sāġhar kī aarzū hai na paimāna chāhiye

bas ik nigāh-e-murshid-e-maiḳhāna chāhiye

saghar ki aarzu hai na paimana chahiye

bas ek nigah-e-murshid-e-maiKHana chahiye

mirā sar kaT ke maqtal meñ gire qātil ke qadmoñ par

dam-e-āḳhir adā yuuñ sajda-e-shukrāna ho jaa.e

mera sar kaT ke maqtal mein gire qatil ke qadmon par

dam-e-aKHir ada yun sajda-e-shukrana ho jae

mujhī ko dekh leñ ab tere dekhne vaale

tū ā.īna hai mirā terā ā.īnā huuñ maiñ

mujhi ko dekh len ab tere dekhne wale

tu aaina hai mera tera aaina hun main

sitamgar tujh se ummīd-e-karam hogī jinheñ hogī

hameñ to dekhnā ye thā ki tū zālim kahāñ tak hai

sitamgar tujh se ummid-e-karam hogi jinhen hogi

hamein to dekhna ye tha ki tu zalim kahan tak hai

ishq kī ibtidā bhī tum husn kī intihā bhī tum

rahne do raaz khul gayā bañde bhī tum ḳhudā bhī tum

ishq ki ibtida bhi tum husn ki intiha bhi tum

rahne do raaz khul gaya bande bhi tum KHuda bhi tum

na to apne ghar meñ qarār hai na tirī galī meñ qayām hai

tirī zulf-o-ruḳh kā farefta kahīñ sub.h hai kahīñ shaam hai

na to apne ghar mein qarar hai na teri gali mein qayam hai

teri zulf-o-ruKH ka farefta kahin subh hai kahin sham hai

kaise kah duuñ ki ġhair se miliye

an-kahī to kahī nahīñ jaatī

kaise kah dun ki ghair se miliye

an-kahi to kahi nahin jati

shikva hai kufr ahl-e-mohabbat ke vāste

har ik jafā-e-dost pe shukrāna chāhiye

shikwa hai kufr ahl-e-mohabbat ke waste

har ek jafa-e-dost pe shukrana chahiye

ḳhanjar kaisā faqat adā se

taḌpā taḌpā ke maar Daalā

KHanjar kaisa faqat ada se

taDpa taDpa ke mar Dala

nahīñ thamte nahīñ thamte mire aañsū 'bedam'

rāz-e-dil un pe huā jaatā hai ifshā dekho

nahin thamte nahin thamte mere aansu 'bedam'

raaz-e-dil un pe hua jata hai ifsha dekho

ham rañj bhī paane par mamnūn hī hote haiñ

ham se to nahīñ mumkin ehsān-frāmoshī

hum ranj bhi pane par mamnun hi hote hain

hum se to nahin mumkin ehsan-framoshi

tum ḳhafā ho to achchhā ḳhafā ho

ai buto kyā kisī ke ḳhudā ho

tum KHafa ho to achchha KHafa ho

ai buto kya kisi ke KHuda ho

āshiq na ho to husn kā ghar be-charāġh hai

lailā ko qais sham.a ko parvāna chāhiye

aashiq na ho to husn ka ghar be-charagh hai

laila ko qais shama ko parwana chahiye

mere naale sun ke farmāte haiñ vo

ye usī kī dukh-bharī āvāz hai

mere nale sun ke farmate hain wo

ye usi ki dukh-bhari aawaz hai

hosh na thā be-hoshī thī be-hoshī meñ phir hosh kahāñ

yaad rahī ḳhāmoshī thī jo bhuul ga.e afsāna thā

hosh na tha be-hoshi thi be-hoshi mein phir hosh kahan

yaad rahi KHamoshi thi jo bhul gae afsana tha

mirā sar kaT ke maqtal meñ gire qātil ke qadmoñ par

dam-e-āḳhir adā yuuñ sajda-e-shukrāna ho jaa.e

mera sar kaT ke maqtal mein gire qatil ke qadmon par

dam-e-aKHir ada yun sajda-e-shukrana ho jae

ishq adā-navāz-e-husn husn karishma-sāz-e-ishq

aaj se kyā azal se hai husn se sāz-bāz-e-ishq

ishq ada-nawaz-e-husn husn karishma-saz-e-ishq

aaj se kya azal se hai husn se saz-baz-e-ishq

sadqe ai qātil tire mujh tishna-e-dīdār kī

tishnagī jaatī rahī āb-e-dam-e-shamshīr se

sadqe ai qatil tere mujh tishna-e-didar ki

tishnagi jati rahi aab-e-dam-e-shamshir se

uf-re bād-e-josh-e-javānī aañkh na un kī uThtī thī

mastāna har ek adā thī har ishva mastāna thā

uf-re baad-e-josh-e-jawani aankh na un ki uThti thi

mastana har ek ada thi har ishwa mastana tha

bulbul ko mubārak ho havā-e-gul-o-gulshan

parvāne ko soz-e-dil-e-parvāna mubārak

bulbul ko mubarak ho hawa-e-gul-o-gulshan

parwane ko soz-e-dil-e-parwana mubarak

ishq adā-navāz-e-husn husn karishma-sāz-e-ishq

aaj se kyā azal se hai husn se sāz-bāz-e-ishq

ishq ada-nawaz-e-husn husn karishma-saz-e-ishq

aaj se kya azal se hai husn se saz-baz-e-ishq

ai chashm-e-tamannā tirī ummīd bar aa.e

uThtā hai naqāb-e-ruḳh-e-jānāna mubārak

ai chashm-e-tamanna teri ummid bar aae

uThta hai naqab-e-ruKH-e-jaanana mubarak

halkī sī ik ḳharāsh hai qāsid ke halaq par

ye ḳhat javāb-e-ḳhat hai ki ḳhat kī rasīd hai

halki si ek KHarash hai qasid ke halaq par

ye KHat jawab-e-KHat hai ki KHat ki rasid hai

zamīñ se āsmāñ tak āsmāñ se lā-makāñ tak hai

ḳhudā jaane hamāre ishq kī duniyā kahāñ tak hai

zamin se aasman tak aasman se la-makan tak hai

KHuda jaane hamare ishq ki duniya kahan tak hai

vo sar aur ġhair ke dar par jhuke tauba ma’āz-allāh

ki jis sar kī rasā.ī tere sañg-e-āstāñ tak hai

wo sar aur ghair ke dar par jhuke tauba ma’az-allah

ki jis sar ki rasai tere sang-e-astan tak hai

sajā kar laḳht-e-dil se kashtī-e-chashm-e-tamannā ko

chalā huuñ bārgāh-e-ishq meñ le kar ye nazrāna

saja kar laKHt-e-dil se kashti-e-chashm-e-tamanna ko

chala hun bargah-e-ishq mein le kar ye nazrana

gul kā kiyā jo chaak garebāñ bahār ne

dast-e-junūñ lage mire kapḌe utārne

gul ka kiya jo chaak gareban bahaar ne

dast-e-junun lage mere kapDe utarne

asrār-e-mohabbat kā iz.hār hai nā-mumkin

TuuTā hai na TūTegā qufl-e-dar-e-ḳhāmoshī

asrar-e-mohabbat ka izhaar hai na-mumkin

TuTa hai na TuTega qufl-e-dar-e-KHamoshi

kuchh na ho ai inqilāb-e-āsmāñ itnā to ho

ġhair kī qismat badal jaa.e merī taqdīr se

kuchh na ho ai inqilab-e-asman itna to ho

ghair ki qismat badal jae meri taqdir se

na qurb-e-gul kī taab thī na hijr-e-gul meñ chain thā

chaman chaman phire ham apnā āshiyāñ liye hue

na qurb-e-gul ki tab thi na hijr-e-gul mein chain tha

chaman chaman phire hum apna aashiyan liye hue

kal ġhair ke dhoke meñ vo iid mile ham se

kholī bhī to dushman ne taqdīr-e-ham-āġhoshī

kal ghair ke dhoke mein wo id mile hum se

kholi bhi to dushman ne taqdir-e-ham-aghoshi

maiñ ġhash meñ huuñ mujhe itnā nahīñ hosh

tasavvur hai tirā yā tū ham-āġhosh

main ghash mein hun mujhe itna nahin hosh

tasawwur hai tera ya tu ham-aghosh

kuchh rahā bhī hai bīmār-e-ġham meñ

ab davā ho to kis kī davā ho

kuchh raha bhi hai bimar-e-gham mein

ab dawa ho to kis ki dawa ho

kajī merī qismat kī phir dekhnā

zarī apnī tirchhī nazar dekhiye

kaji meri qismat ki phir dekhna

zari apni tirchhi nazar dekhiye

mujhī se pūchte ho meñ hī batlā duuñ ki tum kyā ho

tajallī tūre-sīnā kī mere ghar kā ujālā ho

mujhi se puchte ho mein hi batla dun ki tum kya ho

tajalli ture-sina ki mere ghar ka ujala ho

'bedam' tumhārī āñkheñ haiñ kyā arsh kā charāġh

raushan kiyā hai naqsh-e-kaf-e-pā-e-yār ne

'bedam' tumhaari aankhen hain kya arsh ka charagh

raushan kiya hai naqsh-e-kaf-e-pa-e-yar ne

ġhair kā shikva kyūñkar rahtā dil meñ jab ummīdeñ thiiñ

apnā phir bhī apnā thā begāna phir begāna thā

ghair ka shikwa kyunkar rahta dil mein jab ummiden thin

apna phir bhi apna tha begana phir begana tha

muntazir hai aap ke jalve kī nargis baaġh meñ

gul garebāñ-chāk shabnam ik taraf nam-dīda hai

muntazir hai aap ke jalwe ki nargis bagh mein

gul gareban-chaak shabnam ek taraf nam-dida hai

ise bhī nāvak-e-jānāñ tū apne saath letā jā

ki merī aarzū dil se nikalne ko tarastī hai

ise bhi nawak-e-jaanan tu apne sath leta ja

ki meri aarzu dil se nikalne ko tarasti hai

furqat meñ tire ġham-o-alam ne

tanhā mujhe pā ke maar Daalā

furqat mein tere gham-o-alam ne

tanha mujhe pa ke mar Dala

na nashāt-e-visāl na hijr kā ġham na ḳhayāl-e-bahār na ḳhauf-e-ḳhizāñ

na saqar kā ḳhatar hai na shauq-e-iram na sitam se hazar na karam se ġharaz

na nashat-e-visal na hijr ka gham na KHayal-e-bahaar na KHauf-e-KHizan

na saqar ka KHatar hai na shauq-e-iram na sitam se hazar na karam se gharaz

junūn-e-ishq kī nairañgiyāñ are tauba

kabhī ḳhudā huuñ kabhī banda-e-ḳhudā huuñ maiñ

junun-e-ishq ki nairangiyan are tauba

kabhī KHuda hun kabhī banda-e-KHuda hun main

qafas meñ bhī vahī ḳhvāb-e-pareshāñ dekhtā huuñ maiñ

ki jaise bijliyoñ kī rau falak se āshiyāñ tak hai

qafas mein bhi wahi KHwab-e-pareshan dekhta hun main

ki jaise bijliyon ki rau falak se aashiyan tak hai

us siyah-baḳht kī rāteñ bhī koī rāteñ haiñ

ḳhvāb-e-rāhat bhī jise ḳhvāb-e-pareshāñ ho jaa.e

us siyah-baKHt ki raaten bhi koi raaten hain

KHwab-e-rahat bhi jise KHwab-e-pareshan ho jae

āshiq na ho to husn kā ghar be-charāġh hai

lailā ko qais sham.a ko parvāna chāhiye

aashiq na ho to husn ka ghar be-charagh hai

laila ko qais shama ko parwana chahiye

us ke hote ḳhudī se paak huuñ maiñ

ḳhuub hai be-ḳhudī nahīñ jaatī

us ke hote KHudi se pak hun main

KHub hai be-KHudi nahin jati

is gul-e-ra.anā ne hañs kar baat kī

ġhuncha-e-ḳhātir hamārā khil gayā

is gul-e-rana ne hans kar baat ki

ghuncha-e-KHatir hamara khil gaya

ishq ke āsār haiñ phir ġhash mujhe aayā dekho

phir koī rauzan-e-dīvār se jhāñkā dekho

ishq ke aasar hain phir ghash mujhe aaya dekho

phir koi rauzan-e-diwar se jhanka dekho

kaun sā ghar hai ki ai jaañ nahīñ kāshāna tirā aur jalva-ḳhana tirā

mai-kada terā hai ka.aba tirā but-ḳhāna tirā sab hai jānāna tirā

kaun sa ghar hai ki ai jaan nahin kashana tera aur jalwa-KHana tera

mai-kada tera hai kaba tera but-KHana tera sab hai jaanana tera

tirī yaad ho aur dil-e-'bedam' ho tirā dard ho aur dil-e-'bedam' ho

'bedam' ko rahe tire ġham se ġharaz tire ġham ko rahe 'bedam' se ġharaz

teri yaad ho aur dil-e-'bedam' ho tera dard ho aur dil-e-'bedam' ho

'bedam' ko rahe tere gham se gharaz tere gham ko rahe 'bedam' se gharaz