دیکھیے اب کے غم سے جی میرا

نہ بچے گا بچے گا کیا ہوگا

جان سے ہو گئے بدن خالی

جس طرف تو نے آنکھ بھر دیکھا

ایک ایمان ہے بساط اپنی

نہ عبادت نہ کچھ ریاضت ہے

ڈھونڈھتے ہیں آپ سے اس کو پرے

شیخ صاحب چھوڑ گھر ،باہر چلے

باغ جہاں کے گل ہیں یا خار ہیں تو ہم ہیں

گر یار ہیں تو ہم ہیں اغیار ہیں تو ہم ہیں

حجاب رخ یار تھے آپ ہی ہم

کھلی آنکھ جب کوئی پردا نہ دیکھا

لیکن اس کو اثر خدا جانے

نہ ہوا ہوگا یا ہوا ہوگا

خدا جانے کیا ہوگا انجام اس کا

میں بے صبر اتنا ہوں وہ تند خو ہے

نالہ فریاد آہ اور زاری

آپ سے ہو سکا سو کر دیکھا

نالہ فریاد آہ اور زاری

آپ سے ہو سکا سو کر دیکھا

ہمیں تو باغ تجھ بن خانۂ ماتم نظر آیا

ادھر گل پھاڑتے تھے جیب روتی تھی ادھر شبنم

وابستہ ہے ہمیں سے گر جبر ہے و گر قدر

مجبور ہیں تو ہم ہیں مختار ہیں تو ہم ہیں

اپنے ہاتھوں کے بھی میں زور کا دیوانہ ہوں

رات دن کشتی ہی رہتی ہے گریبان کے ساتھ

نے گل کو ہے ثبات نہ ہم کو ہے اعتبار

کس بات پر چمن ہوس رنگ و بو کریں

کیا سیر سب ہم نے گلزار دنیا

گل دوستی میں عجب رنگ و بو ہے

آ پھنسوں میں بتوں کے دام میں یوں

دردؔ یہ بھی خدا کی قدرت ہے

عشق ہرچند مری جان سدا کھاتا ہے

پر یہ لذت تو وہ ہے جی ہی جسے پاتا ہے

پوچھا میں درد سے کہ بتا تو سہی مجھے

اے خانماں خراب ہے تیرے بھی گھر کہیں

چو نے خالی شدم از آرزوہا لیک عشق او

بگوشم می دمد حرفے کہ من ناچار می‌ نالم