agar ham tum salāmat haiñ kabhī khul jā.egī qismat

isī daur-e-layālī meñ isī gardūñ ke chakkar meñ

agar hum tum salamat hain kabhi khul jaegi qismat

isi daur-e-layali mein isi gardun ke chakkar mein

bayān-e-dard-āgīñ hai kahegā jā ke kyā qāsid

hadīs-e-ārzū merī pareshāñ dāstāñ merī

bayan-e-dard-agin hai kahega ja ke kya qasid

hadis-e-arzu meri pareshan dastan meri

bad-gumānī hai mirī vo ġhair par hai mehrbāñ

aisā kāfir dil kisī par mehrbāñ hotā nahīñ

bad-gumani hai meri wo ghair par hai mehrban

aisa kafir dil kisi par mehrban hota nahin

tumhāre ghar se ham nikle ḳhudā ke ghar se tum nikle

tumhīñ īmān se kah do ki kāfir ham haiñ yā tum ho

tumhaare ghar se hum nikle KHuda ke ghar se tum nikle

tumhin iman se kah do ki kafir hum hain ya tum ho

jahāñ meñ ḳhāna-zād-e-zulf ko kyā chhoḌ dete haiñ

ki tum ne chhoḌ rakhā mujh asīr-e-zulf-pechāñ ko

jahan mein KHana-zad-e-zulf ko kya chhoD dete hain

ki tum ne chhoD rakha mujh asir-e-zulf-pechan ko

ġhazab hai adā chashm-e-jādū-asar meñ

ki dil pis gayā bas nazar hī nazar meñ

ghazab hai ada chashm-e-jadu-asar mein

ki dil pis gaya bas nazar hi nazar mein

kuchh ufuq hai nūr-āgīñ kuchh shafaq hai laal laal

zarra zarra ā.īna hai husn-rū-e-ḳhāk kā

kuchh ufuq hai nur-agin kuchh shafaq hai lal lal

zarra zarra aaina hai husn-ru-e-KHak ka

mere siina par tum baiTho galā talvār se kaaTo

ḳhat-e-taqdīr maiñ samjhūñ ḳhat-e-shamshīr-e-burrāñ ko

mere sina par tum baiTho gala talwar se kaTo

KHat-e-taqdir main samjhun KHat-e-shamshir-e-burran ko

yahāñ iġhmāz tum kar lo vahāñ dekheñge mahshar meñ

chhuḌānā ġhair se dāman ko aur mujh se garebāñ ko

yahan ighmaz tum kar lo wahan dekhenge mahshar mein

chhuDana ghair se daman ko aur mujh se gareban ko

ummīdeñ apnī sab qāyam raheñgī

agar vo haiñ ḳhudā.ī meñ ḳhudā kī

ummiden apni sab qayam rahengi

agar wo hain KHudai mein KHuda ki

sach to ye hai ki aap hī kā ġham

ab sahārā hai zindagī ke liye

sach to ye hai ki aap hi ka gham

ab sahaara hai zindagi ke liye

ġhair ke ghar meñ bhī 'rāqim' aaj tum hote chalo

ek chhachhūñdar chhoḌ kar kuchh gul khilāte jā.iye

ghair ke ghar mein bhi 'raqim' aaj tum hote chalo

ek chhachhundar chhoD kar kuchh gul khilate jaiye

ġhair ke sau naaz tum par aur mujh par aap ke

aap dabte jā.iye mujh ko dabāte jā.iye

ghair ke sau naz tum par aur mujh par aap ke

aap dabte jaiye mujh ko dabaate jaiye

mire qatl ko aa.e is sādgī se

chhurī haath meñ hai na ḳhanjar kamar meñ

mere qatl ko aae is sadgi se

chhuri hath mein hai na KHanjar kamar mein

bhulāyā ġham-e-dil ne shauq-e-tamāshā

ki ab āñkheñ khultī hai do dopahar meñ

bhulaya gham-e-dil ne shauq-e-tamasha

ki ab aankhen khulti hai do dopahar mein

vaqār-e-iltijā bhī ham ne khoyā

abas jā jā ke un se iltijā kī

waqar-e-iltija bhi hum ne khoya

abas ja ja ke un se iltija ki

gavārā kis ko ho saaqī ye bū-e-ġhair sahbā ke

kisī ne pī hai sāġhar meñ jo bū hai ġhair-e-sāġhar meñ

gawara kis ko ho saqi ye bu-e-ghair sahba ke

kisi ne pi hai saghar mein jo bu hai ghair-e-saghar mein

na nikle jab koī armāñ na koī aarzū niklī

to apnī hasratoñ kā ḳhuun honā is ko kahte haiñ

na nikle jab koi arman na koi aarzu nikli

to apni hasraton ka KHun hona is ko kahte hain

ham aise hue dekh kar mahv-e-hairat

ḳhabar hī nahīñ kaun aayā hai ghar meñ

hum aise hue dekh kar mahw-e-hairat

KHabar hi nahin kaun aaya hai ghar mein

vahm hai yā saham hai qātil ko yā merā ḳhayāl

haath kāñpe jaate haiñ ḳhanjar ravāñ hotā nahīñ

wahm hai ya saham hai qatil ko ya mera KHayal

hath kanpe jate hain KHanjar rawan hota nahin

hamārī aarzū dil kī tumhārī jumbish-e-lab par

tamannā ab bar aatī hai agar kuchh lab-kushā tum ho

hamari aarzu dil ki tumhaari jumbish-e-lab par

tamanna ab bar aati hai agar kuchh lab-kusha tum ho

bayān-e-dard-āgīñ hai kahegā jā ke kyā qāsid

hadīs-e-ārzū merī pareshāñ dāstāñ merī

bayan-e-dard-agin hai kahega ja ke kya qasid

hadis-e-arzu meri pareshan dastan meri

bayāñ sun kar mirā jalte haiñ shāhid

zabāñ meñ merī garmī hai balā kī

bayan sun kar mera jalte hain shahid

zaban mein meri garmi hai bala ki

visāl-e-yār jab hogā milā degī kabhī qismat

tabī.at meñ tabī.at ko dil-o-jāñ meñ dil-o-jāñ ko

visal-e-yar jab hoga mila degi kabhi qismat

tabiat mein tabiat ko dil-o-jaan mein dil-o-jaan ko

huā hai zauq ārā.ish kā phir us husn-ārā ko

koī de de uThā kar ā.īna dast-e-sikandar meñ

hua hai zauq aaraish ka phir us husn-ara ko

koi de de uTha kar aaina dast-e-sikandar mein

hameñ nisbat hai jannat se ki ham bhī nasl-e-ādam haiñ

hamārā hissa 'rāqim' hai iram meñ hauz-e-kausar meñ

hamein nisbat hai jannat se ki hum bhi nasl-e-adam hain

hamara hissa 'raqim' hai iram mein hauz-e-kausar mein

thake ham to bas iltijā karte karte

kaTī umr sun sun ke shām-o-sahar meñ

thake hum to bas iltija karte karte

kaTi umr sun sun ke sham-o-sahar mein

batā kar shoḳhiyāñ us ko adā kī

Duboī ham ne qismat mudda.ā kī

bata kar shoKHiyan us ko ada ki

Duboi hum ne qismat muddaa ki

batā kar shoḳhiyāñ us ko adā kī

Duboī ham ne qismat mudda.ā kī

bata kar shoKHiyan us ko ada ki

Duboi hum ne qismat muddaa ki

ġhair ke ghar meñ bhī 'rāqim' aaj tum hote chalo

ek chhachhūñdar chhoḌ kar kuchh gul khilāte jā.iye

ghair ke ghar mein bhi 'raqim' aaj tum hote chalo

ek chhachhundar chhoD kar kuchh gul khilate jaiye

ġham-e-furqat hai khāne ko shab-e-ġham hai taḌapne ko

milā hai ham ko vo jiinā ki marnā is ko kahte haiñ

gham-e-furqat hai khane ko shab-e-gham hai taDapne ko

mila hai hum ko wo jina ki marna is ko kahte hain

gayā furqat kā ronā saath ummīd-o-tamanna ke

vo betābī hai aglī sī na chashm-e-ḳhūñ-chakāñ merī

gaya furqat ka rona sath ummid-o-tamanna ke

wo betabi hai agli si na chashm-e-KHun-chakan meri

ga.e pahlū se tum kyā ghar meñ hañgāma thā mahshar kā

charāġh-e-sub.h-gāhī meñ jamāl-e-sham-e-anvar meñ

gae pahlu se tum kya ghar mein hangama tha mahshar ka

charagh-e-subh-gahi mein jamal-e-sham-e-anwar mein

zamāna ko badalne do ḳhudā vo din bhī kar degā

tamāshā dekh lenā ham se karte iltijā tum ho

zamana ko badalne do KHuda wo din bhi kar dega

tamasha dekh lena hum se karte iltija tum ho

zamāna ko badalne do ḳhudā vo din bhī kar degā

tamāshā dekh lenā ham se karte iltijā tum ho

zamana ko badalne do KHuda wo din bhi kar dega

tamasha dekh lena hum se karte iltija tum ho

mujhe tum dekhte ho aur us hasrat se maiñ tum ko

ki bulbul rū-e-gul ko aur gul bulbul ke armāñ ko

mujhe tum dekhte ho aur us hasrat se main tum ko

ki bulbul ru-e-gul ko aur gul bulbul ke arman ko

tumhāre ghar se ham nikle ḳhudā ke ghar se tum nikle

tumhīñ īmān se kah do ki kāfir ham haiñ yā tum ho

tumhaare ghar se hum nikle KHuda ke ghar se tum nikle

tumhin iman se kah do ki kafir hum hain ya tum ho