tumheñ ilm kuchh jo ho ālimo to batā do mujh ko na chup raho

ki sharāb-e-ishq kā mast huuñ ye halāl hai ki harām hai

tumhein ilm kuchh jo ho aalimo to bata do mujh ko na chup raho

ki sharab-e-ishq ka mast hun ye halal hai ki haram hai

maiñ vo gul huuñ na fursat dī ḳhizāñ ne jis ko hañsne kī

charāġh-e-qabr bhī jal kar na apnā gul-fishāñ hogā

main wo gul hun na fursat di KHizan ne jis ko hansne ki

charagh-e-qabr bhi jal kar na apna gul-fishan hoga

vo log manzil-e-pīrī meñ haiñ jo aa.e hue

ḳhayāl-e-qabr meñ baiThe haiñ sar jhukā.e hue

wo log manzil-e-piri mein hain jo aae hue

KHayal-e-qabr mein baiThe hain sar jhukae hue

na hotī dil meñ ulfat apnī kyuuñ qātil ke abrū kī

ki mujh ko to qatīl-e-ḳhanjar-e-saffāk honā thā

na hoti dil mein ulfat apni kyun qatil ke abru ki

ki mujh ko to qatil-e-KHanjar-e-saffak hona tha

aarzū thī karbalā meñ dafn hote 'arsh' ham

dekhte mar kar bhī rauza hazrat-e-shabbīr kā

aarzu thi karbala mein dafn hote 'arsh' hum

dekhte mar kar bhi rauza hazrat-e-shabbir ka

dard kī sūrat uThā aañsū kī sūrat gir paḌā

jab se vo himmat nahīñ kisī bal nahīñ tāqat nahīñ

dard ki surat uTha aansu ki surat gir paDa

jab se wo himmat nahin kisi bal nahin taqat nahin

maiñ vo gul huuñ na fursat dī ḳhizāñ ne jis ko hañsne kī

charāġh-e-qabr bhī jal kar na apnā gul-fishāñ hogā

main wo gul hun na fursat di KHizan ne jis ko hansne ki

charagh-e-qabr bhi jal kar na apna gul-fishan hoga

vo majnūñ kī tasvīr par pūchhnā

tirī kis ke ġham meñ ye sūrat huī

wo majnun ki taswir par puchhna

teri kis ke gham mein ye surat hui

zab.h kartī hai judā.ī mujh ko us kī sub.h-e-vasl

ḳhvāb se chauñk ai mo.azzin vaqt hai takbīr kā

zabh kartī hai judāī mujh ko us kī subh-e-wasl

ḳhwāb se chauñk ai moazzin waqt hai takbīr kā

tum qabr par aa.e ho mirī phuul chaḌhāne

mujh par hai girāñ sāya-e-barg-e-gul-e-tar bhī

tum qabr par aae ho meri phul chaDhane

mujh par hai giran saya-e-barg-e-gul-e-tar bhi

jahāñ haiñ mahv-e-naġhma bulbuleñ gul jis meñ ḳhandāñ haiñ

usī gulshan meñ kal zāġh-o-zaġhan kā āshiyāñ hogā

jahan hain mahw-e-naghma bulbulen gul jis mein KHandan hain

usi gulshan mein kal zagh-o-zaghan ka aashiyan hoga

ye ro.ab hai chhāyā huā shām-e-shab-e-ġham kā

detā nahīñ āvāz bajāne se gajar bhī

ye roab hai chhaya hua sham-e-shab-e-gham ka

deta nahin aawaz bajaane se gajar bhi

tirī raah meñ jo fanā hue kahūñ kyā jo un kā maqām hai

na ye āsmān hai na ye zamīñ na ye sub.h hai na ye shaam hai

teri rah mein jo fana hue kahun kya jo un ka maqam hai

na ye aasman hai na ye zamin na ye subh hai na ye sham hai

us ne likkhā ḳhat meñ ye shikva na karnā jaur kā

ham ne likh bhejā hai itnā apnī ye aadat nahīñ

us ne likkha KHat mein ye shikwa na karna jaur ka

hum ne likh bheja hai itna apni ye aadat nahin

syāhī tīra-baḳhtī kī hamārī

shab-e-ġham ban ga.ī hai āsmāñ par

syahi tira-baKHti ki hamari

shab-e-gham ban gai hai aasman par

maiñ vo gul huuñ na fursat dī ḳhizāñ ne jis ko hañsne kī

charāġh-e-qabr bhī jal kar na apnā gul-fishāñ hogā

main wo gul hun na fursat di KHizan ne jis ko hansne ki

charagh-e-qabr bhi jal kar na apna gul-fishan hoga

azal se murġh-e-dil ko ḳhatra-e-sayyād kyā hotā

ki us ko to asīr-e-halqa-e-fitrāk honā thā

azal se murgh-e-dil ko KHatra-e-sayyaad kya hota

ki us ko to asir-e-halqa-e-fitrak hona tha

ghere hue kashtī ko hai tūfāñ bhī bhañvar bhī

hāsil hai mujhe ghar bhī yahāñ lutf-e-safar bhī

ghere hue kashti ko hai tufan bhi bhanwar bhi

hasil hai mujhe ghar bhi yahan lutf-e-safar bhi

naḳhl-band-e-gulshan-e-mazmūñ huuñ faiz-e-fikr se

har varaq dīvāñ kā mere baaġh hai kashmīr kā

naKHl-band-e-gulshan-e-mazmun hun faiz-e-fikr se

har waraq diwan ka mere bagh hai kashmir ka

firāq meñ haiñ ham andāz dil kā paa.e hue

ye vo charāġh hai jaltā hai be-jalā.e hue

firaq mein hain hum andaz dil ka pae hue

ye wo charagh hai jalta hai be-jalae hue

phir vo aa jaatā kisī din qabr par

ik nishān-e-be-nishānī aur hai

phir wo aa jata kisi din qabr par

ek nishan-e-be-nishani aur hai

sab kuchh ḳhudā ne mujh ko diyā 'arsh' be-talab

duḳhtar kī aarzū na tamannā pisar kī hai

sab kuchh KHuda ne mujh ko diya 'arsh' be-talab

duKHtar ki aarzu na tamanna pisar ki hai

ai 'arsh' aao ḳhaak meñ dillī ke so raheñ

miT kar bhī ḳhvāb-gāh ye ahl-e-hunar kī hai

ai 'arsh' aao KHak mein dilli ke so rahen

miT kar bhi KHwab-gah ye ahl-e-hunar ki hai

huā gul mirī zindagī kā charāġh

numāyāñ jo shām-e-musībat huī

hua gul meri zindagi ka charagh

numayan jo sham-e-musibat hui

qātil vo shāḳh hai tirī ye teġh-e-ābdār

jis ko na gul kā ġham hai na hājat samar kī hai

qatil wo shaKH hai teri ye tegh-e-abdar

jis ko na gul ka gham hai na hajat samar ki hai

gale aa ke mil lījiye iid hai

zamāna huā ek muddat huī

gale aa ke mil lijiye id hai

zamana hua ek muddat hui

aur haiñ jin ko hai ḳhabt-e-ishq-e-hūrān-e-jināñ

ham ko saudā-e-havā-e-gulshan-e-jannat nahīñ

aur hain jin ko hai KHabt-e-ishq-e-huran-e-jinan

hum ko sauda-e-hawa-e-gulshan-e-jannat nahin

liye phirtī hai ashkoñ kī ravānī

ravāñ huuñ kashti-e-āb-e-ravāñ par

liye phirti hai ashkon ki rawani

rawan hun kashti-e-ab-e-rawan par

maiñ vo gul huuñ na fursat dī ḳhizāñ ne jis ko hañsne kī

charāġh-e-qabr bhī jal kar na apnā gul-fishāñ hogā

main wo gul hun na fursat di KHizan ne jis ko hansne ki

charagh-e-qabr bhi jal kar na apna gul-fishan hoga

syāhī tīra-baḳhtī kī hamārī

shab-e-ġham ban ga.ī hai āsmāñ par

syahi tira-baKHti ki hamari

shab-e-gham ban gai hai aasman par

huā gul mirī zindagī kā charāġh

numāyāñ jo shām-e-musībat huī

hua gul meri zindagi ka charagh

numayan jo sham-e-musibat hui

kis tarh na pahlū meñ raqīboñ ko jagah de

āġhosh meñ har sañg ke hotā hai sharar bhī

kis tarh na pahlu mein raqibon ko jagah de

aaghosh mein har sang ke hota hai sharar bhi

yahī pahchān bahr-e-ġham meñ hogī merī kashtī kī

na us par nāḳhudā hogā na us meñ bādbāñ hogā

yahi pahchan bahr-e-gham mein hogi meri kashti ki

na us par naKHuda hoga na us mein baadban hoga

jaan chhūTe uljhanoñ se apnī ye qismat nahīñ

maut bhī aa.e to marne kī mujhe fursat nahīñ

jaan chhuTe uljhanon se apni ye qismat nahin

maut bhi aae to marne ki mujhe fursat nahin

ghere hue kashtī ko hai tūfāñ bhī bhañvar bhī

hāsil hai mujhe ghar bhī yahāñ lutf-e-safar bhī

ghere hue kashti ko hai tufan bhi bhanwar bhi

hasil hai mujhe ghar bhi yahan lutf-e-safar bhi

mai se chullū bhar de saaqī jaam kā kyā intizār

abr aayā jhuum kar mauqa nahīñ tāḳhīr kā

mai se chullu bhar de saqi jam ka kya intizar

abr aaya jhum kar mauqa nahin taKHir ka

aur haiñ jin ko hai ḳhabt-e-ishq-e-hūrān-e-jināñ

ham ko saudā-e-havā-e-gulshan-e-jannat nahīñ

aur haiñ jin ko hai ḳhabt-e-ishq-e-hūrān-e-jināñ

hum ko saudā-e-hawā-e-gulshan-e-jannat nahīñ

tū vo gul-e-ra.anā hai jo aa jaa.e chaman meñ

jhūmā kareñ ik vajd ke aalam meñ shajar bhī

tu wo gul-e-rana hai jo aa jae chaman mein

jhuma karen ek wajd ke aalam mein shajar bhi

gul-gīr kā ḳhatar to patañgoñ kī hai ḳhalish

aafat meñ jaan shaam se sham-e-sahar kī hai

gul-gir ka KHatar to patangon ki hai KHalish

aafat mein jaan sham se sham-e-sahar ki hai