aarzū ye hai tumhārā āñchal āñkhoñ se lage

kuchh samajhte ho ki ham rote hue aate haiñ kyuuñ

aarzu ye hai tumhaara aanchal aankhon se lage

kuchh samajhte ho ki hum rote hue aate hain kyun

ḳhudā se tirā chāhnā chāhtā huuñ

merā chāhnā dekh kyā chāhtā huuñ

KHuda se tera chahna chahta hun

mera chahna dekh kya chahta hun

dard-e-dil kitnā pasand aayā use

maiñ ne jab kī aah us ne vaah kī

dard-e-dil kitna pasand aaya use

main ne jab ki aah us ne wah ki

mil chuke ab milne vaale ḳhaak ke

qabr par jā jā ke royā kījiye

mil chuke ab milne wale KHak ke

qabr par ja ja ke roya kijiye

kahāñ mumkin hai kis se intizār-e-yār ho mujh sā

rahegī phir bhī yūñhī misl-e-nargis aañkh vā kis kī

kahan mumkin hai kis se intizar-e-yar ho mujh sa

rahegi phir bhi yunhi misl-e-nargis aankh wa kis ki

chhurī bhī tez zālim ne na kar lī

baḌā be-rahm hai qātil hamārā

chhuri bhi tez zalim ne na kar li

baDa be-rahm hai qatil hamara

un se ummīd-e-vasl ai tauba

vo to sūrat dikhā nahīñ sakte

un se ummid-e-wasl ai tauba

wo to surat dikha nahin sakte

us ke kūche meñ kahāñ kashmakash-e-bīm-o-rajā

ḳhauf-e-dozaḳh bhī nahīñ ḳhvāhish-e-jannat bhī nahīñ

us ke kuche mein kahan kashmakash-e-bim-o-raja

KHauf-e-dozaKH bhi nahin KHwahish-e-jannat bhi nahin

pāk-bāzī apnī paiġhām-e-talab thī ishq meñ

dho ke dāġh-e-tohmat-e-hastī safar darkār thā

pak-bazi apnī paigham-e-talab thi ishq mein

dho ke dagh-e-tohmat-e-hasti safar darkar tha

vo bikhrāne lage zulfoñ ko chehre par to maiñ samjhā

ghaTā meñ chāñd yā mahmil meñ lailā muñh chhupātī hai

wo bikhrane lage zulfon ko chehre par to main samjha

ghaTa mein chand ya mahmil mein laila munh chhupati hai

itnā to jānte haiñ ki āshiq fanā huā

aur us se aage baḌh ke ḳhudā jaane kyā huā

itna to jaante hain ki aashiq fana hua

aur us se aage baDh ke KHuda jaane kya hua

had na pūchho hamārī vahshat kī

dil meñ har daaġh chashm-e-āhū hai

had na puchho hamari wahshat ki

dil mein har dagh chashm-e-ahu hai

gul-rūyoñ ke ḳhayāl ne gulshan banā diyā

siina kabhī madīna kabhī karbalā huā

gul-ruyon ke KHayal ne gulshan bana diya

sina kabhi madina kabhi karbala hua

un ko dāvā-e-yūsufī 'āsī'

ḳhvāb meñ bhī jo aa nahīñ sakte

un ko dawa-e-yusufi 'asi'

KHwab mein bhi jo aa nahin sakte

saare aalam meñ terī ḳhushbū hai

ai mere rashk-e-gul kahāñ tū hai

sare aalam mein teri KHushbu hai

ai mere rashk-e-gul kahan tu hai

na tum ne qadr kuchh āshiq kī jaanī

bahut ro.o.ge ab tum yaad kar ke

na tum ne qadr kuchh aashiq ki jaani

bahut rooge ab tum yaad kar ke

shab-e-visāl bayān-e-ġham-e-firāq abas

fuzūl hai gila-e-zaḳhm iltiyām ke ba.ad

shab-e-visal bayan-e-gham-e-firaq abas

fuzul hai gila-e-zaKHm iltiyam ke baad

pahchāntā vo ab nahīñ dushman ko dost se

kis qaid se asīr-e-mohabbat rihā huā

pahchanta wo ab nahin dushman ko dost se

kis qaid se asir-e-mohabbat riha hua

jhuuT kyuuñ kahtā hai ai qāsid ki vah aate nahīñ

vah agar aate nahīñ ham aap meñ aate haiñ kyuuñ

jhuT kyun kahta hai ai qasid ki wah aate nahin

wah agar aate nahin hum aap mein aate hain kyun

ġhair-e-zāhir na mazāhir kī haqīqat samjhūñ

itnī tam.īz miyān-e-haq-o-bātil denā

ghair-e-zahir na mazahir ki haqiqat samjhun

itni tamiz miyan-e-haq-o-baatil dena

kabhī 'āsī' se ham-āġhosh na dekhā tujh ko

asar-e-jazba-e-dil-e-ahl-e-mohabbat bhī nahīñ

kabhi 'asi' se ham-aghosh na dekha tujh ko

asar-e-jazba-e-dil-e-ahl-e-mohabbat bhi nahin

'āsī'-e-giryāñ milā mahbūb se

gul se shabnam jis tarah ro kar mile

'asi'-e-giryan mila mahbub se

gul se shabnam jis tarah ro kar mile

ḳhudā-hāfiz hai us gul kī kamar kā

ġhazab jhoñke chale bād-e-sahar ke

KHuda-hafiz hai us gul ki kamar ka

ghazab jhonke chale baad-e-sahar ke

kal kī bātoñ meñ to kuchh narmī sī hai

aaj phir qāsid ravānā kījiye

kal ki baaton mein to kuchh narmi si hai

aaj phir qasid rawana kijiye

ilāhī bañdh rahī hai aaj gulshan meñ havā kis kī

liye phirtī hai ḳhushbū dam-ba-dam bād-e-sabā kis kī

ilahi bandh rahi hai aaj gulshan mein hawa kis ki

liye phirti hai KHushbu dam-ba-dam baad-e-saba kis ki

tamavvuj bahr-e-ġham kā dekhte ho

habāb-e-dil hai dariyā-dil hamārā

tamawwuj bahr-e-gham ka dekhte ho

habab-e-dil hai dariya-dil hamara

un kī hasrat ke sivā hai kaun is meñ dūsrā

dil kī ḳhalvat meñ bhī vo āshiq se sharmāte haiñ kyuuñ

un ki hasrat ke siwa hai kaun is mein dusra

dil ki KHalwat mein bhi wo aashiq se sharmate hain kyun

dāġh-e-sozāñ chhoḌ kar āshiq ne lī rāh-e-adam

pisaro tum ko charāġh-e-rahguzar darkār thā

dagh-e-sozan chhoD kar aashiq ne li rah-e-adam

pisaro tum ko charagh-e-rahguzar darkar tha

pul bhī hai faḳhr-e-jaunpur 'āsī'

ḳhvāb-gāh-e-janāb-e-sheḳhū hai

pul bhi hai faKHr-e-jaunpur 'asi'

KHwab-gah-e-janab-e-sheKHu hai

gul-rūyoñ ke ḳhayāl ne gulshan banā diyā

siina kabhī madīna kabhī karbalā huā

gul-ruyon ke KHayal ne gulshan bana diya

sina kabhi madina kabhi karbala hua

gulū-gīr hai un bhavoñ kā tasavvur

garebān meñ apne kanThā nahīñ hai

gulu-gir hai un bhawon ka tasawwur

gareban mein apne kanTha nahin hai

ilāhī 'āsī'-e-betāb kis se chhūTā hai

ki ḳhat meñ roz-e-qayāmat likhā hai naam ke ba.ad

ilahi 'asi'-e-betab kis se chhuTa hai

ki KHat mein roz-e-qayamat likha hai nam ke baad

us ke kūche meñ kahāñ kashmakash-e-bīm-o-rajā

ḳhauf-e-dozaḳh bhī nahīñ ḳhvāhish-e-jannat bhī nahīñ

us ke kuche mein kahan kashmakash-e-bim-o-raja

KHauf-e-dozaKH bhi nahin KHwahish-e-jannat bhi nahin

talab-e-rāh-e-ḳhudā meñ lekin

pairvī haidar-e-karrār kī hai

talab-e-rah-e-KHuda mein lekin

pairwi haidar-e-karrar ki hai

tamām hoñ abhī jhagḌe ye lan-tarānī ke

dikhā do jalva ḳhudā-rā agar kalām ke ba.ad

tamam hon abhi jhagDe ye lan-tarani ke

dikha do jalwa KHuda-ra agar kalam ke baad

hūr-e-jannat un se kuchh baḌh kar sahī

ek dil kyā kyā tamannā kījiye

hūr-e-jannat un se kuchh baḌh kar sahī

ek dil kyā kyā tamannā kījiye

qad-e-ḳham hai garebāñ-gīr kanThā ban ke qātil kā

magar be-tābī-e-zauq-e-shahādat ho to aisī ho

qad-e-KHam hai gareban-gir kanTha ban ke qatil ka

magar be-tabi-e-zauq-e-shahadat ho to aisi ho

bane aañsū phaphūle sūrat-e-sham.a

jalā.e haiñ ham apnī chashm-e-tar ke

bane aansu phaphule surat-e-shama

jalae hain hum apnī chashm-e-tar ke

naam agar darkār hai misl-e-nagīñ

ek ghar meñ jam ke baiThā kījiye

nam agar darkar hai misl-e-nagin

ek ghar mein jam ke baiTha kijiye

ho gayā dām-e-ḳhauf-e-ġham se rihā

jo tumhārā asīr-e-gesū hai

ho gaya dam-e-KHauf-e-gham se riha

jo tumhaara asir-e-gesu hai

rashk-e-gulshan ho ilāhī ye qafas

ye sadā murġh-e-giraftār kī hai

rashk-e-gulshan ho ilahi ye qafas

ye sada murgh-e-giraftar ki hai

kahāñ dāman-e-husn āshiq se aTkā

gul-e-dāġh-e-ulfat meñ kāñTā nahīñ hai

kahan daman-e-husn aashiq se aTka

gul-e-dagh-e-ulfat mein kanTa nahin hai

ham aise ġharq dariyā-e-gunah jannat meñ jā nikle

tavān-e-latma-e-mauj-e-shafā’at ho to aisī ho

hum aise gharq dariya-e-gunah jannat mein ja nikle

tawan-e-latma-e-mauj-e-shafa’at ho to aisi ho

ḳhudā-hāfiz hai us gul kī kamar kā

ġhazab jhoñke chale bād-e-sahar ke

KHuda-hafiz hai us gul ki kamar ka

ghazab jhonke chale baad-e-sahar ke

chaman-e-sīna-e-pur-dāġh meñ terā jalva

yaar qābil tire gul-gasht ke jannat bhī nahīñ

chaman-e-sīna-e-pur-dāġh meñ terā jalwa

yar qābil tere gul-gasht ke jannat bhī nahīñ

tire kūche kā rahnumā chāhtā huuñ

magar ġhair kā naqsh-e-pā chāhtā huuñ

tere kuche ka rahnuma chahta hun

magar ghair ka naqsh-e-pa chahta hun

unhīñ kī chheḌ thī is rañg meñ bhī

ḳhayāl-e-ġhair thā bātil hamārā

unhin ki chheD thī is rang mein bhi

KHayal-e-ghair tha baatil hamara

ho gayā dām-e-ḳhauf-e-ġham se rihā

jo tumhārā asīr-e-gesū hai

ho gaya dam-e-KHauf-e-gham se riha

jo tumhaara asir-e-gesu hai

hausla teġh-e-jafā kā rah na jaa.e

aa.iye ḳhūn-e-tamannā kījiye

hausla tegh-e-jafa ka rah na jae

aaiye KHun-e-tamanna kijiye

matā-e-garmī-e-bāzār-e-jāñ hai

vo barq-e-ḳhirman-e-hāsil hamārā

mata-e-garmi-e-bazar-e-jaan hai

wo barq-e-KHirman-e-hasil hamara