hameñ ḳhudā ke sivā kuchh nazar nahīñ aatā

nikal ga.e haiñ bahut duur justujū karte

hamein KHuda ke siwa kuchh nazar nahin aata

nikal gae hain bahut dur justuju karte

haiñ sadqe kise aaj pyaar aa gayā

ye kaun aa gayā mere āġhosh meñ

hain sadqe kise aaj pyar aa gaya

ye kaun aa gaya mere aaghosh mein

vo bole tirī aah sozāñ 'riyāz'

hamesha tirā muñh jhulastī rahī

wo bole teri aah sozan 'riyaz'

hamesha tera munh jhulasti rahi

bahut hī ḳhair guzrī hote hote rah ga.ī us se

jise meñ ġhair samjhā huuñ vo un kā pāsbāñ hogā

bahut hi KHair guzri hote hote rah gai us se

jise mein ghair samjha hun wo un ka pasban hoga

kamar sīdhī karne zarā mai-kade meñ

asā Tekte kyā 'riyāz' aa he haiñ

kamar sidhi karne zara mai-kade mein

asa Tekte kya 'riyaz' aa he hain

kalīm baat baḌhāte na guftugū karte

lab-e-ḳhāmosh se iz.hār-e-ārzū karte

kalim baat baDhate na guftugu karte

lab-e-KHamosh se izhaar-e-arzu karte

haram hai jā-e-adab kaam degī jannat meñ

farishto taaq se botal zarā uThā denā

haram hai jā-e-adab kaam degī jannat meñ

farishto taq se botal zarā uThā denā

vo kuchh ġhair se va.ada farmā rahe haiñ

mare sar kī jhūTī qasam khā rahe haiñ

wo kuchh ghair se wada farma rahe hain

mare sar ki jhuTi qasam kha rahe hain

uḌtī thī vo shai aatī thiiñ jannat kī havā.eñ

ab rindoñ kā jamghaT sar-e-zamzam nahīñ hotā

uDti thi wo shai aati thin jannat ki hawaen

ab rindon ka jamghaT sar-e-zamzam nahin hota

hasīn bhī huuñ ḳhush-āvāz bhī farishta-e-qabr

kaTī hai umr hasīnoñ se guftugū karte

hasin bhi hun KHush-awaz bhi farishta-e-qabr

kaTi hai umr hasinon se guftugu karte

samā.e haiñ apne nigāhoñ meñ aise

jab ā.īna dekhā hai hairāñ hue haiñ

samae hain apne nigahon mein aise

jab aaina dekha hai hairan hue hain

ḳhudā jaane kahtā huuñ mastī meñ kiyā

ḳhudā jaane baktā huuñ kyā josh meñ

KHuda jaane kahta hun masti mein kiya

KHuda jaane bakta hun kya josh mein

hameñ hai ghar se ta.alluq ab is qadar baaqī

kabhī jo aa.e to do-din ko mehmāñ kī tarah

hamein hai ghar se talluq ab is qadar baqi

kabhi jo aae to do-din ko mehman ki tarah

vo kaun hai duniyā meñ jise ġham nahīñ hotā

kis ghar meñ ḳhushī hotī hai mātam nahīñ hotā

wo kaun hai duniya mein jise gham nahin hota

kis ghar mein KHushi hoti hai matam nahin hota

sunā hai ham ne bahut kuchh kalīm ke muñh se

ham aa.eñ to hameñ āvāz hī sunā denā

suna hai hum ne bahut kuchh kalim ke munh se

hum aaen to hamein aawaz hi suna dena

shaad ke naam se har rañj-o-ḳhushī ho ke 'riyāz'

sadr-e-āzam ko shab-o-roz duā detā hai

shad ke nam se har ranj-o-KHushi ho ke 'riyaz'

sadr-e-azam ko shab-o-roz dua deta hai

'riyāz' iimā hai un kā ham-navā hoñ murġh-e-gulshan meñ

huī hai mun.aqid bazm-e-suḳhan sehn-e-gulistāñ meñ

'riyaz' ima hai un ka ham-nawa hon murgh-e-gulshan mein

hui hai munaqid bazm-e-suKHan sehn-e-gulistan mein

kyā surma bharī āñkhoñ se aañsū nahīñ girte

kyā mehñdī lage hāthoñ se mātam nahīñ hotā

kya surma bhari aankhon se aansu nahin girte

kya mehndi lage hathon se matam nahin hota

na lāla-zār banānā mazār ko na sahī

charāġh ke aage kabhī shaam ko jalā denā

na lala-zar banana mazar ko na sahi

charagh ke aage kabhi sham ko jala dena

motī sī vo aab kahāñ aañsū kaalā motī hai

shāyad merī hijr kī shab muñh kī syāhī hotī hai

moti si wo aab kahan aansu kala moti hai

shayad meri hijr ki shab munh ki syahi hoti hai

ḳhayāl-e-shab-e-ġham se ghabrā rahe haiñ

hameñ din ko taare nazar aa rahe haiñ

KHayal-e-shab-e-gham se ghabra rahe hain

hamein din ko tare nazar aa rahe hain

anādil bhī kaliyāñ bhī gul bhī sabā bhī

ye sohbat hai hañsne hañsāne ke qābil

anadil bhi kaliyan bhi gul bhi saba bhi

ye sohbat hai hansne hansane ke qabil

ai qayāmat aa bhī terā ho rahā hai intizār

un ke dar par laash ik rakhī hai kafnā.ī huī

ai qayamat aa bhi tera ho raha hai intizar

un ke dar par lash ek rakhi hai kafnai hui

qabr meñ hai aaj o parda-nashīñ

le tire rusvā ne bhī pardā kiyā

qabr mein hai aaj o parda-nashin

le tere ruswa ne bhi parda kiya

'riyāz' maut hai is shart se hameñ manzūr

zamīñ satā.e na marne pe āsmāñ kī tarah

'riyaz' maut hai is shart se hamein manzur

zamin satae na marne pe aasman ki tarah

vo ḳhudā.ī ke luTā.e jo ḳhazāne kam hai

miir usmān-alī ḳhaan ko ḳhudā detā hai

wo KHudai ke luTae jo KHazane kam hai

mir usman-ali KHan ko KHuda deta hai

'riyāz' apnī qismat ko ab kyā kahūñ meñ

bigaḌnā to aayā sañvarnā na aayā

'riyaz' apni qismat ko ab kya kahun mein

bigaDna to aaya sanwarna na aaya

ḳhudā apne bandoñ kī suntā agar

tū sunte butoñ kī ḳhudā.ī huī

KHuda apne bandon ki sunta agar

tu sunte buton ki KHudai hui

nikal kar tere kūche se guzar merā jahāñ hogā

hazāroñ āsmāñ hoñge vahāñ ek āsmāñ hogā

nikal kar tere kuche se guzar mera jahan hoga

hazaron aasman honge wahan ek aasman hoga

na thā shabāb kamar meñ 'riyāz' zar hotā

to din buḌhāpe ke bhī nazr-e-lucknow karte

na tha shabab kamar mein 'riyaz' zar hota

to din buDhape ke bhi nazr-e-lucknow karte

āstīñ rañg badle aa.ī lahū de niklī

na chhupā laakh chhupā hashr meñ qātil merā

aastin rang badle aai lahu de nikli

na chhupa lakh chhupa hashr mein qatil mera

ḳhudā jaane dikhā.e gī ye kyā rañg

duā.eñ jam.a haiñ arsh-e-barīñ par

KHuda jaane dikhae gi ye kya rang

duaen jama hain arsh-e-barin par

ka.abe meñ ḳhayāl-e-ruḳh-e-nekū-e-alī hai

allāh ke ghar meñ nazar sū-e-alī hai

kabe mein KHayal-e-ruKH-e-neku-e-ali hai

allah ke ghar mein nazar su-e-ali hai

ye qismat daaġh jis meñ dard jis meñ

vo dil ho luuT dast-e-nāznīñ par

ye qismat dagh jis mein dard jis mein

wo dil ho luT dast-e-naznin par

sāhil tah se duur sivā tah sāhil se duur sivā

qismat qa.ar-e-samundar meñ kashtī aaj Dubotī hai

sahil tah se dur siwa tah sahil se dur siwa

qismat qar-e-samundar mein kashti aaj Duboti hai

gul muraqqa.a haiñ tire chāk-garebānoñ ke

shakl ma.ashūq kī andāz haiñ dīvānoñ ke

gul muraqqa hain tere chaak-garebanon ke

shakl mashuq ki andaz hain diwanon ke

meñ balā-nosh huuñ pī jā۔ūñ jo dariyā pāūñ

mujhe ghar baiThe mai-e-hosh-rubā detā hai

mein bala-nosh hun pi ja۔un jo dariya paun

mujhe ghar baiThe mai-e-hosh-ruba deta hai

bikī mai bahut fasl-e-gul meñ garāñ

jo sach pūchho phir bhī ye sastī rahī

biki mai bahut fasl-e-gul mein garan

jo sach puchho phir bhi ye sasti rahi

rañg par kal thā abhī lāla-gulshan kaisā

be-charāġh aaj hai har ek nasheman kaisā

rang par kal tha abhi lala-gulshan kaisa

be-charagh aaj hai har ek nasheman kaisa

na aayā hameñ ishq karnā na aayā

mare umr bhar aur marnā na aayā

na aaya hamein ishq karna na aaya

mare umr bhar aur marna na aaya

vo ḳhudā.ī ke luTā.e jo ḳhazāne kam hai

miir usmān-alī ḳhaan ko ḳhudā detā hai

wo KHudai ke luTae jo KHazane kam hai

mir usman-ali KHan ko KHuda deta hai

ye kaahe ko aatī mirī qabr meñ

qayāmat hai un kī satā.ī huī

ye kahe ko aati meri qabr mein

qayamat hai un ki satai hui

bane pañkhuḌī naqsh-e-pā kab lahad par

tujhe ai sabā gul katarnā na aayā

bane pankhuDi naqsh-e-pa kab lahad par

tujhe ai saba gul katarna na aaya

balā hai qabr kī shab is se baḌh ke hashr ke din

na aa.uuñ hosh meñ itnī mujhe pilā denā

bala hai qabr ki shab is se baDh ke hashr ke din

na aaun hosh mein itni mujhe pila dena

are o charḳh dene ke liye daaġh

bahut haiñ chāñd ke TukḌe zamīñ par

are o charKH dene ke liye dagh

bahut hain chand ke TukDe zamin par

to dharī jā.egī us ghar se jo niklī koī baat

nigah-e-shauq ye dīvār meñ rauzan kaisā

to dhari jaegi us ghar se jo nikli koi baat

nigah-e-shauq ye diwar mein rauzan kaisa

hameñ to jiite jī kausar ko pilvā

ḳhudā-yā chhoḌ dī hai tere Dar se

hamein to jite ji kausar ko pilwa

KHuda-ya chhoD di hai tere Dar se

duur se ai nigah-e-shauq balā.eñ le le

kis adā se hai naqāb-e-ruḳh-e-zebā sehrā

dur se ai nigah-e-shauq balaen le le

kis ada se hai naqab-e-ruKH-e-zeba sehra

ye aalam hai 'riyāz' ek-ek qatra ko tarastā huuñ

haram meñ ab ḳhudā jaane bharī botal kahāñ rakh dī

ye aalam hai 'riyaz' ek-ek qatra ko tarasta hun

haram mein ab KHuda jaane bhari botal kahan rakh di

ubhāre se ubhre na gul tere aage

chahakne ko chahke anā dil hazāroñ

ubhaare se ubhre na gul tere aage

chahakne ko chahke ana dil hazaron