guzar jā manzil-e-ehsās kī had se bhī ai 'afqar'

kamāl-e-be-ḳhudī hai be-niyāz-e-hosh ho jaanā

guzar ja manzil-e-ehsas ki had se bhi ai 'afqar'

kamal-e-be-KHudi hai be-niyaz-e-hosh ho jaana

ḳhushī hai zāhid kī varna saaqī ḳhayāl-e-tauba rahegā kab tak

ki terā rind-e-ḳharāb 'afqar' valī nahīñ pārsā nahīñ hai

KHushi hai zahid ki warna saqi KHayal-e-tauba rahega kab tak

ki tera rind-e-KHarab 'afqar' wali nahin parsa nahin hai

chamak uTThī hai qismat ek hī sajda meñ kyā kahnā

liye phirtā hai peshānī pe naqsh-e-koī koī

chamak uTThi hai qismat ek hi sajda mein kya kahna

liye phirta hai peshani pe naqsh-e-koi koi

tirī mahfil meñ jo aayā ba-andāz-e-ajab aayā

koī lailā-adā aayā koī majnūñ-laqab aayā

teri mahfil mein jo aaya ba-andaz-e-ajab aaya

koi laila-ada aaya koi majnun-laqab aaya

aksar palaT ga.ī hai shab-e-intizār maut

marne na dard-e-dil ne diyā tā-sahar mujhe

aksar palaT gai hai shab-e-intizar maut

marne na dard-e-dil ne diya ta-sahar mujhe

ḳhirad hai majbūr aql hairāñ pata kahīñ hosh kā nahīñ hai

abhī se aalam hai be-ḳhudī kā abhī to parda uThā nahīñ ha

KHirad hai majbur aql hairan pata kahin hosh ka nahin hai

abhi se aalam hai be-KHudi ka abhi to parda uTha nahin ha

vo bahār-e-umr ho yā ḳhizāñ nahīñ koī qābil-e-e'tinā

na yaqīñ thā mujh ko surūr per na hai e'tibār ḳhumār per

wo bahaar-e-umr ho ya KHizan nahin koi qabil-e-e'tina

na yaqin tha mujh ko surur per na hai e'tibar KHumar per

usī ko kāmyāb-e-dīd kahte haiñ nazar vaale

vo āshiq jo halāk-e-hasrat-e-dīdār ho jaa.e

usi ko kaamyab-e-did kahte hain nazar wale

wo aashiq jo halak-e-hasrat-e-didar ho jae

ġham-e-daurāñ kā phir kyā zikr 'afqar'

mai-e-rañgīñ kā jab paimāna aayā

gham-e-dauran ka phir kya zikr 'afqar'

mai-e-rangin ka jab paimana aaya

ye hai muḳhtasar fasāna mirī zindagī kā nāseh

ġham-e-āshiqī faqat thā ġham-e-do-jahāñ se pahle

ye hai muKHtasar fasana meri zindagi ka naseh

gham-e-ashiqi faqat tha gham-e-do-jahan se pahle

ab na vo gul rahe aur na vo gul-sitāñ

chāñdnī chār-din kī magar ho ga.ī

ab na wo gul rahe aur na wo gul-sitan

chandni chaar-din ki magar ho gai

ahl-e-jafā ne phir na uThāyā jafā se haath

lazzat-shanās-e-zulm-o-sitam dekh kar mujhe

ahl-e-jafa ne phir na uThaya jafa se hath

lazzat-shanas-e-zulm-o-sitam dekh kar mujhe

nahīñ mauqūf duniyā hī meñ charchā ḳhūn-e-nāhaq kā

sar-e-mahshar bhī qātil ko pashemāñ kar ke chhoḌūñgā

nahin mauquf duniya hi mein charcha KHun-e-nahaq ka

sar-e-mahshar bhi qatil ko pasheman kar ke chhoDunga

dvaañ ho kashtī-e-umr-e-rvāñ yuuñ bahr-e-hastī meñ

kahīñ ubhrī kahīñ Duubī kahīñ mālūm hotā hai

dwan ho kashti-e-umr-e-rwan yun bahr-e-hasti mein

kahin ubhri kahin Dubi kahin malum hota hai

us kī nākāmī-e-qismat par kahāñ tak roiye

ġharq ho jaa.e safīna jis kā sāhil ke qarīb

us ki nakaami-e-qismat par kahan tak roiye

gharq ho jae safina jis ka sahil ke qarib

hazār rañg-e-zamāna badle hazār daur-e-nashāt aa.e

jo bujh chukā hai havā-e-ġham se charāġh phir vo jalā nahīñ hai

hazar rang-e-zamana badle hazar daur-e-nashat aae

jo bujh chuka hai hawa-e-gham se charagh phir wo jala nahin hai

guzar jā manzil-e-ehsās kī had se bhī ai 'afqar'

kamāl-e-be-ḳhudī hai be-niyāz-e-hosh ho jaanā

guzar ja manzil-e-ehsas ki had se bhi ai 'afqar'

kamal-e-be-KHudi hai be-niyaz-e-hosh ho jaana

jazbāt kā bayāñ hai sharh-e-ġham-e-nihāñ hai

maqbūl ho na kyuuñ phir 'afqar' kalām terā

jazbaat ka bayan hai sharh-e-gham-e-nihan hai

maqbul ho na kyun phir 'afqar' kalam tera

bahār aane kī aarzū kyā bahār ḳhud hai nazar kā dhokā

abhī chaman jannat-nazar hai abhī chaman kā patā nahīñ hai

bahaar aane ki aarzu kya bahaar KHud hai nazar ka dhoka

abhi chaman jannat-nazar hai abhi chaman ka pata nahin hai

milī sajda kī ijāzat jūñhī pāsbāñ se pahle

mujhe mil ga.ī ḳhudā.ī tere āstāñ se pahle

mili sajda ki ijazat junhi pasban se pahle

mujhe mil gai KHudai tere aastan se pahle

huā ye ma.alūm ba.ad-muddat kisī kī nairañgī-e-sitam se

sitam b-andāza-e-adā hai adā ba-qadr-e-jafā nahīñ hai

hua ye malum baad-muddat kisi ki nairangi-e-sitam se

sitam b-andaza-e-ada hai ada ba-qadr-e-jafa nahin hai

ye aaheñ haiñ merī ye naale haiñ mere

jinheñ āsmāñ āsmāñ dekhte haiñ

ye aahen hain meri ye nale hain mere

jinhen aasman aasman dekhte hain

kaisī bahār kaisā nasheman kahāñ ke gul

rote haiñ bāl-o-par mujhe aur bāl-o-par ko maiñ

kaisi bahaar kaisa nasheman kahan ke gul

rote hain baal-o-par mujhe aur baal-o-par ko main

azal se hai āsmāñ ḳhamīda na kar sakā phir bhī ek sajda

vo DhūñDhtā hai jis āstāñ ko vo āstāna milā nahīñ hai

azal se hai aasman KHamida na kar saka phir bhi ek sajda

wo DhunDhta hai jis aastan ko wo aastana mila nahin hai

kahīñ nākām rah jaaye na zauq-e-justujū apnā

adam se bhī ḳhayāl-e-yār-e-ham-āġhosh ho jaanā

kahin nakaam rah jaye na zauq-e-justuju apna

adam se bhi KHayal-e-yar-e-ham-aghosh ho jaana

vahāñ bhī kar liyā sajda ḳhudā ko

koī jab raah meñ but-ḳhāna aayā

wahan bhi kar liya sajda KHuda ko

koi jab rah mein but-KHana aaya

ḳhushī hai zāhid kī varna saaqī ḳhayāl-e-tauba rahegā kab tak

ki terā rind-e-ḳharāb 'afqar' valī nahīñ pārsā nahīñ hai

KHushi hai zahid ki warna saqi KHayal-e-tauba rahega kab tak

ki tera rind-e-KHarab 'afqar' wali nahin parsa nahin hai

tujhe ma.alūm kyā ai ḳhvāb-e-hastī dekhne vaale

vahī hastī hai hastī jo nisār-e-yār ho jaa.e

tujhe malum kya ai KHwab-e-hasti dekhne wale

wahi hasti hai hasti jo nisar-e-yar ho jae

bahār aane kī aarzū kyā bahār ḳhud hai nazar kā dhokā

abhī chaman jannat-nazar hai abhī chaman kā patā nahīñ hai

bahār aane kī aarzū kyā bahār ḳhud hai nazar kā dhokā

abhī chaman jannat-nazar hai abhī chaman kā patā nahīñ hai

ḳhudā rakkhe ajab kaif-e-bahār-e-kū-e-jānāñ hai

ki dil hai jalva-sāmāñ to nazar jannat-ba-dāmāñ hai

KHuda rakkhe ajab kaif-e-bahaar-e-ku-e-jaanan hai

ki dil hai jalwa-saman to nazar jannat-ba-daman hai

ab us manzil pe pahuñchā hai kisī kā be-ḳhud-e-ulfat

jahāñ par zindagī-o-maut kā ehsās yaksāñ hai

ab us manzil pe pahuncha hai kisi ka be-KHud-e-ulfat

jahan par zindagi-o-maut ka ehsas yaksan hai

hameñ mil gayā hai tirā āstāna kahīñ ab na aanā kahīñ ab na jaanā

muqaddar se bigḌā ho jis ke zamāna yahāñ apnī bigḌī vo qismat banā le

hamein mil gaya hai tera aastana kahin ab na aana kahin ab na jaana

muqaddar se bigDa ho jis ke zamana yahan apni bigDi wo qismat bana le