pareshāñ kis liye haiñ chāñd se ruḳhsār par gesū

haTā liije ki dhundlī chāñdnī achchhī nahīñ lagtī

pareshan kis liye hain chand se ruKHsar par gesu

haTa lije ki dhundli chandni achchhi nahin lagti

rakhte haiñ dushmanī bhī jatāte haiñ pyaar bhī

haiñ kaise ġham-gusār mire ġham-gusār bhī

rakhte hain dushmani bhi jatate hain pyar bhi

hain kaise gham-gusar mere gham-gusar bhi

aarzū hasrat tamannā mudda.ā koī nahīñ

jab se tum ho mere dil meñ dūsrā koī nahīñ

aarzu hasrat tamanna muddaa koi nahin

jab se tum ho mere dil mein dusra koi nahin

kaam kuchh tere bhī hote terī marzī ke ḳhilāf

haañ magar mere ḳhudā terā ḳhudā koī nahīñ

kaam kuchh tere bhi hote teri marzi ke KHilaf

han magar mere KHuda tera KHuda koi nahin

misr kā chāñd bhī shaidā hai azal se un kā

husn kā husn bhī dīvāna nazar aatā hai

misr ka chand bhi shaida hai azal se un ka

husn ka husn bhi diwana nazar aata hai

vo aañkh mere liye nam hai kyā kiyā jaa.e

use bhī aaj mirā ġham hai kyā kiyā jaa.e

wo aankh mere liye nam hai kya kiya jae

use bhi aaj mera gham hai kya kiya jae

milne kī hai ḳhushī to bichhaḌne kā hai malāl

dil mutma.in bhī aap se hai be-qarār bhī

milne ki hai KHushi to bichhaDne ka hai malal

dil mutmain bhi aap se hai be-qarar bhi

sab se hue vo sīna-ba-sīna ham se milāyā ḳhālī haath

iid ke din jo sach pūchho to iid manā.ī logoñ ne

sab se hue wo sina-ba-sina hum se milaya KHali hath

id ke din jo sach puchho to id manai logon ne

dilrubā.ī kī adā yuuñ na kisī ne paa.ī

mere sarkār se pahle mire sarkār ke ba.ad

dilrubai ki ada yun na kisi ne pai

mere sarkar se pahle mere sarkar ke baad

vo mujh se milne ko aa.e haiñ merī maut ke bad

ḳhushī bhī mere liye ġham hai kiyā kiyā jaa.e

wo mujh se milne ko aae hain meri maut ke bad

KHushi bhi mere liye gham hai kiya kiya jae

ġham-e-jānāñ se dil mānūs jab se ho gayā mujh ko

hañsī achchhī nahīñ lagtī ḳhushī achchhī nahīñ lagtī

gham-e-jaanan se dil manus jab se ho gaya mujh ko

hansi achchhi nahin lagti KHushi achchhi nahin lagti

aa kar vo merī laash pe ye kah ke ro diye

tum se huā na aaj mirā intizār bhī

aa kar wo meri lash pe ye kah ke ro diye

tum se hua na aaj mera intizar bhi

jab vo aate nahīñ shab-e-va.ada

maut kā intizār hotā hai

jab wo aate nahin shab-e-wada

maut ka intizar hota hai

der se aane pe mere terī dilkash barhamī

vo ḳhafā honā tirā vo rūThnā achchhā lagā

der se aane pe mere teri dilkash barhami

wo KHafa hona tera wo ruThna achchha laga

aap ma.ashūq kyā ho ga.e

āshiqoñ ke ḳhudā ho ga.e

aap mashuq kya ho gae

aashiqon ke KHuda ho gae

vo aañkh mere liye nam hai kyā kiyā jaa.e

use bhī aaj mirā ġham hai kyā kiyā jaa.e

wo aankh mere liye nam hai kya kiya jae

use bhi aaj mera gham hai kya kiya jae

ijāzat ho to ham is sham.a-e-mahfil ko bujhā Dāleñ

tumhāre sāmne ye raushnī achchhī nahīñ lagtī

ijazat ho to hum is shama-e-mahfil ko bujha Dalen

tumhaare samne ye raushni achchhi nahin lagti

'purnam' ġham-e-ulfat meñ tum aañsū na bahāo

is aag ko paanī se bujhāyā nahīñ jaatā

'purnam' gham-e-ulfat mein tum aansu na bahao

is aag ko pani se bujhaya nahin jata

koī duniyā meñ nahīñ aayā hamesha ke liye

bas ḳhudā kā naam hī nām-e-ḳhudā rah jā.egā

koi duniya mein nahin aaya hamesha ke liye

bas KHuda ka nam hi nam-e-KHuda rah jaega

us ne mayyat pe aa kar kahā

tum to sach-much ḳhafā ho ga.e

us ne mayyat pe aa kar kaha

tum to sach-much KHafa ho gae

aur kuchh ġham nahīñ ġham ye hai

aap mil kar judā ho ga.e

aur kuchh gham nahin gham ye hai

aap mil kar juda ho gae

kashish charāġh kī ye baat kar ga.ī raushan

patiñge ḳhud nahīñ aate bulā.e jaate haiñ

kashish charagh ki ye baat kar gai raushan

patinge KHud nahin aate bulae jate hain

ishq-e-but ka.aba-e-dil meñ hai ḳhudāyā jab se

terā ghar bhī mujhe but-ḳhāna nazar aatā hai

ishq-e-but kaba-e-dil mein hai KHudaya jab se

tera ghar bhi mujhe but-KHana nazar aata hai

jab vo hote haiñ sehn-e-gulshan meñ

mausam-e-nau-bahār hotā hai

jab wo hote hain sehn-e-gulshan mein

mausam-e-nau-bahaar hota hai

tū chāhe na kar dil se ulfat tū chāhe na rakh mujh se nisbat

maiñ terī nazar meñ ġhair magar tū aur nahīñ maiñ aur nahīñ

tu chahe na kar dil se ulfat tu chahe na rakh mujh se nisbat

main teri nazar mein ghair magar tu aur nahin main aur nahin

tum ko achchhā musalmāñ kiyā

aur kāfir-adā ho ga.e

tum ko achchha musalman kiya

aur kafir-ada ho gae

ġham-e-jānāñ se dil mānūs jab se ho gayā mujh ko

hañsī achchhī nahīñ lagtī ḳhushī achchhī nahīñ lagtī

gham-e-jaanan se dil manus jab se ho gaya mujh ko

hansi achchhi nahin lagti KHushi achchhi nahin lagti

qāsid kī ummīd hai yaaro qāsid to aa jā.egā

lekin ham us vaqt na hoñge jab un kā ḳhat aa.egā

qasid ki ummid hai yaro qasid to aa jaega

lekin hum us waqt na honge jab un ka KHat aaega

ek din aisā bhī hogā intizār-e-yār meñ

niiñd aa jā.egī darvāza khulā rah jā.egā

ek din aisa bhi hoga intizar-e-yar mein

nind aa jaegi darwaza khula rah jaega

na pūchh hāl-e-shab-e-ġham na pūchh ai 'purnam'

bahā.e jaate haiñ aañsū bahā.e jaate haiñ

na puchh haal-e-shab-e-gham na puchh ai 'purnam'

bahae jate hain aansu bahae jate hain

afsurdagī bhī ruḳh pe hai un ke nikhār bhī

hai aaj gulsitāñ meñ ḳhizāñ bhī bahār bhī

afsurdagi bhi ruKH pe hai un ke nikhaar bhi

hai aaj gulsitan mein KHizan bhi bahaar bhi

dard-o-ġham aur udāsī ke sivā kaun aatā

jin ko bhejā thā mire ghar meñ ḳhudā ne aa.e

dard-o-gham aur udasi ke siwa kaun aata

jin ko bheja tha mere ghar mein KHuda ne aae

gulshan pe udāsī kī fazā dekh rahā huuñ

vo dard ke mausam ko badalne nahīñ dete

gulshan pe udasi ki faza dekh raha hun

wo dard ke mausam ko badalne nahin dete

tum na jaao zīnat-e-gulshan tumhāre dam se hai

tum chale jāoge to gulshan meñ kyā rah jā.egā

tum na jao zinat-e-gulshan tumhaare dam se hai

tum chale jaoge to gulshan mein kya rah jaega

yās-o-hasrat kā tire ba.ad ā.īna rah jā.egā

jo bhī dekhegā mirā muñh dekhtā rah jā.egā

yas-o-hasrat ka tere baad aaina rah jaega

jo bhi dekhega mera munh dekhta rah jaega

der se aane pe mere terī dilkash barhamī

vo ḳhafā honā tirā vo rūThnā achchhā lagā

der se aane pe mere teri dilkash barhami

wo KHafa hona tera wo ruThna achchha laga

qāsid kī ummīd hai yaaro qāsid to aa jā.egā

lekin ham us vaqt na hoñge jab un kā ḳhat aa.egā

qasid ki ummid hai yaro qasid to aa jaega

lekin hum us waqt na honge jab un ka KHat aaega

qāsid kī ummīd hai yaaro qāsid to aa jā.egā

lekin ham us vaqt na hoñge jab un kā ḳhat aa.egā

qasid ki ummid hai yaro qasid to aa jaega

lekin hum us waqt na honge jab un ka KHat aaega

baḌh ke tūfāñ meñ sahārā mauj-e-tūfāñ kyuuñ na de

merī kashtī kā ḳhudā hai nā-ḳhudā koī nahīñ

baDh ke tufan mein sahaara mauj-e-tufan kyun na de

meri kashti ka KHuda hai na-KHuda koi nahin

ḳhizāñ kā ḳhauf thā jin ko chaman meñ

unhīñ phūloñ ke chehre zard nikle

KHizan ka KHauf tha jin ko chaman mein

unhin phulon ke chehre zard nikle

is darja pashemāñ mirā qātil hai ki us se

mahshar meñ mire sāmne aayā nahīñ jaatā

is darja pasheman mera qatil hai ki us se

mahshar mein mere samne aaya nahin jata

ġham-e-jānāñ se dil mānūs jab se ho gayā mujh ko

hañsī achchhī nahīñ lagtī ḳhushī achchhī nahīñ lagtī

gham-e-jaanan se dil manus jab se ho gaya mujh ko

hansi achchhi nahin lagti KHushi achchhi nahin lagti

gulshan pe udāsī kī fazā dekh rahā huuñ

vo dard ke mausam ko badalne nahīñ dete

gulshan pe udasi ki faza dekh raha hun

wo dard ke mausam ko badalne nahin dete

'purnam' us be-vafā ke liye

mere aañsū duā ho ga.e

'purnam' us be-wafa ke liye

mere aansu dua ho gae

ā.īna dikhāyā to kahā ā.īna-ruḳh ne

ā.īne ko ā.īna dikhāyā nahīñ jaatā

aaina dikhaya to kaha aaina-ruKH ne

aaine ko aaina dikhaya nahin jata

ḳhizāñ kā ḳhauf thā jin ko chaman meñ

unhīñ phūloñ ke chehre zard nikle

KHizan ka KHauf tha jin ko chaman mein

unhin phulon ke chehre zard nikle

kiyā barbād armānoñ ne dil ko

mire dushman to ghar ke fard nikle

kiya barbaad armanon ne dil ko

mere dushman to ghar ke fard nikle

dard-o-ġham aur udāsī ke sivā kaun aatā

jin ko bhejā thā mire ghar meñ ḳhudā ne aa.e

dard-o-gham aur udasi ke siwa kaun aata

jin ko bheja tha mere ghar mein KHuda ne aae

ġham-e-jānāñ se dil mānūs jab se ho gayā mujh ko

hañsī achchhī nahīñ lagtī ḳhushī achchhī nahīñ lagtī

gham-e-jaanan se dil manus jab se ho gaya mujh ko

hansi achchhi nahin lagti KHushi achchhi nahin lagti

na thī ummīd hamdardī kī jin se

vahī taqdīr se hamdard nikle

na thi ummid hamdardi ki jin se

wahi taqdir se hamdard nikle