shab-e-ġham kis ārām se sau ga.e ham

fasāna tirī yaad kā kahte kahte

shab-e-gham kis aaram se sau gae hum

fasana teri yaad ka kahte kahte

lagā kar aañkh us jān-e-jahāñ se

na hogā ab kisī se āshnā dil

laga kar aankh us jaan-e-jahan se

na hoga ab kisi se aashna dil

tire ġham ko duniyā meñ ai jān-e-ālam

koī ruuh mahrūm-e-rāhat nahīñ hai

tere gham ko duniya mein ai jaan-e-alam

koi ruh mahrum-e-rahat nahin hai

ilāhī rañg ye kab tak rahegā hijr-e-jānāñ meñ

ki roz-e-be-dilī guzrā to shām-e-intizār aa.ī

ilahi rang ye kab tak rahega hijr-e-jaanan mein

ki roz-e-be-dili guzra to sham-e-intizar aai

na kar nāsehā zabt-e-ġham kī nasīhat

ki hai sabr dushvār jān-e-hazīñ par

na kar naseha zabt-e-gham ki nasihat

ki hai sabr dushwar jaan-e-hazin par

kasrat-e-ummīd bhī aish-āfrīñ hone lagī

intizār-e-yār bhī rāhat-fazā hone lagā

kasrat-e-ummid bhi aish-afrin hone lagi

intizar-e-yar bhi rahat-faza hone laga

vahīñ se ye aañsū ravāñ haiñ jo dil meñ

tamannā kā poshīda hai ik ḳhazīna

wahin se ye aansu rawan hain jo dil mein

tamanna ka poshida hai ek KHazina

pahle to ḳhuun merā bahāyā ḳhushī ḳhushī

phir kyā vo ḳhud hī soche ki pachhtā ke rah ga.e

pahle to KHun mera bahaya KHushi KHushi

phir kya wo KHud hi soche ki pachhta ke rah gae

az aah be-qarār dil āzurdagāñ ba-tars

tāsīr-e-iztirāb-e-duā rā nigāh-dār

az aah be-qarar dil aazurdagan ba-tars

tasir-e-iztirab-e-dua ra nigah-dar

terī mahfil se uThātā ġhair mujh ko kyā majāl

dekhtā thā maiñ ki tū ne bhī ishāra kar diyā

teri mahfil se uThata ghair mujh ko kya majal

dekhta tha main ki tu ne bhi ishaara kar diya

baam par aane lage vo sāmnā hone lagā

ab to iz.hār-e-mohabbat barmalā hone lagā

baam par aane lage wo samna hone laga

ab to izhaar-e-mohabbat barmala hone laga

kuchh ḳhabar hai tujh ko ai āsūda-e-ḳhvāb-e-lahad

shab jo terī yaad meñ ham tā-sahar royā ka.e

kuchh KHabar hai tujh ko ai aasuda-e-KHwab-e-lahad

shab jo teri yaad mein hum ta-sahar roya kae

tire karam kā sazā-vār to nahīñ 'hasrat'

ab aage terī ḳhushī hai sarfarāz kare

tere karam ka saza-war to nahin 'hasrat'

ab aage teri KHushi hai sarfaraaz kare

ġhair kī nazroñ se bach kar sab kī marzī ke ḳhilāf

vo tirā chorī-chhupe rātoñ ko aanā yaad hai

ghair ki nazron se bach kar sab ki marzi ke KHilaf

wo tera chori-chhupe raaton ko aana yaad hai

chupke chupke rāt-din aañsū bahānā yaad hai

ham ko ab tak āshiqī kā vo zamāna yaad hai

chupke chupke raat-din aansu bahana yaad hai

hum ko ab tak aashiqi ka wo zamana yaad hai

ġhair se mil kar unheñ nāhaq huā merā ḳhayāl

mujh se kyā matlab bhalā maiñ kyuuñ ḳhafā hone lagā

ghair se mil kar unhen nahaq hua mera KHayal

mujh se kya matlab bhala main kyun KHafa hone laga

ham se kahte haiñ kareñge aaj iz.hār-e-karam

is se kuchh matlab nahīñ mahfil meñ tū ho yā na ho

hum se kahte hain karenge aaj izhaar-e-karam

is se kuchh matlab nahin mahfil mein tu ho ya na ho

nigāh-e-yār jise āshnā-e-rāz kare

vo apnī ḳhūbī-e-qismat pe kyuuñ na naaz kare

nigah-e-yar jise aashna-e-raaz kare

wo apni KHubi-e-qismat pe kyun na naz kare

ajab haiñ ye rāz-o-niyāz-e-mohabbat

ḳhafā kyuuñ hue vo haiñ is par ḳhafā ham

ajab hain ye raaz-o-niyaz-e-mohabbat

KHafa kyun hue wo hain is par KHafa hum

ḳhushī se ḳhatm kar le saḳhtiyāñ qaid-e-farañg apnī

ki ham āzād haiñ begāna-e-ranj-e-dil-āzārī

KHushi se KHatm kar le saKHtiyan qaid-e-farang apni

ki hum aazad hain begana-e-ranj-e-dil-azari

ho rahā hai ġhair mujh se bad-gumāñ

hañs rahī hai pāk-dāmānī mirī

ho raha hai ghair mujh se bad-guman

hans rahi hai pak-damani meri

na ā.eñge vo 'hasrat' intizār-e-shauq meñ yūñ-hīñ

guzar jā.eñge ayyām-e-bahār āhista āhista

na aaenge wo 'hasrat' intizar-e-shauq mein yun-hin

guzar jaenge ayyam-e-bahaar aahista aahista

barq kā aksar ye kahnā yaad aatā hai mujhe

tinke chunvāne lagī ham se judā.ī aap kī

barq kā aksar ye kahnā yaad aatā hai mujhe

tinke chunwāne lagī hum se judāī aap kī

aarzū lāzim hai vaj.h-e-ārzū ho yā na ho

iltifāt us kāfir-e-ḳhud-bīñ kī ḳhū ho yā na ho

aarzu lazim hai wajh-e-arzu ho ya na ho

iltifat us kafir-e-KHud-bin ki KHu ho ya na ho

hañsī ibrat bahut jab rañg-e-gul kī be-sabātī ne

chaman meñ andalīb-e-sāda-dil ko shādmāñ paayā

hansi ibrat bahut jab rang-e-gul ki be-sabaati ne

chaman mein andalib-e-sada-dil ko shadman paya

ummīdeñ tujh se thiiñ vābasta lākhoñ aarzū lekin

bahut ho kar tirī dargāh se be-e'tibār aa.ī

ummiden tujh se thin wabasta lakhon aarzu lekin

bahut ho kar teri dargah se be-e'tibar aai

sukūn-e-qalb kī ummīd ab kyā ho ki rahtī hai

tamannā kī do-chār ik har ghaḌī barq-e-balā mujh se

sukun-e-qalb ki ummid ab kya ho ki rahti hai

tamanna ki do-chaar ek har ghaDi barq-e-bala mujh se

mileñ bhī vo to kyūñkar aarzū bar aa.egī dil kī

na hogā ḳhud ḳhayāl un ko na hogī iltijā mujh se

milen bhi wo to kyunkar aarzu bar aaegi dil ki

na hoga KHud KHayal un ko na hogi iltija mujh se

paḌh ke terā ḳhat mire dil kī ajab hālat huī

iztirāb-e-shauq ne ik hashr barpā kar diyā

paDh ke tera KHat mere dil ki ajab haalat hui

iztirab-e-shauq ne ek hashr barpa kar diya

jilā.e shauq se ā.īna-e-tasvīr-e-ḳhātir meñ

numāyāñ ho chalā rū-e-nigār āhista āhista

jilae shauq se aaina-e-taswir-e-KHatir mein

numayan ho chala ru-e-nigar aahista aahista

kasrat-e-ummīd bhī aish-āfrīñ hone lagī

intizār-e-yār bhī rāhat-fazā hone lagā

kasrat-e-ummid bhi aish-afrin hone lagi

intizar-e-yar bhi rahat-faza hone laga

na chheḌ ai ham-nashīñ kaifiyat-e-sahbā ke afsāne

sharāb-e-be-ḳhudī ke mujh ko sāġhar yaad aate haiñ

na chheD ai ham-nashin kaifiyat-e-sahba ke afsane

sharab-e-be-KHudi ke mujh ko saghar yaad aate hain

huī us meñ ik garmī-e-shauq paidā

paḌī jo nazar us ruḳh-e-ātishīñ par

hui us mein ek garmi-e-shauq paida

paDi jo nazar us ruKH-e-atishin par

miTe afkār-e-gonā-goñ ke jhagḌe

tire ġham ko na de kyūñkar duā dil

miTe afkar-e-gona-gon ke jhagDe

tere gham ko na de kyunkar dua dil

kyā kahā maiñ ne jo nāhaq tum ḳhafā hone lage

kuchh sunā bhī yā ki yūñhī faisla hone lagā

kya kaha main ne jo nahaq tum KHafa hone lage

kuchh suna bhi ya ki yunhi faisla hone laga

āshiqoñ ke hoñge rāh-e-yār meñ kyā kyā hujūm

shauq jin ko kārvāñ-dar-kārvāñ le jā.egā

aashiqon ke honge rah-e-yar mein kya kya hujum

shauq jin ko karwan-dar-karwan le jaega

jafā-kārī hai taslīm-e-sitam bhī

na hogā tābe.a-e-jaur-o-jafā dil

jafa-kari hai taslim-e-sitam bhi

na hoga tabea-e-jaur-o-jafa dil

aarzū ke dil pe ā.eñgī na kyā kyā āfateñ

dar-pai-e-inkār hai nā-āshnā.ī aap kī

aarzu ke dil pe aaengi na kya kya aafaten

dar-pai-e-inkar hai na-ashnai aap ki

kuchh is aalam meñ vo be-parda nikle sair-e-gulshan ko

ki nasrīñ apnī ḳhushbū rañg bholī nastaran apnā

kuchh is aalam mein wo be-parda nikle sair-e-gulshan ko

ki nasrin apni KHushbu rang bholi nastaran apna

baḌī dargāh kā saa.il huuñ 'hasrat'

baḌī ummīd hai merī baḌā dil

baDi dargah ka sail hun 'hasrat'

baDi ummid hai meri baDa dil

ishq se phir ḳhatra-e-tark-e-vafā hone lagā

phir fareb-e-husn sargarm-e-adā hone lagā

ishq se phir KHatra-e-tark-e-wafa hone laga

phir fareb-e-husn sargarm-e-ada hone laga

umīd-vār haiñ har samt āshiqoñ ke giroh

tirī nigāh ko allāh dil-navāz kare

umid-war hain har samt aashiqon ke giroh

teri nigah ko allah dil-nawaz kare

tirī ḳhū-e-barham se vāqif thī phir bhī

hue muft sharminda-e-iltijā ham

teri KHu-e-barham se waqif thi phir bhi

hue muft sharminda-e-iltija hum

malāmat hī likhī hai sar-basar kyā

mirī qismat meñ tere pāsbāñ se

malamat hi likhi hai sar-basar kya

meri qismat mein tere pasban se

vo kyuuñ bigḌe mire shor-e-fuġhāñ se

shikāyat un se thī yā āsmāñ se

wo kyun bigDe mere shor-e-fughan se

shikayat un se thi ya aasman se

mire dil se hai raazī ġham tumhārā

na kahnā ab ye kāshāna burā hai

mere dil se hai raazi gham tumhaara

na kahna ab ye kashana bura hai

mohabbat ke evaz rahne lage har-dam ḳhafā mujh se

kaho to aisī kyā sarzad huī āḳhir ḳhatā mujh se

mohabbat ke ewaz rahne lage har-dam KHafa mujh se

kaho to aisi kya sarzad hui aaKHir KHata mujh se

diloñ ko fikr-e-do-ālam se kar diyā āzād

tire junūñ kā ḳhudā silsila darāz kare

dilon ko fikr-e-do-alam se kar diya aazad

tere junun ka KHuda silsila daraaz kare

āshiqoñ ke hoñge rāh-e-yār meñ kyā kyā hujūm

shauq jin ko kārvāñ-dar-kārvāñ le jā.egā

aashiqon ke honge rah-e-yar mein kya kya hujum

shauq jin ko karwan-dar-karwan le jaega

mileñ bhī vo to kyūñkar aarzū bar aa.egī dil kī

na hogā ḳhud ḳhayāl un ko na hogī iltijā mujh se

milen bhi wo to kyunkar aarzu bar aaegi dil ki

na hoga KHud KHayal un ko na hogi iltija mujh se