hai vo qātil qatl-e-āshiq par khaḌā

maar degā ḳhuuñ bharī talvār se

hai wo qatil qatl-e-ashiq par khaDa

mar dega KHun bhari talwar se

ham to āshiq haiñ tere sūraj pe juuñ sūraj-mukhī

ho jidhar tū bas udhar hī muñh hamārā phir gayā

hum to aashiq hain tere suraj pe jun suraj-mukhi

ho jidhar tu bas udhar hi munh hamara phir gaya

gar mile ik baar mujh ko vo parī-vash kaj-adā

us ko zāhir kar dikhā.ūñ dil kā matlab dil kī baat

gar mile ek bar mujh ko wo pari-wash kaj-ada

us ko zahir kar dikhaun dil ka matlab dil ki baat

'ārifā' maiñ ḳhvāb-e-ġhaflat meñ rahā jab be-ḳhabar

jaag kar maiñ ne sunā dilbar pyārā phir gayā

'arifa' main KHwab-e-ghaflat mein raha jab be-KHabar

jag kar main ne suna dilbar pyara phir gaya

maiñ fidā huuñ aap par aur aap ho mujh par ḳhafā

ye merī taqsīr hai yā kaj-adā.ī aap kī

main fida hun aap par aur aap ho mujh par KHafa

ye meri taqsir hai ya kaj-adai aap ki

daulat-e-ishq-e-ḳhudā hāsil ho gar

kuchh nahīñ achchhā digar is kaar se

daulat-e-ishq-e-KHuda hasil ho gar

kuchh nahin achchha digar is kar se

vasl kī shab ho chukī ruḳhsat qamar hone lagā

āftāb-e-roz-e-mahshar jalva-gar hone lagā

wasl ki shab ho chuki ruKHsat qamar hone laga

aaftab-e-roz-e-mahshar jalwa-gar hone laga

kūcha-e-jānāñ meñ jaanā hai muhāl

ḳhauf hai us sañg-dil ḳhuñḳhār se

kucha-e-jaanan mein jaana hai muhaal

KHauf hai us sang-dil KHunKHar se

sivā qismat ke duniyā meñ nahīñ kuchh mutlaqan miltā

vagarna zor kar ke aazmā le jis kā jī chāhe

siwa qismat ke duniya mein nahin kuchh mutlaqan milta

wagarna zor kar ke aazma le jis ka ji chahe

na chhup mujh se tū ai but-e-sañg-dil

tujhe is kitāb aur qalam kī qasam

na chhup mujh se tu ai but-e-sang-dil

tujhe is kitab aur qalam ki qasam

agar ek pal ho judā.ī terī

to sahrā mujhe saarā ghar-bār ho

agar ek pal ho judai teri

to sahra mujhe sara ghar-bar ho

ai sitamgar bevafā ye bevafā.ī kab talak

āshiqoñ kī tere kūche meñ duhā.ī kab talak

ai sitamgar bewafa ye bewafai kab talak

aashiqon ki tere kuche mein duhai kab talak

aa ke mere ghar se jab vo mahfil-ārā phir gayā

us ke phirne se mere siine pe aarā phir gayā

aa ke mere ghar se jab wo mahfil-ara phir gaya

us ke phirne se mere sine pe aara phir gaya

merā baḳht-e-ḳhvābīda bedār ho

terā ḳhvāb meñ mujh ko dīdār ho

mera baKHt-e-KHwabida bedar ho

tera KHwab mein mujh ko didar ho

jo marne se muue pahle unheñ kyā ḳhauf dozaḳh kā

dil apnā nār-e-hijrat se jalā le jis kā jī chāhe

jo marne se mue pahle unhen kya KHauf dozaKH ka

dil apna nar-e-hijrat se jala le jis ka ji chahe

be-gumāñ mil jā.egā jo hai likhā qismat ke beach

sābir-o-shākir ko kuchh jāgīr kī hājat nahīñ

be-guman mil jaega jo hai likha qismat ke beach

sabir-o-shakir ko kuchh jagir ki hajat nahin

hai āshiq ko apne sanam kī qasam

mujhe tere ḳhāk-e-qadam kī qasam

hai aashiq ko apne sanam ki qasam

mujhe tere KHak-e-qadam ki qasam

dil merā hai misl-e-bulbul na.ara-zan

misl-e-bū gul-rū gayā gulzār se

dil mera hai misl-e-bulbul nara-zan

misl-e-bu gul-ru gaya gulzar se

agar vo pilāve sharāb-e-visāl

to kyā us kā āshiq na mai-ḳhvār ho

agar wo pilawe sharab-e-visal

to kya us ka aashiq na mai-KHwar ho

dikhā mujh ko dīdār ai gul-ezār

tujhe apne bāġh-e-iram kī qasam

dikha mujh ko didar ai gul-ezar

tujhe apne bagh-e-iram ki qasam

jab duī dil se ga.ī aur dilrubā dekhā ayaañ

Daal kar gul ko gale meñ ḳhaar kī hājat nahīñ

jab dui dil se gai aur dilruba dekha ayan

Dal kar gul ko gale mein KHar ki hajat nahin

ḳhūb-rū ḳhud aa mile jab phir kisī kā ḳhauf kyā

ye vo jaadū hai jise tasḳhīr kī hājat nahīñ

KHub-ru KHud aa mile jab phir kisi ka KHauf kya

ye wo jadu hai jise tasKHir ki hajat nahin

'ārifā' hai haq yahī bas ġhair-e-haq kuchh bhī na jaan

pī mai-e-vahdat yahāñ tāḳhīr kī hājat nahīñ

'arifa' hai haq yahi bas ghair-e-haq kuchh bhi na jaan

pi mai-e-wahdat yahan taKHir ki hajat nahin

mil gayā hai dil kisī dīdār se

ho gayā bezār ab ghar-bār se

mil gaya hai dil kisi didar se

ho gaya bezar ab ghar-bar se

misl-e-gul bāhar gayā gulshan se jab vo gul-'ezār

ashk-e-ḳhūnī se merā tan tar-ba-tar hone lagā

misl-e-gul bahar gaya gulshan se jab wo gul-'ezar

ashk-e-KHuni se mera tan tar-ba-tar hone laga

misl-e-gul bāhar gayā gulshan se jab vo gul-'ezār

ashk-e-ḳhūnī se merā tan tar-ba-tar hone lagā

misl-e-gul bahar gaya gulshan se jab wo gul-'ezar

ashk-e-KHuni se mera tan tar-ba-tar hone laga

jāntā huuñ maiñ ki mujh se ho gayā hai kuchh gunāh

dilrubā yā be-diloñ se dil tumhārā phir gayā

jaanta hun main ki mujh se ho gaya hai kuchh gunah

dilruba ya be-dilon se dil tumhaara phir gaya

hai kyā ḳhauf 'ārif' ko mahshar ke din

vakālat pe jab piir muḳhtār ho

hai kya KHauf 'arif' ko mahshar ke din

wakalat pe jab pir muKHtar ho

'ārifā' qātil jab aayā teġh-e-vahdat haath le

qatl ko gardan jhukā maiñ peshtar hone lagā

'arifa' qatil jab aaya tegh-e-wahdat hath le

qatl ko gardan jhuka main peshtar hone laga

maiñ huuñ bechtā dharm-o-īmān-o-dīñ

agar koī aa kar ḳharīdār ho

main hun bechta dharm-o-iman-o-din

agar koi aa kar KHaridar ho

sāhab-e-tauhīd ko talvār kī hājat nahīñ

zaḳhmī-e-mizhgāñ ko kuchh sofār kī hājat nahīñ

sahab-e-tauhid ko talwar ki hajat nahin

zaKHmi-e-mizhgan ko kuchh sofar ki hajat nahin

kah diyā fir.aun ne bhī maiñ ḳhudā kar ke ḳhudī

ho ke be-ḳhud jab kahe inkār kī hājat nahīñ

kah diya firaun ne bhi main KHuda kar ke KHudi

ho ke be-KHud jab kahe inkar ki hajat nahin

jahāñ gar ho dushman hai kyā fikr-o-ġham

agar ġham-gusārī pe ġham-ḳhvār ho

jahan gar ho dushman hai kya fikr-o-gham

agar gham-gusari pe gham-KHwar ho

jab nazar us kī paḌī ham āsmāñ se gir paḌe

us ke phirte hī jahāñ ye ham se saarā phir gayā

jab nazar us ki paDi hum aasman se gir paDe

us ke phirte hi jahan ye hum se sara phir gaya

gar milūñ to tund-ḳhū ho gāliyāñ dete ho tum

duur rahne se satātī hai judā.ī aap kī

gar milūñ to tund-ḳhū ho gāliyāñ dete ho tum

dur rahne se satātī hai judāī aap kī

barābar haiñ gar paas ho gul-badan

chaman ho ki jañgal che gulzār ho

barabar hain gar pas ho gul-badan

chaman ho ki jangal che gulzar ho

nāma-bar ḳhat de ke us ko lafz kuchh mat boliyo

dam-ba-ḳhud rahiyo terī taqrīr kī hājat nahīñ

nama-bar KHat de ke us ko lafz kuchh mat boliyo

dam-ba-KHud rahiyo teri taqrir ki hajat nahin

kyā lagāyā yaar ne siine meñ hī tīr-e-nigāh

qaus kī mānind merā kaj kamar hone lagā

kya lagaya yar ne sine mein hi tir-e-nigah

qaus ki manind mera kaj kamar hone laga

agar ek pal ho judā.ī terī

to sahrā mujhe saarā ghar-bār ho

agar ek pal ho judāī terī

to sahrā mujhe sarā ghar-bār ho

kar diyā barbād saarā ishq ne jab ḳhānumāñ

shahar meñ charchā merā phir ghar-ba-ghar hone lagā

kar diya barbaad sara ishq ne jab KHanuman

shahar mein charcha mera phir ghar-ba-ghar hone laga