jo miTā hai tere jamāl par vo har ek ġham se guzar gayā

huiiñ jis pe terī navāzisheñ vo bahār ban ke sañvar gayā

jo miTa hai tere jamal par wo har ek gham se guzar gaya

huin jis pe teri nawazishen wo bahaar ban ke sanwar gaya

hai vaj.h koī ḳhaas mirī aañkh jo nam hai

bas itnā samajhtā huuñ ki ye un kā karam hai

hai wajh koī ḳhas mirī aañkh jo nam hai

bas itnā samajhtā huñ ki ye un kā karam hai

kar ke siñghār aa.e vo aisī adā ke saath

ā.īna un ko dekh kar hairān ho gayā

kar ke siñghār aae wo aisī adā ke sath

āīna un ko dekh kar hairān ho gayā

mujh ko ḳhudā se āshnā koī bhalā karegā kyā

maiñ to sanam-parast huuñ merā koī ḳhudā nahīñ

mujh ko ḳhudā se āshnā koī bhalā karegā kyā

maiñ to sanam-parast huñ merā koī ḳhudā nahīñ

dekhā jo us sanam ko to mahsūs ye huā

jalva ḳhudā kā sūrat-e-insān ho gayā

dekhā jo us sanam ko to mahsūs ye huā

jalwa ḳhudā kā sūrat-e-insān ho gayā

maiñ huuñ ek āshiq-e-be-navā tū navāz apne payām se

ye tirī razā pe tirī ḳhushī tū pukār le kisī naam se

maiñ huñ ek āshiq-e-be-nawā tū nawāz apne payām se

ye tirī razā pe tirī ḳhushī tū pukār le kisī nam se

jalva jo tire ruḳh kā ehsās meñ Dhal jaa.e

is ālam-e-hastī kā aalam hī badal jaa.e

jalwa jo tere ruḳh kā ehsās meñ Dhal jae

is ālam-e-hastī kā aalam hī badal jae

be-hijābāna vo sāmne aa ga.e aur javānī javānī se Takrā ga.ī

aañkh un kī laḌī yuuñ mirī aañkh se dekh kar ye laḌā.ī mazā aa gayā

be-hijabana wo samne aa gae aur jawani jawani se Takra gai

aankh un ki laDi yun meri aankh se dekh kar ye laDai maza aa gaya

kar apnī nazar se mire īmān kā saudā

ai dost tujhe merī mohabbat kī qasam hai

kar apnī nazar se mere īmān kā saudā

ai dost tujhe merī mohabbat kī qasam hai

kis tarah chhoḌ duuñ ai yaar maiñ chāhat terī

mere īmān kā hāsil hai mohabbat terī

kis tarah chhoḌ duñ ai yar maiñ chāhat terī

mere īmān kā hāsil hai mohabbat terī

apnā banā ke ai sanam tum ne jo aañkh pher lī

aisā bujhā charāġh-e-dil phir ye kabhī jalā nahīñ

apnā banā ke ai sanam tum ne jo aañkh pher lī

aisā bujhā charāġh-e-dil phir ye kabhī jalā nahīñ

be-ḳhudī meñ bhī tirā naam liye jaate haiñ

rog ye kaisā lagā hai tire mastāne ko

be-ḳhudī meñ bhī tirā nam liye jate haiñ

rog ye kaisā lagā hai tere mastāne ko

tere dar se na uThā huuñ na uThūñgā ai dost

zindagī tere binā ḳhvāb hai afsāna hai

tere dar se na uThā huñ na uThūñgā ai dost

zindagī tere binā ḳhwāb hai afsāna hai

dekhā jo us sanam ko to mahsūs ye huā

jalva ḳhudā kā sūrat-e-insān ho gayā

dekhā jo us sanam ko to mahsūs ye huā

jalwa ḳhudā kā sūrat-e-insān ho gayā

mujh ko tanhā dekhne vaale na samjheñ rāz-e-ishq

merī tanhā.ī ke lamhe yaar ke āġhosh haiñ

mujh ko tanhā dekhne wale na samjheñ rāz-e-ishq

merī tanhāī ke lamhe yar ke āġhosh haiñ

ishq meñ chāñd-sitāroñ kī haqīqat kyā ho

jalva-e-yār pe qurbān sahar hotī hai

ishq meñ chāñd-sitāroñ kī haqīqat kyā ho

jalwa-e-yār pe qurbān sahar hotī hai

junūñ zāhir huā ruḳh par ḳhudī par be-ḳhudī chhā.ī

ba-qaid-e-hosh maiñ jab bhī qarīb-e-āstāñ pahuñchā

junūñ zāhir huā ruḳh par ḳhudī par be-ḳhudī chhāī

ba-qaid-e-hosh maiñ jab bhī qarīb-e-āstāñ pahuñchā

sar jab se jhukāyā hai dar-e-yār pe maiñ ne

mehrāb-e-ḳhudī jalva-gah-e-sham-e-haram hai

sar jab se jhukāyā hai dar-e-yār pe maiñ ne

mehrāb-e-ḳhudī jalwa-gah-e-sham-e-haram hai

mire dāġh-e-dil vo charāġh haiñ nahīñ nisbateñ jinheñ shaam se

unheñ tū hī aa ke bujhā.egā ye jale haiñ tere hī naam se

mere dāġh-e-dil wo charāġh haiñ nahīñ nisbateñ jinheñ sham se

unheñ tū hī aa ke bujhāegā ye jale haiñ tere hī nam se

tū bichhaḌ gayā hai jab se mirī niiñd uḌ ga.ī hai

tirī raah tak rahā huuñ mire chāñd ab to aa jā

tū bichhaḌ gayā hai jab se mirī niñd uḌ gaī hai

tirī rah tak rahā huñ mere chāñd ab to aa jā

bā-hosh vahī haiñ dīvāne ulfat meñ jo aisā karte haiñ

har vaqt unhī ke jalvoñ se īmān kā saudā karte haiñ

bā-hosh wahī haiñ dīwāne ulfat meñ jo aisā karte haiñ

har waqt unhī ke jalwoñ se īmān kā saudā karte haiñ

phir dard-e-judā.ī kā jhagḌā na rahe koī

ham naam tirā le kar mar jaa.eñ to achchhā ho

phir dard-e-judāī kā jhagḌā na rahe koī

hum nam tirā le kar mar jaeñ to achchhā ho

tum ho sharīk-e-ġham to mujhe koī ġham nahīñ

duniyā bhī mire vāste jannat se kam nahīñ

tum ho sharīk-e-ġham to mujhe koī ġham nahīñ

duniyā bhī mere wāste jannat se kam nahīñ

kis ko sunā.ūñ hāl-e-ġham koī ġham-āshnā nahīñ

aisā milā hai dard-e-dil jis kī koī davā nahīñ

kis ko sunāūñ hāl-e-ġham koī ġham-āshnā nahīñ

aisā milā hai dard-e-dil jis kī koī dawā nahīñ

na dikhāte mujhe jalva magar itnā karte

aap kā ġham mirī taskīn kā sāmāñ hotā

na dikhāte mujhe jalwa magar itnā karte

aap kā ġham mirī taskīn kā sāmāñ hotā

har ghaḌī pesh-e-nazar ishq meñ kyā kyā na rahā

merā dil bas tirī tasvīr kā dīvāna rahā

har ghaḌī pesh-e-nazar ishq meñ kyā kyā na rahā

merā dil bas tirī taswīr kā dīwāna rahā

apnī qismat pe farishtoñ kī tarah naaz karūñ

mujh pe ho jaa.e agar chashm-e-ināyat terī

apnī qismat pe farishtoñ kī tarah naz karūñ

mujh pe ho jae agar chashm-e-ināyat terī

jazba-e-ishq meñ jannat kī tamannā kaisī

ye bulandī to mirī gard-e-safar hotī hai

jazba-e-ishq meñ jannat kī tamannā kaisī

ye bulandī to mirī gard-e-safar hotī hai

ai zabt-e-dil ye kaisī qayāmat guzar ga.ī

dīvāngī meñ chaak garebān ho gayā

ai zabt-e-dil ye kaisī qayāmat guzar gaī

dīwāngī meñ chaak garebān ho gayā

tirā ġham rahe salāmat yahī merī zindagī hai

tire ġham se mere jānāñ mire dil meñ raushnī hai

tirā ġham rahe salāmat yahī merī zindagī hai

tere ġham se mere jānāñ mere dil meñ raushnī hai

ki ḳhirad kī fitnagarī vahī luTe hosh chhā ga.ī be-ḳhudī

vo nigāh-e-mast jahāñ uThī mirā jām-e-zindagī bhar gayā

ki KHirad ki fitnagari wahi luTe hosh chha gai be-KHudi

wo nigah-e-mast jahan uThi mera jam-e-zindagi bhar gaya

ġham-e-jānāñ ko jān-e-jāñ banā le dekh dīvāne

ġham-e-jānāñ se baḌh kar aur koī ġham nahīñ hotā

ġham-e-jānāñ ko jān-e-jāñ banā le dekh dīwāne

ġham-e-jānāñ se baḌh kar aur koī ġham nahīñ hotā

maiñ huuñ ek āshiq-e-be-navā tū navāz apne payām se

ye tirī razā pe tirī ḳhushī tū pukār le kisī naam se

maiñ huñ ek āshiq-e-be-nawā tū nawāz apne payām se

ye tirī razā pe tirī ḳhushī tū pukār le kisī nam se

apne dāman meñ chhupā le mujhe mahbūb mire

mirī bigḌī huī qismat kā sitāra ho jā

apne dāman meñ chhupā le mujhe mahbūb mere

mirī bigḌī huī qismat kā sitāra ho jā

tirī talab terī aarzū meñ nahīñ mujhe hosh zindagī kā

jhukā huuñ yuuñ tere āstāñ par ki mujh ko ehsās-e-sar nahīñ hai

tirī talab terī aarzū meñ nahīñ mujhe hosh zindagī kā

jhukā huñ yuñ tere āstāñ par ki mujh ko ehsās-e-sar nahīñ hai

mire naam kī nishānī na rahe jahāñ meñ baaqī

mirī jaan lene vaale mirī qabr bhī miTā jā

mere nam kī nishānī na rahe jahāñ meñ baqī

mirī jaan lene wale mirī qabr bhī miTā jā

jamāl-e-yār pe yuuñ jaañ nisār kartā huuñ

fanā ke ba.ad 'fanā' ghar meñ raushnī hogī

jamāl-e-yār pe yuñ jañ nisār kartā huñ

fanā ke baad 'fanā' ghar meñ raushnī hogī

añdhere laakh chhā jaa.eñ ujālā kam nahīñ hotā

charāġh-e-ārzū jal kar kabhī maddham nahīñ hotā

añdhere lakh chhā jaeñ ujālā kam nahīñ hotā

charāġh-e-ārzū jal kar kabhī maddham nahīñ hotā

apnā banā ke ai sanam tum ne jo aañkh pher lī

aisā bujhā charāġh-e-dil phir ye kabhī jalā nahīñ

apnā banā ke ai sanam tum ne jo aañkh pher lī

aisā bujhā charāġh-e-dil phir ye kabhī jalā nahīñ

ġham-e-duniyā ġham-e-hastī ġham-e-ulfat ġham-e-dil

kitne unvān mile haiñ mire afsāne ko

ġham-e-duniyā ġham-e-hastī ġham-e-ulfat ġham-e-dil

kitne unwān mile haiñ mere afsāne ko

haañ vahī ishq-o-mohabbat kī jilā hotī hai

jo ibādat dar-e-jānāñ pe adā hotī hai

hañ wahī ishq-o-mohabbat kī jilā hotī hai

jo ibādat dar-e-jānāñ pe adā hotī hai

mirī iltijā hai tujh se mirī bandagī badal de

ki tire karam mirī jaañ mirī lau lagī huī hai

mirī iltijā hai tujh se mirī bandagī badal de

ki tere karam mirī jañ mirī lau lagī huī hai

nigāh-e-yār mirī samt phir uThī hogī

sambhal sakūñgā na maiñ aisī ye be-ḳhudī hogī

nigāh-e-yār mirī samt phir uThī hogī

sambhal sakūñgā na maiñ aisī ye be-ḳhudī hogī

badaltī hī nahīñ qismat mohabbat karne vāloñ kī

tasavvur yaar kā jab tak 'fanā' paiham nahīñ hotā

badaltī hī nahīñ qismat mohabbat karne wāloñ kī

tasawwur yar kā jab tak 'fanā' paiham nahīñ hotā

maut se aap kī ulfat ne bachā rakkhā hai

varna bīmār-e-ġham-e-hijr meñ kyā rakkhā hai

maut se aap kī ulfat ne bachā rakkhā hai

warna bīmār-e-ġham-e-hijr meñ kyā rakkhā hai

mirī lau lagī hai tujh se ġham-e-zindagī miTā de

tirā naam hai masīhā mire dard kī davā de

mirī lau lagī hai tujh se ġham-e-zindagī miTā de

tirā nam hai masīhā mere dard kī dawā de

us ko paanā hai to kashtī se kinārā kar le

Duub kar bahr-e-mohabbat kā kinārā ho jā

us ko panā hai to kashtī se kinārā kar le

Dub kar bahr-e-mohabbat kā kinārā ho jā

husn-e-butāñ kā ishq merī jaan ho gayā

ye kufr ab to hāsil-e-īmān ho gayā

husn-e-butāñ kā ishq merī jaan ho gayā

ye kufr ab to hāsil-e-īmān ho gayā

us kā īmān lūTte haiñ sanam

jis ko apnā shikār karte haiñ

us kā īmān lūTte haiñ sanam

jis ko apnā shikār karte haiñ

dīvānoñ pe kis darja tirā lutf-o-karam hai

baḳhshā hai jo ġham tū ne vahī hāsil-e-ġham hai

dīwānoñ pe kis darja tirā lutf-o-karam hai

baḳhshā hai jo ġham tū ne wahī hāsil-e-ġham hai