aañsū to puure ḳhushk hone do

abhī āñkhoñ meñ thoḌī sī namī ma.alūm hotī hai

zara Thahro mere aansu to pure KHushk hone do

abhi aankhon mein thoDi si nami malum hoti hai

use chāñd-sūraj se tashbīh kyā duuñ

jo hai rashk-e-shams-o-qamar allāh allāh

use chand-suraj se tashbih kya dun

jo hai rashk-e-shams-o-qamar allah allah

ham vasl meñ aise kho.e ga.e furqat kā zamānā bhuul ga.e

sāhil kī ḳhushī meñ maujoñ kā tūfān uThānā bhuul ga.e

hum wasl mein aise khoe gae furqat ka zamana bhul gae

sahil ki KHushi mein maujon ka tufan uThana bhul gae

kyā pūchhte ho mujh se mire dil kī aarzū

ab merī har ḳhushī hai tumhārī ḳhushī ke saath

kya puchhte ho mujh se mere dil ki aarzu

ab meri har KHushi hai tumhaari KHushi ke sath

be-irādā kuchh Tapak paḌte haiñ aañsū bhī vahīñ

zindagī kī jis ravish per muskurā saktā huuñ maiñ

be-irada kuchh Tapak paDte hain aansu bhi wahin

zindagi ki jis rawish per muskura sakta hun main

jahāñ qudrat kisī se pher letī hai nazar apnī

vahīñ insān kī be-mā.egī ma.alūm hotī hai

jahan qudrat kisi se pher leti hai nazar apnī

wahin insan ki be-maegi malum hoti hai

har-chand faqat muḳhtār nahīñ har-chand faqat majbūr nahīñ

ik aah to bhar luuñ apnī ḳhushī itnā bhī mujhe maqdūr nahīñ

har-chand faqat muKHtar nahin har-chand faqat majbur nahin

ek aah to bhar lun apnī KHushi itna bhi mujhe maqdur nahin

tum mire rone pe hañste ho ḳhudā hañstā rakhe

ye bhī kiyā kam hai ki ro kar to hañsā kartā huuñ mañ

tum mere rone pe hanste ho KHuda hansta rakhe

ye bhi kiya kam hai ki ro kar to hansa karta hun man

rakhā na ab kahīñ kā dil-e-be-qarār ne

barbād kar diyā ġham-e-be-iḳhtiyār ne

rakha na ab kahin ka dil-e-be-qarar ne

barbaad kar diya gham-e-be-iKHtiyar ne

tamannā do diloñ kī ek hī ma.alūm hotī hai

ab un kī har ḳhushī apnī ḳhushī ma.alūm hotī hai

tamanna do dilon ki ek hi malum hoti hai

ab un ki har KHushi apnī KHushi malum hoti hai

mirā ek sajda to ho chain kā

ḳhudā hī jo Thahrā ḳhud aa jaa.e nā

mera ek sajda to ho chain ka

KHuda hi jo Thahra KHud aa jae na

vo fasl-e-gul meñ dil ko jalā kar chale gaye

is martaba to aag lagā dī bahār ne

wo fasl-e-gul mein dil ko jala kar chale gaye

is martaba to aag laga di bahaar ne

ik buad-e-ḳhayālī se haT kar ġham-e-furqat kyā

maflūj na hone do ehsās-e-ma.īyat ko

ek buad-e-KHayali se haT kar gham-e-furqat kya

mafluj na hone do ehsas-e-maiyat ko

āḳhir ġham-e-hayāt ke mātam se fā.ida

ġham zindagī ke saath ḳhusī zindagī ke saath

aaKHir gham-e-hayat ke matam se faida

gham zindagi ke sath KHusi zindagi ke sath

mohabbat ke aañsū haiñ pī jā.iye

kahīñ koī tūfān aa jaa.e nā

mohabbat ke aansu hain pi jaiye

kahin koi tufan aa jae na

merī pahlī parvarish taqdīs kī āġhosh meñ

qudsiyoñ ke sar bhī 'kāmil' mere aage ḳham rahe

meri pahli parwarish taqdis ki aaghosh mein

qudsiyon ke sar bhi 'kaamil' mere aage KHam rahe

aañsū sañbhal ke poñchhi.ye bīmār-e-ishq huuñ

dil bhī lagā huā hai merī chashm-e-nam ke saath

aansu sanbhal ke ponchhiye bimar-e-ishq hun

dil bhi laga hua hai meri chashm-e-nam ke sath

tire haat merī fanā baqā tire haath merī sazā jazā

mujhe naaz hai ki tire sivā koī aur merā ḳhudā nahīñ

tere hat meri fana baqa tere hath meri saza jaza

mujhe naz hai ki tere siwa koi aur mera KHuda nahin

zaḳhm-e-dil ho gaye phir unkī 'ināyat se hare

mere gulshan meñ phir ik taaza bahār aa.ī hai

zaKHm-e-dil ho gaye phir unki 'inayat se hare

mere gulshan mein phir ek taza bahaar aai hai

tirā vojūd hai jān-e-bahār-e-gulshan-e-chisht

tujhī se nikhat-e-har gul hai yā ġharībnavāz

tera wojud hai jaan-e-bahaar-e-gulshan-e-chisht

tujhi se nikhat-e-har gul hai ya gharibnawaz

jo dil ho jalva-gāh-e-nāz is meñ ġham nahīñ hotā

jahāñ sarkār hote haiñ vahāñ mātam nahīñ hotā

jo dil ho jalwa-gah-e-naz is mein gham nahin hota

jahan sarkar hote hain wahan matam nahin hota

ba-sad nā-murādī murād apnī 'kāmil'

kisī kā ġham-e-mo'tabar allāh allāh

ba-sad na-muradi murad apnī 'kaamil'

kisi ka gham-e-mo'tabar allah allah

huā ishq se ye hameñ istifādā maze meñ vahī hai jo hai be-irāda

unhīñ kī ḳhushī meñ maze-dāriyāñ haiñ nahīñ to baḌā dukh uThānā paḌegā

hua ishq se ye hamein istifada maze mein wahi hai jo hai be-irada

unhin ki KHushi mein maze-dariyan hain nahin to baDa dukh uThana paDega

ai chārāgar-e-ḳhush-fahm zarā kuchh aql kī le kuch hosh kī le

bīmār-e-mohabbat bhī tujh se nādān kahīñ achhā hogā

ai chaaragar-e-KHush-fahm zara kuchh aql ki le kuch hosh ki le

bimar-e-mohabbat bhi tujh se nadan kahin achha hoga

ab ḳhvāb meñ bhī diid ko āñkheñ taras ga.iiñ

be-ḳhvāb kar diya ġham-e-shab-zindādār ne

ab KHwab mein bhi did ko aankhen taras gain

be-KHwab kar diya gham-e-shab-zindadar ne

jo dil ho jalva-gāh-e-nāz is meñ ġham nahīñ hotā

jahāñ sarkār hote haiñ vahāñ mātam nahīñ hotā

jo dil ho jalwa-gah-e-naz is mein gham nahin hota

jahan sarkar hote hain wahan matam nahin hota

kabhī vartā-e-ġham meñ dil ko Dubo kar kabhī ḳhuun pī kar kabhī ḳhuun ro kar

bahul kuchh abhī abpnī rūdād-e-ġham ko isī tarah rañgīñ banānā paḌegā

kabhi warta-e-gham mein dil ko Dubo kar kabhi KHun pi kar kabhi KHun ro kar

bahul kuchh abhi abpni rudad-e-gham ko isi tarah rangin banana paDega

ḳhudā-hāfiz ab dil kī ḳhud-dāriyoñ kā vo aate nahīñ unko laanā paḌe gā

mohabbat se majbūr huuñ kyā batā.un unheñ kaise kaise manānā paḌe gā

KHuda-hafiz ab dil ki KHud-dariyon ka wo aate nahin unko lana paDe ga

mohabbat se majbur hun kya bataun unhen kaise kaise manana paDe ga

jab chāhne vaale ḳhatm hue us vaqt unheñ ehsās huā

ab yaad meñ un kī rote haiñ hañs hañs ke rulānā bhuul ga.e

jab chahne wale KHatm hue us waqt unhen ehsas hua

ab yaad mein un ki rote hain hans hans ke rulana bhul gae

tū usī kī aañkh kā nuur hai tū usī ke dil kā surūr hai

ki jise buland nazar milī ki jise shu'ūr-e-vilā milā

tu usi ki aankh ka nur hai tu usi ke dil ka surur hai

ki jise buland nazar mili ki jise shu'ur-e-wila mila

jo ġham meñ masarrat kī ghulne ko hue paidā

bad-baḳht vo kyā jāneñ ḳhud ġham kī masarrat ko

jo gham mein masarrat ki ghulne ko hue paida

bad-baKHt wo kya jaanen KHud gham ki masarrat ko

tirā vojūd hai jān-e-bahār-e-gulshan-e-chisht

tujhī se nikhat-e-har gul hai yā ġharībnavāz

tera wojud hai jaan-e-bahaar-e-gulshan-e-chisht

tujhi se nikhat-e-har gul hai ya gharibnawaz

mohabbat kī pahlī nazar allāh allāh

vo tūfān-e-jazb-o-asar allāh allāh

mohabbat ki pahli nazar allah allah

wo tufan-e-jazb-o-asar allah allah

tumhārā dard hai sarmāyā-e-hayāt mirā

ḳhudā kare ki ye ho lā-davā ġharībnavāz

tumhaara dard hai sarmaya-e-hayat mera

KHuda kare ki ye ho la-dawa gharibnawaz

mahsūs ye huā mujhe ehsās-e-ġham ke saath

maiñ us ke dam ke saath huuñ vo mere dam ke saath

mahsus ye hua mujhe ehsas-e-gham ke sath

main us ke dam ke sath hun wo mere dam ke sath

pī bhī luuñ to āḳhir rañg-e-ruḳh ko kyā karūñ

soz-e-ġham ko kyā kisī unvāñ chhupā saktā huuñ maiñ

pi bhi lun to aaKHir rang-e-ruKH ko kya karun

soz-e-gham ko kya kisi unwan chhupa sakta hun main

nashīlī nigāhoñ ke maare huoñ ko bas ik be-ḳhudī meñ guzāre huon ko

terī mast-āñkhoñ ke qurbān saaqī unheñ sāġharoñ se pilānā paḌegā

nashili nigahon ke mare huon ko bas ek be-KHudi mein guzare huon ko

teri mast-ankhon ke qurban saqi unhen sagharon se pilana paDega

azm-o-istiqlāl hai shart-e-muqaddam ishaq meñ

koī jaada kyuuñ na ho insān us par jam rahe

azm-o-istiqlal hai shart-e-muqaddam ishaq mein

koi jada kyun na ho insan us par jam rahe

yā tū ne nazar ḳhīra kar dī ai barq-e-tajallī yā ham hī

dīdār meñ apnī āñkhoñ kā ehsān uThānā bhuul ga.e

ya tu ne nazar KHira kar di ai barq-e-tajalli ya hum hi

didar mein apnī aankhon ka ehsan uThana bhul gae

us qādir-e-mutlaq ke bande hī jo ham Thahre

hañste hue sahnā hai har jabr-e-mashiyat ko

us qadir-e-mutlaq ke bande hi jo hum Thahre

hanste hue sahna hai har jabr-e-mashiyat ko