vo ki ik muddat talak jis ko bhalā kahtā rahā

aah ab kis muñh se zikr us kī burā.ī kā karūñ

wo ki ek muddat talak jis ko bhala kahta raha

aah ab kis munh se zikr us ki burai ka karun

hote hī sub.h aah gayā māh-e-chār-dah

sābit huā mujhe ki namak hai adū-e-shīr

hote hi subh aah gaya mah-e-chaar-dah

sabit hua mujhe ki namak hai adu-e-shir

ḳhuub sī tambīh karnā ai judā.ī tū mujhe

gar kisī se phir kabhī qasd āshnā.ī kā karūñ

ḳhub sī tambīh karnā ai judāī tū mujhe

gar kisī se phir kabhī qasd āshnāī kā karūñ

duā kah kar chalā banda salām aa kar karegā phir

ḳhat aave jab talak to bandagī se ḳhuub jaatā hai

dua kah kar chala banda salam aa kar karega phir

KHat aawe jab talak to bandagi se KHub jata hai

aap ko ham ne kho diyā hai 'bayāñ'

aah kis kā surāġh rakhte haiñ

aap ko hum ne kho diya hai 'bayan'

aah kis ka suragh rakhte hain

jā kahe kū-e-yār meñ koī

mar gayā intizār meñ koī

ja kahe ku-e-yar mein koi

mar gaya intizar mein koi

dil hamārā ki ghar ye terā thā

kyuuñ shikast is makān par aa.ī

dil hamara ki ghar ye tera tha

kyun shikast is makan par aai

aur bhī un ne 'bayāñ' zulm kuchh afzūd kiyā

kiyā us shoḳh se tiiñ ishq kā iz.hār abas

aur bhi un ne 'bayan' zulm kuchh afzud kiya

kiya us shoKH se tin ishq ka izhaar abas

hājat-e-sham.a kyā hai turbat par

ham ki dil sā charāġh rakhte haiñ

hajat-e-shama kya hai turbat par

hum ki dil sa charagh rakhte hain

ye aarzū hai ki vo nāma-bar se le kāġhaz

balā se phaaḌ ke phir haath meñ na le kāġhaz

ye aarzu hai ki wo nama-bar se le kaghaz

bala se phaD ke phir hath mein na le kaghaz

shab mirā shor-e-girya sun ke kahā

maiñ to is ġhul meñ so nahīñ saktā

shab mera shor-e-girya sun ke kaha

main to is ghul meñ so nahin sakta

dil bujhā jaa.e hai aġhyār kī shorish pe mirā

sard kartī hai tirī garmī-e-bāzār mujhe

dil bujha jae hai aghyar ki shorish pe mera

sard karti hai teri garmi-e-bazar mujhe

farhād kis ummīd pe laatā hai jū-e-shīr

vaañ ḳhuun kī havas hai nahīñ ārzū-e-shīr

farhad kis ummid pe lata hai ju-e-shir

wan KHun ki hawas hai nahin aarzu-e-shir

har husn-e-adā hai terī adā hai terī haqīqat kun se judā

āshiq hai tirī sūrat pe ḳhudā ai nūr-e-mohammad sallallāh

har husn-e-ada hai teri ada hai teri haqiqat kun se juda

aashiq hai teri surat pe KHuda ai nur-e-mohammad sallallah

ġhair ke aage dil kī baat 'bayāñ'

aah merī zabān par aa.ī

ghair ke aage dil ki baat 'bayan'

aah meri zaban par aai

tere dāġhoñ kī daulat ai gul-rū

ham bhī siine meñ baaġh rakhte haiñ

tere daghon ki daulat ai gul-ru

hum bhi sine mein bagh rakhte hain

us dudh ka ḳhuda kare kasa hamein nasib

jannat mein panj-tan ki jo bahti hai ju-e-shir

us dudh ka KHuda kare kasa hamein nasib

jannat mein panj-tan ki jo bahti hai ju-e-shir

farhād pe is qadar na thā zulm

majnūñ pe na ye ġhazab jafā thī

farhad pe is qadar na tha zulm

majnun pe na ye ghazab jafa thi

maarā hai 'bayāñ' ko jin ne ai shoḳh

kyā jāniye kaun sī adā thī

mara hai 'bayan' ko jin ne ai shoKH

kya jaaniye kaun si ada thi

maiñ tire Dar se ro nahīñ saktā

gard-e-ġham dil se dho nahīñ saktā

main tere Dar se ro nahin sakta

gard-e-gham dil se dho nahin sakta

kyā mirī aañkh adam biich lagī thī ai charḳh

kyā us ḳhvāb se tū ne mujhe bedār abas

kya meri aankh adam bich lagi thi ai charKH

kya us KHwab se tu ne mujhe bedar abas

vo kaun din hai ki ġhairoñ ko ḳhat nahīñ likhtā

qalam ke ban ko lage aag aur jale kāġhaz

wo kaun din hai ki ghairon ko KHat nahin likhta

qalam ke ban ko lage aag aur jale kaghaz

charāġh-e-gor na sham-e-mazār rakhte haiñ

bas ek ham ye dil-e-dāġhdār rakhte haiñ

charagh-e-gor na sham-e-mazar rakhte hain

bas ek hum ye dil-e-daghdar rakhte hain

juuñ misāl us kī numūdār huī tuuñ hī 'bayāñ'

tapish-e-dil ne kiyā ḳhvāb se bedār mujhe

jun misal us ki numudar hui tun hi 'bayan'

tapish-e-dil ne kiya KHwab se bedar mujhe

jo zamīñ par farāġh rakhte haiñ

āsmāñ par dimāġh rakhte haiñ

jo zamin par faragh rakhte hain

aasman par dimagh rakhte hain

kyā mirī aañkh adam biich lagī thī ai charḳh

kyā us ḳhvāb se tū ne mujhe bedār abas

kya meri aankh adam bich lagi thi ai charKH

kya us KHwab se tu ne mujhe bedar abas

na faqat yaar bin sharāb hai talḳh

aish-o-ārām-o-ḳhurd-o-ḳhvāb hai talḳh

na faqat yar bin sharab hai talKH

aish-o-aram-o-KHurd-o-KHwab hai talKH

Tuk shikāyat kī ab ijāzat ho

nahīñ ruktī zabān par aa.ī

Tuk shikayat ki ab ijazat ho

nahin rukti zaban par aai

qayāmat aa chukī dīdār-e-haq huā sab ko

ham ab talak bhī tirā intizār rakhte haiñ

qayamat aa chuki didar-e-haq hua sab ko

hum ab talak bhi tera intizar rakhte hain