kuchh is adā se aaj vo pahlū-nashīñ rahe

jab tak hamāre paas rahe ham nahīñ rahe

kuchh is ada se aaj wo pahlu-nashin rahe

jab tak hamare pas rahe hum nahin rahe

maiñ apnī aah ke sadqe ki merī aah meñ bhī

tirī nigāh ke andāz paa.e jaate haiñ

main apni aah ke sadqe ki meri aah mein bhi

teri nigah ke andaz pae jate hain

maiñ vo saaf hī na kah duuñ jo hai farq mujh meñ tujh meñ

tirā dard dard-e-tanhā mirā ġham ġham-e-zamāna

main wo saf hi na kah dun jo hai farq mujh mein tujh mein

tera dard dard-e-tanha mera gham gham-e-zamana

allāh agar taufīq na de insān ke bas kā kaam nahīñ

faizān-e-mohabbat aam sahī irfān-e-mohabbat aam nahīñ

allah agar taufiq na de insan ke bas ka kaam nahin

faizan-e-mohabbat aam sahi irfan-e-mohabbat aam nahin

shab-e-vasl kyā muḳhtasar ho ga.ī

zarā aañkh jhapkī sahar ho ga.ī

shab-e-wasl kya muKHtasar ho gai

zara aankh jhapki sahar ho gai

qātil rahbar qātil rahzan

dil sā dost na dil sā dushman

qatil rahbar qatil rahzan

dil sa dost na dil sa dushman

dil gayā raunaq-e-hayāt ga.ī

ġham gayā saarī kā.enāt ga.ī

dil gaya raunaq-e-hayat gai

gham gaya sari kaenat gai

ḳhayāl-e-yār salāmat tujhe ḳhudā rakkhe

tire baġhair kabhī ghar meñ raushnī na huī

KHayal-e-yar salamat tujhe KHuda rakkhe

tere baghair kabhi ghar mein raushni na hui

ab to ye bhī nahīñ rahā ehsās

dard hotā hai yā nahīñ hotā

ab to ye bhi nahin raha ehsas

dard hota hai ya nahin hota

merī zabāñ pe shikva-e-ahl-e-sitam nahīñ

mujh ko jagā diyā yahī ehsān kam nahīñ

meri zaban pe shikwa-e-ahl-e-sitam nahin

mujh ko jaga diya yahi ehsan kam nahin

ḳhudā-yā ḳhair karnā nabz bīmār-e-mohabbat kī

ka.ī din se bahut barham mizāj-e-nā-tavānī hai

KHuda-ya KHair karna nabz bimar-e-mohabbat ki

kai din se bahut barham mizaj-e-na-tawani hai

jab nigāheñ uTh ga.iiñ allāh-rī merāj-shauq

dekhtā kyā huuñ vo jān-e-intizār aa hī gayā

jab nigahen uTh gain allah-ri meraj-shauq

dekhta kya hun wo jaan-e-intizar aa hi gaya

aañsū to bahut se haiñ āñkhoñ meñ 'jigar' lekin

bañdh jaa.e so motī hai rah jaa.e so daanā hai

aansu to bahut se hain aankhon mein 'jigar' lekin

bandh jae so moti hai rah jae so dana hai

dīvāngī ho aql ho ummīd ho ki yaas

apnā vahī hai vaqt pe jo kaam aa gayā

diwangi ho aql ho ummid ho ki yas

apna wahi hai waqt pe jo kaam aa gaya

ishq ko be-naqāb honā thā

aap apnā javāb honā thā

ishq ko be-naqab hona tha

aap apna jawab hona tha

tirī ḳhushī se agar ġham meñ bhī ḳhushī na huī

vo zindagī to mohabbat kī zindagī na huī

teri KHushi se agar gham mein bhi KHushi na hui

wo zindagi to mohabbat ki zindagi na hui

aanā hai jo bazm-e-jānāñ meñ pindār-e-ḳhudī ko toḌ ke aa

ai hosh-o-ḳhirad ke dīvāne yaañ hosh-o-ḳhirad kā kaam nahīñ

aana hai jo bazm-e-jaanan mein pindar-e-KHudi ko toD ke aa

ai hosh-o-KHirad ke diwane yan hosh-o-KHirad ka kaam nahin

jis pe terī nazar nahīñ hotī

us kī jānib ḳhudā nahīñ hotā

jis pe teri nazar nahin hoti

us ki jaanib KHuda nahin hota

ishq kī barbādiyoñ ko rā.egāñ samjhā thā maiñ

bastiyāñ niklīñ jinheñ vīrāniyāñ samjhā thā maiñ

ishq ki barbaadiyon ko raegan samjha tha main

bastiyan niklin jinhen viraniyan samjha tha main

kisī kī mast-nigāhī ne haath thaam liyā

sharīk-e-hāl jahāñ merī be-ḳhudī na huī

kisi ki mast-nigahi ne hath tham liya

sharik-e-haal jahan meri be-KHudi na hui

hameñ bhī na ab chain aa.egā jab tak

in āñkhoñ meñ aañsū na bhar lā.iyegā

hamein bhi na ab chain aaega jab tak

in aankhon mein aansu na bhar laiyega

ishq ne toḌī sar pe qayāmat zor-e-qayāmat kyā kahiye

sunñe vaalā koī nahīñ rūdād-e-mohabbat kyā kahiye

ishq ne toDi sar pe qayamat zor-e-qayamat kya kahiye

sunne wala koi nahin rudad-e-mohabbat kya kahiye

inheñ aañsū samajh kar yuuñ na miTTī meñ milā zālim

payām-e-dard-o-dil hai aur āñkhoñ kī zabānī hai

inhen aansu samajh kar yun na miTTi mein mila zalim

payam-e-dard-o-dil hai aur aankhon ki zabani hai

dil ki jis par haiñ naqsh-e-rañgā-rañg

us ko saada kitāb honā thā

dil ki jis par hain naqsh-e-ranga-rang

us ko sada kitab hona tha

kiye mujh pe ehsāñ ġham-e-yār ne

hamesha ko nīchī nazar ho ga.ī

kiye mujh pe ehsan gham-e-yar ne

hamesha ko nichi nazar ho gai

har shai ko merī ḳhātir-e-nāshād ke liye

ā.īna-e-jamāl banā kar chale ga.e

har shai ko meri KHatir-e-nashad ke liye

aaina-e-jamal bana kar chale gae

māsūmi-e-jamāl ko bhī jin pe rashk hai

aise bhī kuchh gunāh kiye jā rahā huuñ maiñ

masumi-e-jamal ko bhi jin pe rashk hai

aise bhi kuchh gunah kiye ja raha hun main

har qadam ke saath manzil lekin is kā kyā ilaaj

ishq hī kam-baḳht manzil-āshnā hotā nahīñ

har qadam ke sath manzil lekin is ka kya ilaj

ishq hi kam-baKHt manzil-ashna hota nahin

ḳhuddārī-o-mahrūmī mahrūmī-o-ḳhuddārī

ab dil ko ḳhudā rakhe ab dil kā zamānā hai

KHuddari-o-mahrumi mahrumi-o-KHuddari

ab dil ko KHuda rakhe ab dil ka zamana hai

mirī samt se use ai sabā ye payām-e-āḳhir-e-ġham sunā

abhī dekhnā ho to dekh jā ki ḳhizāñ hai apnī bahār par

meri samt se use ai saba ye payam-e-aKHir-e-gham suna

abhi dekhna ho to dekh ja ki KHizan hai apni bahaar par

mujh se adā huā hai 'jigar' justujū kā haq

har zarre ko gavāh kiye jā rahā huuñ maiñ

mujh se ada hua hai 'jigar' justuju ka haq

har zarre ko gawah kiye ja raha hun main

kyā jāniye kyā ho gayā arbāb-e-junūñ ko

marne kī adā yaad na jiine kī adā yaad

kya jaaniye kya ho gaya arbab-e-junun ko

marne ki ada yaad na jine ki ada yaad

soz-e-ġham dekh na barbād ho hāsil merā

dil kī tasvīr hai har ā.īna-e-dil merā

soz-e-gham dekh na barbaad ho hasil mera

dil ki taswir hai har aaina-e-dil mera

idhar se bhī hai sivā kuchh udhar kī majbūrī

ki ham ne aah to kī un se aah bhī na huī

idhar se bhi hai siwa kuchh udhar ki majburi

ki hum ne aah to ki un se aah bhi na hui

jab nigāheñ uTh ga.iiñ allāh-rī merāj-shauq

dekhtā kyā huuñ vo jān-e-intizār aa hī gayā

jab nigahen uTh gain allah-ri meraj-shauq

dekhta kya hun wo jaan-e-intizar aa hi gaya

dāstān-e-ġham-e-dil un ko sunā.ī na ga.ī

baat bigḌī thī kuchh aisī ki banā.ī na ga.ī

dastan-e-gham-e-dil un ko sunai na gai

baat bigDi thi kuchh aisi ki banai na gai

vāh-re shauq-e-shahādat kū-e-qātil kī taraf

gungunātā raqs kartā jhūmtā jaatā huuñ maiñ

wah-re shauq-e-shahadat ku-e-qatil ki taraf

gungunata raqs karta jhumta jata hun main

haañ ye sarshāriyāñ javānī kī

aañkh jhapkī hī thī ki raat ga.ī

han ye sarshaariyan jawani ki

aankh jhapki hi thi ki raat gai

be-fā.eda alam nahīñ be-kār ġham nahīñ

taufīq de ḳhudā to ye nemat bhī kam nahīñ

be-faeda alam nahin be-kar gham nahin

taufiq de KHuda to ye nemat bhi kam nahin

karishmā-sāzi-e-husn-e-azal are tauba

mirā hī ā.īna mujh ko dikhā ke luuT liyā

karishma-sazi-e-husn-e-azal are tauba

mera hi aaina mujh ko dikha ke luT liya

kyuuñ mast-e-sharāb-e-aish-o-tarab taklīf-e-tavajjoh farmā.eñ

āvāz-e-shikast-e-dil hī to hai āvāz-e-shikast-e-jām nahīñ

kyun mast-e-sharab-e-aish-o-tarab taklif-e-tawajjoh farmaen

aawaz-e-shikast-e-dil hi to hai aawaz-e-shikast-e-jam nahin

aage qadam baḌhā.eñ jinheñ sūjhtā nahīñ

raushan charāġh-e-rāh kiye jā rahā huuñ maiñ

aage qadam baDhaen jinhen sujhta nahin

raushan charagh-e-rah kiye ja raha hun main

na hogā hamārā hī āġhosh ḳhālī

kuchh apnā bhī pahlū tahī pā.iyegā

na hoga hamara hi aaghosh KHali

kuchh apna bhi pahlu tahi paiyega

vo az-ḳhud hī nādim hue jā rahe haiñ

ḳhudā jaane kyā kyā ḳhayāl aa rahe haiñ

wo az-KHud hi nadim hue ja rahe hain

KHuda jaane kya kya KHayal aa rahe hain

hukūmat ke mazālim jab se in āñkhoñ ne dekhe haiñ

jigar ham bamba.ī ko kūcha-e-qātil samajhte haiñ

hukumat ke mazalim jab se in aankhon ne dekhe hain

jigar hum bambai ko kucha-e-qatil samajhte hain

paiham jo aah aah kiye jā rahā huuñ maiñ

daulat hai ġham zakāt diye jā rahā huuñ maiñ

paiham jo aah aah kiye ja raha hun main

daulat hai gham zakat diye ja raha hun main

gulshan-parast huuñ mujhe gul hī nahīñ aziiz

kāñToñ se bhī nibāh kiye jā rahā huuñ maiñ

gulshan-parast hun mujhe gul hi nahin aziz

kanTon se bhi nibah kiye ja raha hun main

kabhī shāḳh-o-sabza-o-barg par kabhī ġhuncha-o-gul-o-ḳhār par

maiñ chaman meñ chāhe jahāñ rahūñ mirā haq hai fasl-e-bahār par

kabhi shaKH-o-sabza-o-barg par kabhi ghuncha-o-gul-o-KHar par

main chaman mein chahe jahan rahun mera haq hai fasl-e-bahaar par

ḳhayāl-e-yār salāmat tujhe ḳhudā rakkhe

tire baġhair kabhī ghar meñ raushnī na huī

KHayal-e-yar salamat tujhe KHuda rakkhe

tere baghair kabhi ghar mein raushni na hui

ishq-e-lā-mahdūd jab tak rahnumā hotā nahīñ

zindagī se zindagī kā haq adā hotā nahīñ

ishq-e-la-mahdud jab tak rahnuma hota nahin

zindagi se zindagi ka haq ada hota nahin